الحب على النت

الوحيدة اللي حبيتها من بين كل البنات ماتت وانا ظلمتها

انا شاب 22سنه كنت مدمن حاج اسمها نت بس على الموبايل عشان كده كنت باستمرار عليه وكان واخد جزء كبير من حياتي وده طبعا علشان البلد اللي عايش فيها  مفيهاش اي وجه للترفيه وبصراحه كنت بحور على بنات كتير وكان معايا ارقام بنات كتير جدا و صور كتير جدا وكل بنت فاكره اني مش بكلم غيرها وانا في الحقيقه  كان معايا اكتر من 20 ايميل  لغايه ما وقعت في اجمل بنت شوفتها على النت  اهتميت بيها اوي  وهي كمان بس في نفس الوقت كنت بكلم بنات غيرها بس والله كانت بالنسبالي غيرهم تماما طلبت منها رقم موبايلها  رفضت بس كانت كل ما تنزل الجامعة تكلمني من اي سنترال لانها هي كمان كانت بتقولي انها بتحب تسمع صوتي بس مينفعش اخد رقمها لانها واعده امها بكده   وفجاه بطلت تفتح  لمده اسبوع لما فتحت سالتها عن السبب قالت انها تعبت وكانت محجوزه ف مستشفى بسبب نزيف من الانف  ساعتها اتعصبت عليها اوي وطلبت منها تشوفلها حل اعرف بيه اخبارها لو بطلت تفتح  وسبحان الله هي الانسانه الوحيده اللي كانت بتعرف تهديني بكلمه واحده منها مع اني عصبي جدا جدا  واتفقت معايا انها تعرف صاحبتها الباسورد بتاعها بحيث لو حصلها حاجه تاني صاحبتها تفتح وتعرفني وفعلا بعد حوالي شهر تعبت وللاسف صاحبتها بلغتني انهم اكتشفو انها مريضه  بكانسر سرطان الدم ساعتها الدنيا لفت بيا واختل توازني معرفتش امسك اعصابي..بعد ما خرجت من المستشفى فتحت وقالتلي انها عاوزه تبعد عنها لكن انا رفضت وقولتلها اني هفضل جمبها وفرحت بكده اوي بس كانت كل فتره تفتح نفس الموضوع وانا كنت بقنعها بس للاسف كل ده وانا لسا  كنت بتكلم مع بنات غيرها بس اقل من الاول..  وفيوم  نزلت مخصوص من البيت علشان تكلمني مع ان  الطبيب محرج عليها النزول في الشمس لكن نزلت لاني كنت زعلان منها عشان طلبت منها انزل اقابلها وهي رفضت ولما كلمتني تاني يوم قالتلي انها موافقه علشان حاسه انها مش هتشوفني تاني واتفقنا على يوم م

حدد انزلها فيه لانها كانت من  محافظه تانيه وفي اخر المكالمه قالتلي هتوحشني اوي ودي اول مره اسمعها منها  في الموبايل و اتفقنا كمان اني لما اقابلها هتشتري موبايل جديد وتخصصه ليا انا وانا اللي هختار الموبايل والخط بنفسي لكن سبحان الله على القدر وانا بكلمها الخط قطع ..وعدي يومين وحتى صاحبتها مفتحتش وفجاه فتحت لقيت صاحبتها سايبه رساله بانها اغم عليها وهي بتكلمني ونقلوها على المستشفى وماتت بعدها بيوم…اعتكفت في البيت ومخرجتش لمده شهر وانا مش قادر اتكلم مع حد والمشكله اني اتاكدت بنفسي من كده  لاني اعرف واحد بيدرس في نفس الكليه قولتله على الاسم وسال هنا واكدلي الخبر ..اللي تاعبني دلوقت اني حاسس بالم فظيع في ضميري حاسس اني كنت بخونها واني كنت بظلمها ومش عارف اعمل ايه ……وفي النهايه انا اسف اني طولت عليكم الحديث بس بالله عليكم تساعدوني

