انا اعرف شاب من 5 سنين كنا بنتكلم عادي مع بعض و هو بيحكيلي كل حاجه عنوا و انا علشان ظروف حياتي بسافر فبيبقى كلمنى على النت
و مكانش في اهتماماتي و لا حساباتي بس بحس من كلاموا اني مهم اوى ليه و ما بيصدق يشفني على النت و يكلمني و جي في مره قالي انوا حيخطب و و نفسوا احضر خطبتوا و انا اعتذرت بس كنت فرحانالوا اوى ، بس في نفس الوقت كنت حسى اني زعلانه اوى و مديقه بس مش عرفه ليه بعدها بفتره رجع و قلي انوا مخاطبش و محصلش نصيب و لما سألتوا ايه السبب قلي مش عارف حاجه خلتني مروحش و حسيت اني عوزك انتي و بجد
نفسي اجي اتقدملك هو عندوا 22 سنه و انا عندي 21 سنه و تعتبر معرفتي بي اكتر من النت لاني بقعد عليه اكتر علشان ظروف سفري و انا مرضتش قلت يمكن بيضحك عليا او علشان التجربه الي هو مره بيه بس بعدها بأربع شهور لقيت نفسي ملهوفه عليه اوى و مش بيفارق تفكيري و كل لما افكر في القي بيكلمني و بعدي انا قلتلوا انا لزم اعرفك الاول كويس مش اقول لاهلي انا عوزه فلان و اخرتها اندم قلي انا مش عاوز غيرك و لي انتي عوزاه اعملوا بس وفقي و بيقعد يقلي في كلام حب و بيقلي نفسوا املكه ؟ و انا مش عرفه يعين ايه املكه و لا ازاي ؟
و للعلم انا عمري ما حبيت حد و لا حصلي الي حاصلي دلوقتي عوزه ابقى حلوى علشانوا عوزه ؟ عوزه علطول اكلموا ؟ بفكر في لدرجة اني بقيت ممكن ادايق من انوا مش بيفارق تفكيري ؟ و خيفه اصدقه يكون بيضحك عليا ؟ عوزه اعرف انا بحبوا و لا مالي
؟ و لو هو صح او صادق ازاي اعرف ؟ واتكلم معا في ايه انا بقى يتوه الكلام مني لما بكلموا مش بعرف ارد غير شكرا ربنا يخليك بس تفسي الاقي حل لللي انا في ؟ و لو بحبوا املكه ازاي و ازاي اتأكد انوا بيحبني من كلاموا ؟ و لما اقبلوا اقولوا ايه انا بتلخبط من صوتوا و كلامي ؟ لما اقبلوا حيبقى حالي ايه ؟
ممكن تردوا عليا ضروري
الحب على النت
اتعرفنا على النت بس ازاي اتأكد انوا بيحبني
اضيف بتاريخ: Sunday, March 27th, 2011 في 18:36
كلمات مشاكل وحلول: الحب, الحب على الانترنت, الحب على النت, الحب على النت, مشاكل الحب
مشعارفه ليه اي مشكله هنا بتلاقي سوء الظن ف الردود هوا الاساس …وما بنحطش ف دماغنا انه ممكن يكون صادق ومش بيتسلى ….بس مع ذلك دا الصح اكيد لان سوء الظن بيخليك ما تقعش في المصيده وطبعا غالبا حب النت بيكون تسليه او الواحد عايز يهرب من تجربه فاشله ف الحقيقه او عايز يعيش تجربه جديده ف حياته وبس
المهم بالنسبة لمشكلتك يا قمر انا شايفه انك لو فعلا معجبه بيه كنتي اهتميتي بيه من خمس سنين
مش جايه دلوقتي بعد ما صارحلك وتقولي حبيته
انتي حبيتي فيه اهتمامه بيكي بس مش اكتر
وطبعا دا مش حب لازم اللي تحبيه تكوني انتي مرتاحاله من البدايه زي ما هو ارتاحلك كده
وبعدين حاولي تصارحيه وقوليله انك معجبه بس اعجابك ده مش هيفيده بحاجه غير لو اتقدم رسمي
