ارجو ممن يقرا مشكلتى ان يساعدنى فى ايجاد حل لها يمكن تكون مشكله عاديه عند الناس لكن لما يكون الانسان فيها يكون حلها من الصعب عليه
انا فتاة ابلغ من العمر30 عام واحببت شاب يصغرنى بعام وهو مطلق ولديه ولد وطليقته تزوجت من اخر ومعاها الطفل وهوالانفصال كان من 3 سنوات وطوال هذة المدة لم يحب اويرتبط باحد لانه تعب فى هذة الزيجه خصوصا انه لما حكى لى سبب الانفصال لم اجد سبب واضح له وهوقال نفس الكلام وحاول الحفاظ على هذا الزواج دون فائدة المهم انه لم يخبرنى عن هذا الموضوع الا بعد ان احببته وتعلقت به نسيت اقول انى عرفته من النت وعندما طلبت منه اشوفه كان يتحجج باى حجه حتى قالى هذا السبب وقالى انه مكنش ينفع يجى قبل ان اعلم كل شيء عنه عشان اقدر احدد موقفى واشوف هقبل بالوضع ام لا
المهم هوحضر وجاب لى معه مايثبت شخصيته وعمله واتفقنا على اشياء كثيرة للارتباط خصوصا انه من بلد اخرى مشكلتى بدات فى الفترة الاخيرة عندما رفض ان يكلمنى فى رمضان وقال لى انى اجنبيه عنه ومينفعش نكلم فى هذا الشهر وعليا ان اصبر حتى ينتهى الشهر دة ومفيش مانع من الاطمئنان على بعض من وقت لاخر ولكن عندما اتصل به لا يرد ولما اقوله نبعد يرفض فماذا افعل ابعد عنه ام انتظر حتى نهايه شهر رمضان
اختي اولا- معرفتك به من خلال النت ودي لاتعد بعلاقة صادقة يبنى عليهاالارتباط نهاية ثانيا- مجرد الكلام معه حرام دون رابط رسمى وشرعي ثالثا- الله عزوجل رب رمضان ورب الشهور كلها اذا كان يقدس رمضان ويخاف الله فيه فليش مايخافه في بقية الشهور الاخرى يعنى منتظر انتهاء شهر رمضان ويرجع يتواصل معك ماهذة الوقاحة والسفالة وقلةالادب اللي انتما فيها اتقي الله في نفسك وفي شرفك وفي اهلك واقطعي علاقتك بهذالسافل الواطي الحقير نهاية وللابد وربي بيكرمك بخيرمنه نشاءالله
كل اللي تعمليه يابنت الناس غلط في غلط واحفظي كرامتك وكرامةاهلك الراجل هواللي يجري وراءالبنت مش البنت بتجري وراءالراجل عيب كبيراوي في حقك وحق اهلك لوعاوزك اهلاوسهلايتقدم فوراللاهل غيركداماينفعش وربي يهديك
شوفي يابنتي رب رمضان هورب الشهور الباقية والله سبحانه عظم شهررمضان وشرفه عن بقية الشهور لكن هذالايبيح الحرام في غيره من الاشهر اتقي الله انت والشاب هذاواقطع علاقتك به ولو عاوزك يتقدم لاهلك حسب الاصول وفقك الله وهداك
بصى هو اصلا حرام تتكلمى معاه لان دينك يحثك على كده وافتكر ان انتو ااتنين ناضجين بمافى الكفايه بس شوفى احساسك ايه انه كويس ولا ايه لو تمام مفيش مانع تصبرى شويه لما تشوفى الاخر وبالحق حد من اهلكم عارف ان انتم بتتكلمو
انا صاحبه المشكله واحب ارد على روبى يعلم ربنا انه لا يتعدى حدودة فى الكلام معايا ويمكن دى اكتر حاجه خلتنى اتعلق بيه كل الموضوع انه بيقولى انه متفرغ لصلاته وعبادةربنا ومش عايز اى شيئ ممكن يضيع قيمه ما يفعله
معنى انه يقول اتجنبك في رمضان يبقى هو شايف و مقتنع انه اللي بيعملو ده غلط و معنى انه يعمل الغلط ده معاكي يبقى انتي في نظره انسانة سهلة و تقبل الغلط على نفسها و انا اراهن ان الانسان ده يتقدم و لا يعمل حاجة اجابية لان الموضوع واضح من الاول انه بدا معاه بتسلية او فضفضة عالنت في لحظة هو كان مخنوق فيها و ارتاح لحد و الارتياح مش معناه خالص حب و ارتباط الارتياح ده بين اي شخصين اخوات اصدقاء … , انا شايفة ان انتي تصرفي نظر عن الانسان ده و لو ارتبطي بحد شروطو انه يكون انسان رايدك و عايزك و يحافظ عليكي من قلبه لانك هاتكوني في نظره حاجه عظيمة جدا
استنى ومتستعجليش وشوفى هو هيعمل ايه بعدها
يعنى حضرتك اجنبية علية فى رمضان ومحللة لية باقى السنة .
انا خلاص اتجننت وانتى السبب.
وللعلم ودة من وجهة نظرى انا اى علاقة على النت مابين راجل وست متنفعش حتى لو انتهت بالزواج فهى فاشلة .
وياريت ايها الاخوة والاخوات محدش يزعل من كلامى واللى يزعل يسبلى رسالة وانا مش هقول راى تانى فى اى حاجة .
ودة للعلم علشان انا صريح ومحبش النفاق
انا من رائى انك تستنى لغايه شهر رمضان لما يخلص بس انا عايزه اقول حاجه هوا بيعمل حاجه بينك وبينه علشان يخجل منها فى رمضان اذا كان بيعمل حاجه فربنا موجود فى رمضان وغير رمضان ومن رائى كمان انك بعد رمضان متبدئيش انتى فى الكلام سبيه لغاية لما هوا يكلمك والله لو كان كلامه كويس ومحترم وهييجى يتقدم يبقى كويس لكن لو كان لعب يبقى انتى متنزلتيش عن كرامتك ومفضلتيش وراه ومكلمتيهوش وربنا يوفقك ان شاء الله
اولااستنى شهر رمضان وشوفىى اية الى هيحصل لو بدا يتهرب منك ومش كلمك او اتغير ومش اخد موقف خلاص سبية وبعدين النصيب يا حببتى لو فى نصيب بازن الله هتكونو لبعض
انتظرى حتى نهاية شهر طبعا وبعديها حددى كل حاجة بوضوح وبصراحة واصبر فعلا عندو حق اصبرى شهر دة وبس