مشاكل وحلول ذات صلة

اضيف بتاريخ: Thursday, December 9th, 2010 في 11:36

كلمات مشاكل وحلول: , , , , , , , , , , , , , , , ,

43 رد to “الوحيدة اللي حبيتها من بين كل البنات ماتت وانا ظلمتها”

  1. مجنون نسوان
    16/01/2016 at 15:02

    يااخي الموت عليناحق وماحدش يعترض على قضاءالله وقدره انت مش قادر تعملهاشئ ولاباستطاعتك انت ولاكل البشر ان يردوعنها القضاء كل نفس ذائقةالموت -واذاجاءاجلهم لايستاخرون ساعةولايستقدمون- ادع الهابالرحمةوالمغفرة وقدتكون رسالة لك من العلي الحكيم ان تتوب من اللي انت فيه من المحرمات والمعاصي وتقلع عنها والبنت دي ربنا جعلهافي طريقك لاجل تفوقك من حياة الضلال والضياع اللي انت عايش فيها فهل تتقي الله وتتوب وتقطع علاقاتك المحرمة مع البنات الساقطات اتمنى ذلك وابغا اسمع عنك اخبار سارة نشاءالله وربي يوفقك ويهديك ويصلح حالك ويرضى عليك ويقنعك من المحرمات والمعاصي وكل شباب المسلمين

  2. حلال المشاكل
    18/12/2014 at 11:07

    ربنايرحمهابواسع رحمته ويصبرك على فراقها اكثرمن الدعاءلهابالمغفرةوالرحمة وعش حياتك من حقك تحب البنت اللي تشوفهامناسبة وعلى دين وخلق وتزوجها دي سنةالحياة كلنا مصيرناالموت والرحيل من الدنيادي اهم شي انك تتعظ من اللي حصل معاك وتتقي الله في نفسك وفي كل اقوالك وافعالك وربي يصلح حالك ويكرمك بكل الخير

  3. mehdi
    27/11/2014 at 00:28

    وقعتلي نفس القصة غير اني ما خنتها و لا كلمت غيرها
    و بعد موتها ( الله يرحمها ) حسيت باكبر ذنب بحياتي
    و اكبر الم , طبعا انت راح تحس الم اكبر ,
    كما يقول الرابر مسلم :
    – الموت علينا حق
    – و اذا واحد فينا سبق
    – ضروري يتسال عين الحق
    – بالحق كاين واحد الفرق , ‘ هو الالم ‘

  4. ابواميرة
    24/11/2013 at 03:03

    شوف يااخي مقاديرالله على كل انسان في هالحياة الموت رحمةللعباد ولازم تومن بالفضاءوالقدر وتعمل لاخرتك اتقي الله في نفسك وفي كل بنات الناس اقطع علاقتك بهم للابد وتذكر ان الله بعت لك هذةالبنت لتنبهك من غفلتك هذة ادعوالهابالرحمةوالمغفرة ولوكنت صادق في حبك لها وتعزها تصدق عنهاهذاللي ينفعهافي قبرها واكثرمن الدعاءلهاوغيرمن حياةاللهو والضياع اللي انت فيها وتقرب لله بالاعمال الصالحة النافعة تلاقي الله وهو راضي عنك وفقك الله واصلح حالك وتاب عليك وهداك لطريق الخيروالفلاح

