اسرار البنات

قرفانة من نفسي وحاسة اني بنت مش مؤدبة

في الأول أقسم بالله إني بنت ناس وعمري ما عملت اللي هحكيه إلا مرة واحدة بس
انا بنت عندي 21 سنة من سنتين تقريبا كنت مضايقة من تقديري في الجامعة في حين ان اختي كانت هتبقى معيدة في الكلية فكنت مضايقة اووي من نفسي وحسيت اني عمري ما هبقى حاجة في حياتي وان اهلي هيفضلوا طول عمرهم يتفاخروا بيها وانا هحس اني محدش من اهلي عاوز يتكلم عني لإني مش مصدر فخر ليهم فأهملت في مذاكرتي وبدأت أشغل وقتي بأي حاجة ففكرت في مدرس كنت أعرفه زمان وأنا صغيرة في المدرسة كان طيب معايا وكنت بحبه اووي وانا كنت في إعدادي لكن كان عندي زكرى بسيطة عنه انه كان ساعات بيمسكني من دراعي وانه مرتين لمسني بطريقة مش كويسة المهم قعدت ادور عليه على الفيس بوك واتكلمت معاه وافتكرني في الأول قعدت اقوله اني مضايقة من الامتحانات وعلى الرغم اني الامتحانات فعلا ساعتها اهملت فيها وطلعت بمادة إلا إني في الحقيقة مكنتش مضايقة لكن كنت بحاول اتكلم معاه في أي حاجة وخلاص في الأول كانت رسايل ع الفيس بعد كده دخل وكلمني ع الشات واداني رقمه من غير ما أطلبه واديته رقمي وبقيت بحبه اوووي وبستنى ليل ونهار قدام الكمبيوتر عشان اكلمه وكنت بكلمه على النت وكنت بهزر معاه هزار جنسي معاه كنت انا اللي ببدأ الهزار ده وبعدت عن أهلي وكنت حاسه بالذنب ناحيتهم لكن كنت بحاول اني مفكرش في الموضوع ده المهم إني اعترفت له بحبي ليه واني كنت بحبه من وانا صغيره فراح غير الموضوع وقعد يهزر
بعدها بفترة قلت له إن ماما وبابا ميعرفوش إني بكلمه واني حاسه بالذنب ناحيتهم فقال لي اقول لماما وانا موافقتش وقلت له إنيه زمان مرة زمان مسكني من دراعي وانا كنت فاكراه راجل مش مؤدب لكن انا آسفة اني افتكرتك كده لإنك مش كده فهو اضايق وقام فانا رحت عشان اكلمه ع الموبايل المهم ماما دخلت وكانت شاكه في ان في حاجة بتحصل معايا مش طبيعية فبصت عالكمبيوتر لقت الكلام اللي انا كنت بكتبهوله فسألتني انا بكلم رجاله وقلت لها انه مدرس والمهم قعدت اكتب كلام ع الشات وهو مكنش قاعد وماما وقفت ورايا وانا مش واخدة بالي وكنت بكتب كلام مش كويس كنت بكتب له قد ايه انا مش محترمة وهو محترم وكنت هتجنن عشان اعتذر له بأي طريقة على الرغم من إن ماما كانت جنبي إلا إني حاولت اروح أي أوضة وأكلمه واعتذر له لإنه كان ساب النت ومش شايف الكلام اللي بكتبه قعدت اكتب كلام كتيير اوووي يقلل مني ويعلي منه وفي الآخر كتبت له إنه لمسني مرتين بطريقة مش كويسة وانا مقلتش لحد عشان يعرف إني بحبه المهم البيت اتقلب لما حصل الموضوع ده واتمنع عني النت وبابا راح له واتخانق معاه بعلو صوته في المدرسة وفرج عليه الناس لمجرد انه عرف انه بيكلمني وانا بعدت اوووي عن أهلي وبقيت بنام اليوم كله ومكنتش بقدر حتى اتكلم من الغضب اللي كانوا فيه وسمعت ألفاظ صعبة اوووي اتقالت عني وانا قعدت فترة كبيرة كنت هتجنن فيها وهموت اني اكلمه واشوفه ومكنتش اعرف ان بابا راح له رحت له المدرسة عشان اشوفه وهو مسكني وقعد يلففني المدرسة عشان يفرج الناس عليا وبعد كده قال لي ان بابا جال له وهددني انه يجيب مدرس عشان يشتمني ويطردني لكن معملش كده وبعد فترة رحت له تاني فسابني واقفه قدام باب الأوضة اللي كان فيها وقعدت اتوسل له انه يطلع وشوية وطلع وراح جاب لي المدرس اللي كان بيقول عليه قعد يشتمني وهزقني وقال لي بعد اللي ابوكي عمله وبتتصلي وبتتكلمي وهو كان في الدور الأول وقف ونادى على البواب عشان يقوله ميدخلنيش تاني المهم بعد ما الراجل اللي كنت بحبه شافني وانا بتهزق قال لي وهو بيبص لي أمشي انا بقا وانا حسيت اني في نص هدومي نزلت وجريت بره وقعدت فترة بعدها كام شهر بردو بحاول أكتب له على النت يمكن يعبرني لغاية لما اخدت قرار مش هكتب له تاني وبعدت عنه الموضوع ده فات عليه سنتين بس كل ما بفتكر بقرف من نفسي اوووي وكل ما بفتكر الهزار الجنسي اللي كنت بهزره والمهم دلوقتي انا خايفة ان حد يتقدم لي ومرة واحد اتقدم لي لكن رفضه لإني حاسه إني مش بنت مؤدبة وإني زبالة ولازم يكون الحد اللي هتجوزه يكون زيي واني خسارة في أي شاب مؤدب وخصوصا إن في واحد معايا في الشغل على وشك إنه يعمل كده وهو شاب مؤدب جداا ومش بيتكلم حتى معايا إلا في الشغل لكن هو اعترف لي بمشاعره تقريبا عشان يعرف مشاعري ناحيته لكن انا مقدرتش اتكلم وانا من أول رمضان واخدة أجازة وبفكر مرجعش تاني لإني حاسه إني الشاب ده كان مؤدب جداا وانا اللي على طوول كنت بحاول أقرب له لغاية لما خليته يحبني حتى الناس بحسهم بيتكلموا عليا وهو نفسه قال لي ممكن يتكلموا عليكي وانا خايف عليكي لإنك متعرفيش إنتي ايه بالنسبة لي ومتعرفيش ايه اللي ممكن يحصل لي لو حد قال عنك كلمة وهو ده انا اخدته على انه اعتراف بالحب وانا مكسوفة اووي من نفسي ومش عاوزة ارجع تاني عشان حاسة اني زبالة اوووي بحاول اوقع شاب في حبي وهو مؤدب اوووي والله وخسارة فيا ويستاهل واحدة محترمة عمرها ما عملت اللي انا عملته

