انا مشكلتى ان انا وماما بعاد اوى عن بعض. يعنى مبحكلهاش على اى حاجة ولا تعرف عن اصحابى غير اساميهم. انا بتكسف احكيلها معرفش ازاى. كمان بحس انها مش هتفهمنى. بس انا عذراها لان ابويا بيتعبها و طول النهار مخليها تعملو اللى هو عايزه و بس. فأكييد مش هتبقا فاضيالنا.
نفسى اقربلها و نبقا زى الاخوات بس مش عارفة. كمان انا معنديش اخوات بنات هو اخ واحد بس اصغر منى.
ولانى خنت ثقتها زمان و حبيت واحد من النت و كلمتو فى الموبايل و هى عرفت بكده صدفة. فهى تعتبر شاكة فى بس بتحاول تدارى. وهى مبتفهمش فى الكمبيوتر فانا بخاف مثلا اقولها انى صاحبتى قالتلى هنخرج بكرة ع النت. لانى بحس انها هتشك فيا هتقول دى طول النهار بتكلم صحابها فأكيد بتكلم ولاد. بفهمها انى بقعد ع النت عشان العب و بس.
بس انا دلوقتى الحمدلله قريبة من ربنا و سبت الولد ده و ندمانة انى اتعرفت عليه لانو خلى امى متثقش فيا. بس نفسى علاقتى مع ماما تبقا احسن من كدة
هموم البنات
بعيدة عن مامتى وخسرت ثقتها فيا
اضيف بتاريخ: Saturday, December 30th, 2017 في 14:57
كلمات مشاكل وحلول: الحب, النت, بنات, بنت, حب, مشاكل, موبايل
شوفي يابنتي علاقتك مع الماما على غير مايرام مافي داع انك تزعليها او تغضبيها بتصرفاتك الطائشة والغير اخلاقية كوني صادقة وصريحة معها ولاتخبي عنها ايو شي خليها واثقة فيك ومن اخلاقك وتربيتك ولاتكذبيش عليها او تحاول كسر كلمتها او عدم السماع لماتقوله لك عشان ربنا يبارك فيك ويرضى عنك ويؤفقك طوال عمرك امك تحبك وخايفة عليك والواجب عليك تحترميها وتطيعيها وتقوم على ارضاها وطاعتها والله يصلحك ويهديك ويسترعليك ويؤفقك في حياتك كلها