  5. مصطفى
    17/07/2013 at 17:55

    لا اله االا الله اللهم حسن الخاتمة ، يا رجل تووب اي واحد بحب حب حرام اما يتزوجها و اما لا يستمر يا اخوان انا تبت و الله انها ليست حياة التي كنت اعيشها اللهم اغفر لي و ارزقني حسن الخاتمة ياا ملك ، اما اتقيت الله بالبنت حثيتها على الحرام و علمت انها لم يتبقى لها الا ايام معدودة في هذه الحياة ( كلا اذا بلغت التراق و قيل من راق و ظن انه الفراق و التفت الساق بالساق الى ربك يوم اذن المساق فلا صدق ولا صلى و لكن كذب و تولى ثم ذهب الى اهله يتمطى اولى لك فاولى ثم اولى لك فولى ايحسب الانسان ان يترك سدى الم يكن نطفة من مني يمنى ) و قال تعالى ( يوم يعض الظالم على يديه يقول يا ليتني اتخذت مع الرسول سبيلا يا ويلتاه ليتني لم اتخذ فلانا خليلا ) يا رجل تب الى الله توبوا يا ناااس والله ان الموت ياتي غفلة

  6. ابواميرة
    06/12/2012 at 20:25

    الله يرحمها ويغفرلهاوربنا يصبرك ودا حال الدنياالمفروض منك تتعظ وتتوب الى الله ومتكلم بنات تاني وهذادرس لك ان الله قادريحرمك من اعزانسان حبيته

  7. adel troy
    19/11/2012 at 07:15

    ربنايصبرك على فراقها
    بص حاول تخليها ذكرى حلوة ليك بس متنسهاش و حاول تشوف حياتك لان اكيد هية هتفرح لما تعيش حياتك مش تدفنها
    لانها فعلاا بتحبك
    يارب طول فى عمر حبيبتى يارب و لو الموت هيجلها يجيلى انا بدلاا منها
    عندى اموت انا بدل من حبيبتى تموت مقدرش استحمل فراقها بعد الشر
    عذرك فراق الحبيب صعب حاول تستحملة
    الله يكون فى عونك

  8. اخ يا دنيا
    01/03/2012 at 19:26

    الله يرحمها شايف زي منتا كنت بتلعب بالبنات القدر لعب بيك اداك اللي انتا عاوز وخاذ منك المرة الجاية اتعلم ومتبقاش تضحك عالبات كثير بس خذ بالك برضو لتيجي وحدة تضحك عليك كمان انت معملتش حاجة وحشة يعني بلاش عتاب ارحم روحك هي بتعرف دي الوقتي انك بتحبها

  9. اكتر حاجة توجع الكدب
    09/01/2012 at 01:04

    انا منهااااااارة من العياط الله يرحمها بس حاول ماتكلمش بنات كتير واوعى تظلم حد معاااااااك

  10. دمعة القمر
    06/11/2011 at 11:36

    ربنا يرحمها ويصبرك ويرزقك ببنت تعوضك وتنسيك احساسك بالذنب ده وانت مش غلطان لانك كنت بتتغير علشانها اهو

  11. المغربيةميمي
    17/09/2011 at 17:48

    يا جماعه والله العضبم انا دمعت .بس يا اخي الفاضل الحياة بتستمر بس ده لازم يكون كدرس لك ولا تتلاعب ببنت تانية انا عارفه انك مكنتش تتلاعب بها بس لازم تركز مع وحده بس الله يرحمها يارب

  12. ريمووو
    14/09/2011 at 19:13

    ربنااااا يصبرك يااارب ويعوضك خير وربنا يرحمها ويا اخت يارا احب اقلك مش كل الناس زي بعض ومش كل الظرووف بتبقي مشابهه ومش عشان بنت اتسلت بقريبك تبقي كل البنات زيها ومن كلامه عنها انها كانت كويسه ربنا يصبرك ياااااااارب وحاول تفوق لنفسك وادعيلها وادعي انها تسامحك

  13. HanyMoh
    11/08/2011 at 06:29

    رحمها الله وعفا عنها ورزقك بخير منها أو مثلها

    أخي الحياة لن تتوقف عند حياة شخص واحد

    أنت لم تظلمها لأنها ليست زوجتك

    أنت كنت على خطأ لأنك تحدثت معها ومع أي بنت أخرى

    أخي اعتبر أن هذا إنذار من رب العزة على أن تتعجل بالتوبة

    وأن تدعو لها الله بالرحمة وتستغفر لها

    فهي بحاجة لدعائك أكثر من حاجتك لها

    رحمها الله..