مشاكل وحلول ذات صلة

اضيف بتاريخ: Sunday, December 24th, 2017 في 23:29

كلمات مشاكل وحلول: , , , , , , , ,

2 رد to “قرفانة من نفسي وحاسة اني بنت مش مؤدبة”

  1. ابوالبتول
    16/01/2018 at 10:47

    لازم اكون قاسي معك في الرد علشان اني ابو ل5بنات زيك واعتبرك زي وحدة منهم وخايف عليك جدا واريدك ان تسمعيني للاخر انت فتاة شابة وفي مرحلة المراهقة ودي اخطر مراحل العمر لكل الفتيات تجدها مندفعة ومعجبة نحو الشباب دون وعي ولاتفكير منها بهذة السلوكيات التي قد تودي بها الى الوقوع في المحرمات والمعاصي وتجلب لها ولااهلها العاروالفضيحة طوال العمر وهذا ماوقعت فيه مع الاسف مع ذلك المدرس ورحت تاخذي رقمه وتتكلم معاه وتهزري والكلام مع شخص غريب يعتبر في نظر الشرع كالزنا والخيانة هل دي تصرفات فتاة محترمة ومؤدبة لالا والف لا انما هي من عمل الشيطان لعنه الله اغواكي وغرر بكي واوصلكي الى هذا الوضع المشين والغير اخلاقي والحمدلله انو ماحصلك حاجة مع ده المدرس والا كانت المصيبة اعظم واهلك تنبهوا لهذا و منعوكي منه قبل فوات الاوان وابوك معه كل الحق فيما فعله مع ذلك المدرس الواطي الحقير اللي عايز يوقعك في طريق الرذيلة والفواحش انت توبي لربك توبة صادقة واستغفريه واندم على مافات مع عدم الرجوع له نهايا وللابد واهتمي بدراستك ورجع ثقة اهلك فيك من ثاني وخليهم ياخذو عنك فكرة كويسة وماحدش معصوم من الغلط لكن نتعلم من اغلاطنا ونسعى لاصلاحها وتجنب الوقوع فيها مرة اخرى ارجع لربك وحافظي على صلاتك في وقتها واقري القران بانتظام واكثري من الصوم والاستغفار والالتزام بالدين وارتدي الحجاب فهو ستروعفة للفتاة المسلمة وابتعدي عن النت وبلاويه والتكلم مع الشباب والتعارف عليهم او النظر البيهم فدي من خطوات الشيطان التي تودي الى التهلكة وحافظي على سمعتكي وشرفكي وسمعة اهلك وكرامتهم ولاتفرطي فيهم ابدا وربي يصلح لك الحال ويهديك ويسترعليك ويكرمك بابن الحلال اللي يستاهلك ويقدرمشاعرك ويسعدك في حياتك كلها

  2. رجل بسيط
    02/01/2018 at 03:31

    انتي مش زبالة ولا حد وحش
    انتي كويسة جدا بس حد مجنون شويتين
    لما تلاقي الحب الصادق هتعيشي حياة جميلة وتكوني اكثر حد مؤدب ومحترم
    دي تغيرات طبيعيه
    ومفيش حد فينا من غير أخطاء او لحظات جنون
    عيشي حياتك طبيعي
    ياريت الموقع كان بيسمح بالتواصل

اترك رداً أو حلاً لهذه المشكلة