الحب من طرف واحد

بعد ما خلاني احبه قرر يبعد عني

انا بنت عندي 20 سنة من اربع سنين كنت مشتركة في موقع علي النت و كنت معروفة باحترامي و ثقافتي فكنت محبوبة جدا و كان فيه واحد بيتابع كل كلامي كل مواضيعي بس من غير ما يحصل بينا كلام لاني مش كنت بكلم شباب و بعد سنتين حصلت مشكلة في الموقع و هو دافع عني جامد اوي و وقف معايا و بعتلي مسدج بعد الموقف دة علي الفيس بوك و اضافة اضطريت اني اقبلها علشان اشكره و مش في دماغي اي حاجة تانية بس و كنت ناوية ان بعد اسبوع امسحه لاني مش بضيف ولاد علي الفيس بوك ولا بكل شباب علي النت بس اللي حصل ان كان عمري وقتها 18 سنة اعجبت بييه من غير ما اعرف ان اعجاب و كل ما كنت اقول امسحه الاقي نفسي بقول بكرة و مش فهمت ان دة معناه ممكن يكون حب او تعلق لقيته بيخاف عليا اوي من كل حاجة و كل ما بغلط الاقي بيهتم جدا انه يصلحلي غلطي و بيطلب مني كان كتير اسمع دروس دينية لشيوخ معينين كدة و كل دة زاد اعجابي و تحول الي حب و حاولت اني اعمل مشاكل بيني و بينه علشان ابعد عنه بس كان بيسامحني لحد ما اعترفلي بحبه هو كمان و انا طبعا رغم حبي ليه رفضت بشده و فضلت نكون اخوات فترة 6 شهور يمكن بعدها اتعلقت بيه اوي لاني لقيته شخص محترم جدا كلامه كله محترم عمره ما طلب مني اني اعمل اي غلط ولا شافني بعمل غلط الا و صلحهولي فقررت ابعد عنه بعدت 3 شهور بس مشاعري كانت اقوي رجعت اكلمه علي اننا اخوات يمكن فترة 3 شهور كمان بس بقا كلامنا علي الموبايل طلب مني يكلم مامتي كذا مرة لانه كان بيدايق اني بكلمه من وراها بس انا رفضت لان ماما اكيد مش هتوافق اكلم واحد علي النت يعني و بعدين هو عرف عنواني من واحدة صحبتي و لقيته جا من القاهرة لاسكندرية مخصوص جالي الجامعة علشان يشوفني حتي لو من بعيد بس مش روحت كنت اليوم دة بعد كدة جا عند البيت مش عرف البيت بالظبط بس فضل اليوم كله في الشارع بتاعي بيحاول بس يشوفني من بعيد صدفة كل دة زود حبي لي لحد ما اعترفتله بحبي و قررنا مش نقول لبعض كلام حب علشان مش نغضب ربنا و لانه كان بيخاف عليا اوي فعلا و لكن بعد فترة حبيته اوي و بقيت اثق فيه جدا قررنا نتقابل بس في الجامعة علشان يكون مكان عام و رسمي و يكون اصحابي كلهم موجودين و فعلا اتقابلنا و كان محترم جدا حتي مجرد السلام بالايد مش حصل بينا و بعد فترة بدات تحصل مشاكل بينا لاننا اكتشفنا ان حبنا مستحيل يكمل فبدا هو يختلق المشاكل و انا كمان و نحاول نبعد من غير جرح بس انا من غير قصد مني جرحته فقرر يبعد عني و نسا حبي و رفض اي اعتذار كنت بتعذب لحد ما انا كمان فقدت الامل و قلتله مش مكلماك تاني خلاص بس لقيت صاحبه بعد كدة بعتلي رسالة بيقولي ان طبعه كدة و كلام غريب فالمهم لما عرف بقا رجع كلمني تاني و بهدل صاحبه لانه كلمني و قالي اي حد يدايقك قوليلي و قلتله تقبل نكون اخوات و وقتها كنت فرحانة اوي قالي صعب بعد كدة وافق و بقينا اخوات فترة طويلة اوي بيخاف عليا و بخاف عليه بس كان بيغير عليا من اي حد من كل الناس بطريقة غريبة فبدات احس ان احساس الاخوة بيقلب بحب و هو كلامه كان غريب جدا ييتفهم بمعني الحب اكتر من الاخوة بس للاسف كان فيه بنات اصحابي و اصحابه في نفس الوقت كانوا بيوقعوا بينا جامد اوي و علاقتنا بازت تاني و بعدنا عن بعض تاني و بعدين رجعنا نتكلم بعد فترة و عرفنا امن فيه ناس بتوقع بينا و رجعنا اخوات و رجع يغير عليا من كل الناس لو عرف اني كلمت ولد بس غيره بيبقا متعصب اوي و بيزعق بطريقة غريبة اوي و يقولي في الاخر بخاف عليكي اوي بس المشكلة ساعات بحس اني بحبه و ساعات بحس انه اخويا العلاقة بينا محترمة جدا بس ساعات بحس اني المفروض ابعد عنه لان ساعات بيكون قاسي عليا اوي مع انه في اغلب الحالات بيكون علشان مصلحتي بس خايفة اني اكون بهين كرامتي قولولي اعمل ايه

مشاكل وحلول ذات صلة

اضيف بتاريخ: Friday, April 6th, 2018 في 16:33

كلمات مشاكل وحلول: , , , , , , , , ,

اترك رداً أو حلاً لهذه المشكلة