  14. احمد
    07/05/2011 at 17:32

    يا حبيبى يلى عندك 22 سنه العمر لسه قدامك يا حبيبى..حكايتك مؤثره..وممكن تكون حقيقى بنسبة 10% 90% بقه ان حبيبتك وصحبتها اللى اعطت ليها الرقم السرى للميل…هم شخص واحد

    والبنت اللى قالتلك عليها هى نفسها اللى فى الكليه…ولكن مش هيه…هى لقتك اتعلقت بيها
    اوى وهى بنت محترمه…حبت تسيبك وانت مش مصدوم…………..هذا والله اعلم…وبص لمستقبلك

    وبطل حب على النت هيجيب اجلك هههههه

  15. Tiger
    01/04/2011 at 10:52

    قدر الله وما شاء الله فعل . وما تتعب ضميرك يا أخي

  16. بطه
    30/03/2011 at 12:07

    حاول تنساها ارجوك والله انت اثرت فيا وربنا يرزقك ببنت احسن منها ويا ريت تبطل لعب مع بنات تانى وبلاش حكايه الشات ده بالله عليك

  17. اختك بالله
    27/12/2010 at 01:30

    كان الله في عونك والله يرحمها ويسكنها جنات الخلد امييييييييييين قل اللهم اجرني في مصيبتي واخلف لي خيرا منها الله يسامحك ويؤجرك اتقي الله في بنات الناس هذه عبره لك لا تصادق بنات وامشي في طريق الحق طريق الهدايه الله يصبرك ويصبر اهلها اميييييييين

  18. semsema
    25/12/2010 at 04:00

    ربنا يكون فى عونك بجد بس ياريت تقرب من ربنا اكتر وتصلى دايما وتدعيلها بالرحمه يمكن كل اللى حصل معاك ده علشان تحس بالذنب وتستغفر ربنا وتحس انك غلطان فى حجات كتير فى حياتك وفى النهايه ربنا عمره مابيعمل اى حاجه وحشه ابدا ياريت تقرب منه قوى علشان انت فعلا محتاجه يقف جمبك ويرحمك من التفكير وعذاب الضمير ارجعله ولما ترتاح احلم من جديد وبص للشمس كل يوم الصبح وقول انهارده يوم جميل وابتدى بالخير واكيد هتنتهى بالخير علشان لما تنام تكون مرتاك وتقول الحمد لله واحلم ببنت طيبه وكويسه تعرضك اللى فاتك وبجد بتمنالك الخير والتوفيق فى حياتك

  19. اعتبر
    16/12/2010 at 19:36

    اسال الله الرحمة والغفران لها اخي الكريم انصحك ان تستدل على قبرها وتقرا لها الفاتحة فهذا اكثر شيء تستطيع ان تنفعها به

