الحب قبل الزواج

حب من الفيس بوك هل بابا ممكن يوافق

السلام عليكم.. انا فتاة عندى 19 سنه حبيت ولد من الفيس بوك وهو كمان حبنى كلم ماما وبابا وانه هيجى البيت ان شاء الله المشكله انه كان قايلى انه ف معهد وبعد فتره قالى انه خريج دبلوم انا خايفه لو بابا عرف انه دبلوم يرفض ع العلم ان بابا كنت قايلله انه معهد يا ترى بابا ممكن يوافق ولا لا انا قلقانه اوى وهو مكنش عايز يقول من الاول عشان خايف لحسن مقبلش انا معنديش مشاكل بس المشكله ف بابا مع العلم انا ف كليه اداب…افيدونى وجزاكم الله كل خير….

مشاكل وحلول ذات صلة

اضيف بتاريخ: Tuesday, January 4th, 2011 في 19:33

كلمات مشاكل وحلول: , , , , , , , , ,

12 رد to “حب من الفيس بوك هل بابا ممكن يوافق”

  1. هدير
    18/04/2011 at 00:53

    اولا السلام عليكم ياقمرات احب اقولك ياانسه انا وحده اهو متعرفه علي واحد من علي الشات وحبني وحبيته وجي خطبني وعلي شرط صحابه في الشات كانو بيشتموني اسوء الشتايم بس عشان بيحبني بجد وناوي خير جي خطبني ومسح من حياتي خالص الشات علي فكره انا معايا دبلوم صنايع وهو معاه اعداديه هو صعيدي اه وكل شويه مشاكل بس عشان بيغير عليا وبيخاف عليا جدا وده مش عيب ولا غلط لانه فعلا بيحبني وقولي لولدك لو اللي بيحبك ده عندو اخت او حاجه قولي لولدك ان ده اخو صحبتك وانو شافك معاها مثلا مره انا عن نفسي عملت كده ماما قالت لبابا اخو صحبتها شافها وعاوز يخطبها انا عندي 19 سنه وهو عندو 23 سنه والحمد لله دلوقتي مخطوبين بقالنا 4شهور بس اقسم بالله عمره مطلب مني يقبلني بره ولا حاجه وكانت اول مره يشوفني فيها كانت يوم مكان جاي يتقدم ليا هو واهله بس طبعا شاف صورتي اقولك ياجميل خاليها علي الله وقولي يارب وفي الاول وفي الاخر اللي ربنا عاوزه هيكون وربنا يوفقك يارب وبجد اتمني ليكي السعاده والهنا يارب انتي وكل اللي زيك ياقمر وربنا يتمملك علي خير ان شاء الله السلام عليكم ورحمه الله وبركاته

  2. موها
    02/03/2011 at 03:00

    الردود انا قريتها كلها جميلة وواقعية جدااا بس كله بيقول بتوع الدبلومات صعب التعامل و مبفهموش بسهولة و كدا مين الى قال كدا انا على فكرة فى الاول انا بكالوريوس بس فى الى احنا بنتكلم فيه معتقدش ان التعليم ليه صلة بتاع الدبلوم او غيره المبدأ اصلا مرفوض زى ما قالIvIessa و لكل قاعدة استثناء يعنى فيه فعلا حصل ارتباط و جواز من على النت و كدا بس 99.9 فى المية من النتايج فاشلة نت ايه الى انا اكلم واحدة من عليه و يبقى فيه حب و ترابط و كدا هى تعرف عنى ايه ولا انا اعرف عنها ايه لا بشوفها ولا حاجة ولا اعرف طباعها ولا هى تعرف عنى حاجة من الاخررررررررررررر الحب ليه اسباب و معتقدش ان التعامل عن طريق الدردشة سبب قوى و شكراااااااااااااااااي