  20. عاصم الشيبانى
    14/12/2010 at 14:22

    الله اما ادخلها فصيح جناتيك وربنا يلهمك الصبر والسلوان يا صاحب المشكله

  21. يارا
    13/12/2010 at 17:35

    الاخ صاحب المشكله انا معترضش انها حبيتك مهى لازم تكون حبيتك والامتكونش بنى ادمه وانا دلوقتى متاكده انها بتفكر فيك وفى كل اغنيه سمعتوها لبعض وكل كلام دار بينكم بس ظروفها كانت اقوى من انها تشوفك وممكن تكون واحده بنفس المواصفات اللى انتى قولتهاهى اللى ماتت واللى انتا وصفتها لصحبك على اساس انها ورتك صوره انتا اصلن مش متاكد انها صورتها ممكن تكون بالفعل صوره لبنت عندها صحبت اختها او قربتهم او معرفتهم انا عايزه احكيلك عند تجربه مثيله حصلت لابن عمتى واخو صديقتى هو كمان نفس الموضوع بس اخو صحبتى اكتشفها لانو جاب عنوان صحبتها عن طريق رقم التليفون بتاع صحبتها اللى كانت بتكلمو منو بحجة ان مفيش خصوصيا فى البيت واخوتها الولاد بيلعبو فى موبايلها وكانت همزة الوصل بينهم صحبتها دى واعترفت صحبتها ليه بكل حاجه علشان خافت يفضها فى بيتها فقالتلو انها كانت مكتوب كتبها وقت معرفتو لابن عمها وهى بجد حبيته بس كانت اخده هى وصحبتها دخول الشات مجرد لعب عيال لكن مع الوقت بقت تتعلق بيك ولما اصريت انك تشوفها وتخرجو كانت بتتهرب ولما الحيت فى كل مره بتتكلمو خافت تتفضح لو شفتها او حد شفها معاك وخصوصا انها مكتوب كتبها وكمان لان الصوره اللى ورتهالك وفضلت ادامك مش صورتها خافت تصرحك وخافت تكرهافبتدت تالف حكايه علشان تكسب عطفك وانتباهك ليها فى الاول ولما الموضوع وصل لحيطه سد الفت حكاية الموت دى لكن ابن عمتى شفها وخرج معاها لكن لما زهقت وجالها عريس دكتور وغنى وع انها كانت بتحب ابن عمتى اووى الفت حكاية التعب دى وبطريقه محدش يصدق انها كدب وقالتلو انهاهتسافر تتعالج بره ولو مكلمتهوش تانى يبقا ربنا استرد ودعته وفعلا سافرت بس مع جوزها علشان هيشتغل ويكمل دراسته بره وده اللى اكتشفو بعد سنه ونص صدفه بعد معانا شهور من الصدمه كان بيقعد ادام الاميل ليل ونهار لا اكل ولا شرب لدرجة ان عمتى كانت بتيجى تعيط لابويا وكانت خايفه عليه انا اسفه كلامى ممكن يهدم ليك حلم جميل انتا عشتو مش سهله انا اسفه بس ساعات من كتر مبنتاثر بحاجه بنصدق اووى ونسد اذانا عن اى كلام تانى صدقنى ممكن الصدفه هى اللى حطط فى طرقها ظروف بنت بنفس المواصفات وبطريقه مفبركه القدر ساعدها انها تكمل اللعبه على اكمل وجه

  22. صاحب المشكله
    12/12/2010 at 18:43

    الاخت يارا احب اقولها اتقي الله انا عمري ما شفت ولا هشوف في حياتي انسانه حبتني ولا اهتمت بيا اكتر منها وبعدين انا قلت اني سالت واحد اعرفه من نفس كليتها وقال ان فعلا في بنت بنفس المواصفات دي اتوفت وبنفس المرص وفنفس الوقت حرام عليكي حرام

  23. يارا
    12/12/2010 at 13:54

    انا اسفه بس فى ناس ممكن تكون بتحب الافلام العربى لدرجة انها بتعيش نفسها فيها وبتحب تكون بطلتها وهى اختارت علاقه من النت علشان محدش يعرف عنها حاجه مسالتش نفسك ليه كانت رفضه تقابلك مسالتش ليه اليوم اللى اتفقتو فيه انها تقابلك حصل اللى بتحكيه واشمعنا اغم عليه الساعه دى بالذات وليه خلت بنكم طرف تالت الطرف ده اللى المفروض يكون الجمهور صحبتها اللى هتضحك من الشخص اللى عايز على كرى البنت اللى عندها الكانسر للاسف انتا ضحية خدعه بتتكرر كل يوم على النت لانها حصلت مع ناس كتير قبلك اديها كمان فتره هتلاقى صحبتها بتكلمك علشان تواسو بعض وتكون نكته بينهم ومش بعيد تكون قعده جنبها بتتفرج على كلامك عليها على اساس انها المرحومه بقا وهى رافعه حجبها وبتبين لصحبتها اد ايه هى جامده انها تخليك تموت فيها كده متصدقش ارجوك دى حكيات مكرره وقصص كل يوم ولسه ياما هنشوف من العلاقات اللى ورا شاشه لان دايما بدايتها كده وارهنك انها متجوزه وعلشان كده مكنتش عايزه رقمك على موبايلها وكمان مكنش ينفع تخبى على جوزها موبايل تانى لو انكشفت فيها طلقها ومش هتخرب بيتها علشان تسليه وعلاقة نت وعملت القيلم ده لانك اصريت تقبلها والحاحك خلاها تفبرك موضوع تنهى بيه الحكايه بطريقه دراميه تجبرك تفتكرها دايما والله واعلم دى صورها اصلن ولا مجرد صور لحد غيرها من اى مكان والله واعلم جابت اسم البت اللى اختفت دى منين ممكن صحبت اختها او معرفتها او صحبتها هى نفسها بس الاكيد ان دى دراما علشان الموضوع دخل فى الجد ومكنتش تقدر تصرحك علشان متبوظش ذكرى او لحظات حلوه كانت بينكم فكان الحل فى حكايه تهرب بيها وفى نفس الوقت تكون فكرها صدقنى متعزبش نفسك لانها حكايات مكرره

  24. ديدو
    10/12/2010 at 23:56

    ربنا يصبرك بس انا شايف انك تدعيله بالمغفره والرحمه وتحول انك تحط حساب ان ربنا شايف كل حاجه يمكن يكون ده درس تتعلم منه في حياتك بس من نعمه الله علي الناس هي النسيان لم ربنا يكرمك وتتجوز اتقي الله في مراتك بس

  25. استعن بالله
    10/12/2010 at 19:07

    انا لله وانا الية راجعون بجد الحكاية اثرت فيا جامد بس على قد مأثرت فى على قد ماأنا زعلانة قوى من تصرفك معاها ازاى بتحبها وبتكلم غيرها حتى لو كان اقل من الاول مش مبرر انت ومن وجهة نظرى ومن غير زعل انت مكنتش بتحبها الحب اللى بجد والحقيقى انت لقيت واحدة مختلفة عن اللى انت تعرفهم قبل كدة محترمة هية من الواضح كانت بتحبك لكن انت مش بتحبها قد حبها ليك ولو انى مش مع اى حد انة يتكلم مع حد ميعرفوش على النت لانة حرام مبحبش علاقات النت لانها حرام ومعظمها مبنية على الخداع مش قصدى الموضوع دة انا بتكلم على العام ولو انت بتحبها قوى كدة متقدمتش ليها لية اللى اقدر اقولهولك انت بعيد قوى عن ربنا ودى فرصة تتقرب بيها من ربنا اغتنم الفرصة دى وقرب من ربنا اكتر من كدة وسيبك من كل دة واخرج من حالتك دى وادعيلها ربنا يغفر لها ذنوبها ويشفع لها لاجل مرضها واخر كلمه هقولها سيبك من الشات وابعد عنة لانة من عمل الشيطان والله على ما أقول شهيد وربنا يهديك

  26. t.h
    10/12/2010 at 13:08

    يا رب اجعل مثواها الجنة و لعل مرضها يكون كفر عنها سيئاتها

  27. إسلام
    10/12/2010 at 01:28

    أقسم لك بالله إنى حزنت عليها كحزنى على أبى الله يرحمه
    البنت دى كانت وفيه ومن كلامك عنها إنها كانت بنت حلال أوى
    أسأل الله أن يرحمها رحمة واسعة وأن يجعلها فى أعلى عليين وأن يمد لها فى قبرها مد بصرها وأن يجعل قبرها روضة من رياض الجنة وأن يحرم جسدها على النار وأن يدخلها من أوسع أبواب الجنة.
    عايز تكفر عن ذنبك وتعمل حاجه ليها؟
    أولا تب إلى الله
    ثانيا لما ربنا يكرمك وتتجوز سمى على إسمها ومتعرفش مراتك إنت لليه مختار الإسم ده لأن الى زي دى ما ينفعش تتنسى خالص.
    ثالثا تصدق واوهب لها ثواب الصدقة
    الله يرحمها .