  3. جبل هم و مشاكل
    08/01/2011 at 22:18

    اما بالنسبه للاخت صاحبه المشكله فاعلمى وتاكدى يا اختى بانه لايوجد حاجه اسمها حب ابدا قبل الزواج وخاصه على النت وانا اسميه بدل كلمه حب تكون كلمه اعجاب وخاصه على النت لللاسباب التاليه اولا ماذا لو انتى كما تسمى حبيتى واحد على الفيس بوك وتكلمتم مع بعض كثيرا جدا وهو ايضا حبك كما تقولين ونفترض منه الجانب الحسن بدل الجانب السئ وجاء يوم ليتقدم لكى وطلع بخيل ماهى ردتت فعلك هل الحب كما قلتى سبقى على ماهو او مثلا طلع من الشباب الذى لايهتم بنظافته الشخصيه وان جلستى بجواره سوف تشمى منه رائحه فهمه كريهه سيبقى ايضا حبك له على ماهو عليه اعتقد فى هذه اللحظه ستتمنى ان يشرب الشاى بسرعه ليذهب برائحته والعكس صحيح ايضا بالنسبه للبنت ايضا او فرضنا يوجد عند احد الطرفين مرض معدى او مستعصى ارجو ان نفهم ما معنى كلمه حب ومتى تولد ومتى تموت ان عرفنا ذلك فسوف نؤمن بقضاء الله لنا وننتظره حتى ياتى الينا ويطرق بابنا الرجل الصادق الذى يستحق ان نطلق عليه هذه الكلمه لحين مايثبت العكس من اى من الطرفين

  4. جبل هم و مشاكل
    08/01/2011 at 21:59

    الاخت حبيبه الرحمن لعلمك انا من المعجبين بردودك دائما واحب قرائتها ولكن للاسف هنا تفاجئت بكلامك ده بتوع الدبلومات بيبقه صعب التفاهم معاهم صدقيني لا يا اختى انا بطلب من سحب الجمله دى معنى وتفصيلا لانك انتى كده بتغلطى فى ناس لم يساعدهم الحظ الاسرى باستكمال دراستهم لاسباب ماديه او تعجرف من الاهل ومعنى ذلك ان هذه العقليه ليست اقل فهما وذكاءواحترام لشخصيته وللاخرين من حمله الؤهلات العليا ببالعكس هناك حمله مؤهلات لا يفقهون شيأ عن الاخلاق والاحترام ولا الحياه واكبر دليل اذهبى الى الجامعات وتفرجى على الزواج العرفى والمسخره اللى بتحصل هناك فى الجامعات واذهبى الى مدارس الدبلومات لا تجدى جواز عرفى على الاقل بينهم فعلا انتى استفزتينى بهذه الجمله التى كتبتيها للاسف بدون ادراك معناها ولعلمك انا حاصل على دبلوم صنايع قسم كهرباء عام 84 ومجموعى يدخلى الثنوى العام ولكن والدى رحمه الله غير موافق انى ادخل الثانوى وايضا هناك شئ اخر حاولى تقرئين رودودى وتركزى على اللغه العربيه التى اكتب بها ولاحظى كتابات حمله الجامعات فسوف تجدين الفرق واسف مره اخرى ان كنت شديد فى اسلوبى لانك فعلا استفذتينى جدا

  5. IvIeSsa
    07/01/2011 at 01:12

    بسم الله ماشاء الله وهو انتي كنتي قايله لباباكي في الاول إنك عرفتي واحد من علي الفيس بوك وهو معهد؟؟
    فيس بوك إيه وكلام فارغ إيه الكلام ده كله كدب في كدب ولا حيجيلك ولا يحزنون بنت إيه إللي يعرفها من ع النت ويتقدملها ولا ولد إيه إللي عايزة ترتبطي بيه وماتعرفيش عنه حاجة ..
    ربنا يهديكي انتي لسه صغيرة وانا من رأيي تشيلي الموضوع من دماغك أصلآ.
    .
    .
    فيه بنات كتير أوي بتوصل لسن ال21 وال22 وللأسف بيكون عقلهم لسه مراهق ومروشين كده ومش عاقلين وهايفين وفيه بنات بيكون عقلها كبير عاقلة وراكزة
    .
    .
    أنتي بقا بكرة تكبري وتضحكي علي نفسك في كل المواضيع دي ربنا يهدي الجميع