  28. حبيبة الرحمن
    10/12/2010 at 00:55

    اخي في الله ربي يرحمها ويجعلها من اهل الجنه يارب ويرزقها يارب بحق جاه الحبيب بزوج صالح من الحور العين يارب ويصبر اهلها ممكن يكون ده درس ليك علي شان تفوق من غفلتك لازم ربك يعطي للواحد اشاره يبدا بيها حياته استحلف كل من يدخل ان يقراء الفاتحه للبنت وانتا اخي الحياه ماوقفت علي اكده ادعي ليها

  29. زعلانة من الدنيا اوى
    10/12/2010 at 00:34

    كتر الكلام مبقاش يفيد دة قدرها وقدر الله وما شاء فعل انا شايفة ان مفيش ادامك غير انك تدعلها بالمغفرة والرحمة دة كل الى تقدر تعمله لكن بالنسبة ليك انت اكيد دة درس ليك وياريت تستوعبه كويس واتقوا الله فى بنات الناس يا شباب وياريت كل واحد يفتكر ان ليه اخوات بنات وتذكر دائما انه كما تدين تدان

  30. REMA
    10/12/2010 at 00:27

    , بص بصراحه كده انت تستاهل كل اللي انت فيه عشان تحس باللي انت عملته في غيرك يعني البنات اللي هما اتعلقوا بيك وانت بالنسبالهم دلوقتي ميت ياريت بقه مش تكرر الكلام ده تاني وتطلب من ربنا انه يرزقك بواحده تغير مجال حياتك كله ويبقى بالحلالوتكون زوجه صالحه

  31. محمد
    09/12/2010 at 23:54

    ادعيلها ربنا يرحمها اكيد هيه في احتياج لدعوتك

  32. عصام
    09/12/2010 at 23:22

    اخى الكربم ادعيلها بالرحمة
    وحاول تاخد الموضوع على انو يدفعك للأمام
    الموت قدرة الهية محددة ودا قدرها ويمكن بكون جه بالطريقة دى عشان يغير منك وتبقى شخص كويس
    ودلوقتى انت عرفت انك انسان ممكن تتغير وسهل انك تحب
    حاول تدور على حياتك وصدقنى هى هتكون مبسوطة لما تشوفك مبسوط
    وربنا يصبرك

  33. gogo
    09/12/2010 at 23:20

    انا مش عارفه اقول ايه ربنا يرحمهما يغفر لها هي موتي المسلمين بس حاول تتغير بجد وقرب من ربنا وصلي وانشاء الله هتلاقي واحده محترمه زيها بس ياريت تصونها عشان تصونك

  34. mmmm
    09/12/2010 at 22:54

    اولا ربنا يرحمها ادعيلهاربنا يرحمها اولا انت مكنتش بتظلمها ولاحاجه انت كنت لوكملت كنت هتتغير مفيش حد يتغير من يوم وليله بس انت غلط من الاول ونيتك ليها مكنتش حب بدليل انك كلمتها لمجرد انها احلى بنت على النت هوشعورك بومكنش فيه حب ااساسا ويمكن ربنا عنده حكمة فى كده عشان يكون سبب فى هديتك لله وتغيرك استغفر ربنا وادعيلها

  35. سندباد دمياط
    09/12/2010 at 20:16

    الله يرحمها ويرحمدا “يمكن ده درس ليك عشان معتش تلعب بلبنات

  36. ا/نهله طلعت
    09/12/2010 at 18:31

    ربنا يصبرك انا بجد اتاثرت اوى من الموضوع دا بس وربنا يرحمها ارجو منك على قد حبك ليها اقراء ليها قراءن كتير بس اهم حاجه ان الموضوع دا يكون موعظه ليك متكلمش بنات تانى بس ياريت الموضوع دا مياثرش فيك لدرجه انك تتعقد وبجد ربنا يصبرك

  37. روميساء هذا العصر
    09/12/2010 at 17:08

    اولا ادعيلها ربنا يرحمها ويجمعك بيها فى جنة الخلد اللى افضل من كل الدنيا
    ثانيا الحل الوحيد اللى مفيش غيره انك ترجع لربنا وتبعد عن كل البنات اللى تعرفهم وحاول تنسى الحكايات دى وخلى حكايتها ذكرى حلوة جواك تعينك على الخير وافتكر انها كانت فى مقتبل العمر وماتت واننا مش بنعرف هانموت امتى وربنا معاك يصبرك ويهديك.

  38. elshabah
    09/12/2010 at 15:43

    اولا ربنا يرمحها ويجعل مثواها الجنة
    ثانيا انت حاسس بالذمب لية انت من يوم ما عرفتها وانت بدات تتغير بدليل انك بدات تقلل من البنات اللى معاك مرة فى مرة كنت بتتغير ومحدش بيتغير بسرعة يعنى انا من يوم ما حبيت بجد وانا كنت بكلم بنات بس قليل وبدات اقلل من الكلام ودخولى الشات لحد الحمد لله ماربنا تاب عليا من الشات وبقت هى اللى فى حايتى انوى النية لله انك تتغير وانشاء الله هتتغير واحدة واحدة وطلما بدات تتغير يبقى اكيد هتسامحك لان محدش بيتغير بسرعة

  39. مهندس/محمود
    09/12/2010 at 15:30

    أنا واثق أنك مكنتش هتكمل مع البنات التانيه لو كنتو كملتو مع بعض وربنا يرحمها

  40. مهندس/محمود
    09/12/2010 at 15:29

    أنا واثق أنك لوكنت قبلتها مكنتش هتكلم حد تانى بس انتا مكنتش متأكد من حبك ليه بس انا واثق أنى لو كنتو كلمتو بعض وشفتو بعض كنت هاتسيبك من الناس كلها وتكون معها وربنا يصبرك ويرحمها ويرحم المسلمين

  41. h-sudo
    09/12/2010 at 13:37

    اخي الكريم اولا ربنا يرحمها ويجعل مثواها الجنة مع سيد الاولين والاخرين ثانيا ان كنت فعلا بتحبها ادعيلها برحمة ربنا وثالثا وأخيراً الانسان يعيش مرة واحدة يعني هي صحي كانت بنت محترمة بس الدنيا فيها الحلو والمر وانت واضح اخي مديت ايدك لطرف المر يعني لو ربنا احبها واخدها انت ليه زعلان اكيد واضح ربنا تاب عليك في تلك البنت على كل حال ربنا يهدينا جميعا انا زيك مفجوع في النت بس مش بنسى اطفالي او حياتي كلهم عندي زي بعض انا فعلا اتعرفت على بنت من مصر من القاهرة والله لو قلتلك اني بجد حبيتها من كتير ما هي محترمة صدقا لطلبتها لزواج

  42. mody
    09/12/2010 at 12:50

    ربنا يرحمها ويغفرلها ويشفع فيها مرضها مش هقدر اقولك غير ان ربنا يصبرك وصلى وادعيلها ان ربنا يغفر لها ويرحمها ويصبرك وحاول تبعد عن اللى انت كنت بتعمله قبل كده لانى اعتقد مش هتتحمل صدمه تانيه زى دى

  43. مي
    09/12/2010 at 12:17

    ربنا يصبرك وادعي انها تكون مسمحاك

اترك رداً أو حلاً لهذه المشكلة