  6. حبيبة الرحمن
    06/01/2011 at 00:10

    حبيبتي دبلوم وانتي كليه ايه غصبك مش هايبقه فيه تفاهم بتوع الدبلومات بيبقه صعب التفاهم معاهم صدقيني من الاول كدب واكده هايبقه صعب النهارده مخبي عليكي تعليمه بكره ياتري ايه تاني مخبيه نصيحه اصبري وانتي لسه صغيره بكره ربنا يكرمك بجد من نفسك مستوي تعليمك لانه هو اكده هايبقه عنده احساس بالنقص وهايطلعه عليكي انا مش بقولك اكده علي شي بس انا شفت ناسي كتير اكده اي نعم اهم شي انه راجل وهايعيشك كويس وفي نفس مستوي بيت والدك بس صدقيني هايبقه عنده ديما احساس بالنقص وفي الاول والاخير استخيري ربك

  7. الباحث
    05/01/2011 at 08:29

    اختاه العزيزه ان هذا لايصلح وان هذه المعرفة معرفة زائفة لااساس لها وانها بدات بطريقة غير شرعية وانت لم تعلمي تجارب الحياة فالزواج ميثاق غليظ فنصيحتي لك ان تتق الله وتتركي هذا الهراء بالقرب من الله وسوف يأتيك من يستحقق بصدق

  8. صوت الرعد
    05/01/2011 at 04:59

    ربما يشعر بالخجل لأنك طالبة جامعية وهو مجرد دبلوم . . نوع من الخجل لا بأس به ، والجيد أنه اعترف لك منذ البداية ولم تكتشفي ذلك بنفسك .. والجيد أنه تكلم مع أهلك ..

    يقولون : الرجل لا تعيبه جيبه .. وطالما أنه كسّيب وقادر على فتح بيت ، لم لا ، لكن اشترطي عليه أن يكون مشجعاً لك على إكمال دراستك ..

    الزواج قسمة ونصيب وهو من الأقدار الكبرى ،ونصيبك في السماء مقسوم لك منذ ولادتك .. ولهذا لو كان ثمن الارتباط بهذا الإنسان أن تتخلي عن دراستك ، لا أنصحك بذلك..

    بالتوفيق.

  9. قلب كبير
    05/01/2011 at 02:46

    صلي صلاة استخارة وخلي بالك ايلى يكدب فى حاجة صغيرة ممكن يكدب فى حاجة أكبر والرجاء انك تبعدي عنه وتشوفي حياتك برة النت لان هو بيلعب فيكي لانه لو بيحبك عمره ما يكدب عليكي

  10. ياسمين
    05/01/2011 at 02:14

    علي فكره طلماكدب من الاول يبقي كدب كتير والله عن تجربه مفيش ارتباط من علي النت كله كدب

  11. اسامة الرفاعي المحلة الكبرى
    04/01/2011 at 22:21

    وانا أؤيد هذا القول
    اللى يكدب مره ممكن يكدب الف مره ..

    فكك من الموضوع دة طالما دخل بالكدب من البداية وعدت … كتيييير هيعدى .. وهتبقي حياتك ظلمة .. وانتي لسة صغيرة قدامك كتير
    وأوعــي تستسلمي

  12. Just Peace
    04/01/2011 at 19:54

    اللى يكدب مره ممكن يكدب الف مره ..
    استخيرى ربنا وشوفى .. بس نصيحة بلاش ..
    وكمان سنك منقدرش نقول عله مراهقه ..
    السلام عليكم

اترك رداً أو حلاً لهذه المشكلة