ولو عايز يدخل في حوارات مقابلات ومكالمات وكده يبقى لازم تحطي ف بالك كل الخيارات لو انتي تقبلي تكلمي حد مش ضامنه هيبقى نصيبك والا لا يبقى انتي حره بس انا لو مكانك مش هقبل بدا وربنا يوفقك يا حبي
انا مريت بكذا تجربة من النت وكان كله مجرد كلام وكنت بقول استحالة اني انا انسى بس كان عادي كنت كل مااخلص من تجربة ادخل شات اسلم نفسي لتجربة تانية … ياريت محدش يسلم نفسه للشات والتعارف عشان التعارف دة لعنــــــة .. أول ما تقولي للشاب تعالى اتقدم رسمي يتهرب اصلي امي تعبانة اصلي مش عارف حصل ايه … والخوف اني ممكن يعدي ميعاد ويظبط كل حاجة وتقولي لاهلك على كل حاجة وفي الاخر ميجيش يكون الموقف ازبل .. ياريت كل انسان يتقي الله اني مشاعر الانسان مش سهله …. والنت دة مفيش حاجة اسمها حب النت دة عبارة عن ستارة كل واحد بيتكلم بيقول كل اللي هو عاوزه محدش يشافني … وميعرفش اني في ربنا شايفه .. وشكرا
سيبك منه احسن انا شايفه انه كمان سنه صغير يعنى ممكن يكون بيتسلى فعلا
فعلا والله الموضوع ده محيروكتير من صحباتي في نفس المشكله لكن رأي بصراحه ماينفعش تثقي في حد وخصوصا في الزمن ده مش قصدي تشكيك في الي حواليكي لكن خليكي دايما حذرة جدا وماتسلميش مشاعرك لحد بسهوله صحيح لو بيحبك بجد ومش شايف الدنيا الا بيكي هيجي لحد عندك مهما ان كان بينكم بلاد فاستعيني بالله وادعيه يهديكي ويهديه للخير وان شاء الله موفقه
ازاى تتزوجى شخص ليس لكى بة معرفة وانتى متعرفيش اية ظروفة وعيشة ازاى مش ممكن يكون اخلاقة مش كويسة وممكن مش يكون عندة القدرة والاستطاعة على العيشة الزوجية وعلى فكر ة لوكنتى حبتية فالحب شيا وهمى ومرحلة وهتعدى لان الزواج مش لعب عيشة واستقرار فكرى جيدا
السلام عليكم الى الاخت المحتاره ومش عارفه الشاب انو بيحبها او وهى بتعرفو من خمس سنوان خمس سنوات علاقة نت ومش عارفها انا خايف تعيشى معو كمان خمس سنوات زواج وانتى مش عرفه كمان بقولك انتى ما عندك مشكله لو كان هو عاوز زواج يتوكل على الله ويفوت من الباب ما يفوت من الشباك بقصة غرام نت الله اعلم بيها لانو الى بيسير اللنا تتعرف على بعض على النت شهرين ثلاثه سنه وبيخطبو بعض ويتزوجو على بركة الله اما تظل علاقة نت خمس سنوات مده زياده عن اللازم هاىوالزواج توفيق من الله اول شى واتفاق الزوجين ثانيا ربنا يؤفقك وتكون الخطبه من البيت والمحكمه مو على الكمبيوتر والكام والمايك بس
السلام عليكم بصى انتى لازم تقابليه علشان تشوفيه عن قرب وانت اما هاتشوفيه وتعرفى كل حاجه عنه انتى الوحيده اللى هاتحددى انا كان بيحبك ولا لا وشكرا
اسمعي مني ما تقبليه لانن الحب من الشات غلط كل الي في الشات هدفهم التسلية مش اكتر اما تقولي انو بحبك وانتي كمان حبيتي هادا غلط بعدين هادا حبك مالو اساس الحب الحقيقي لازم يكون الو اساس انا هادا راح اقلك اياه شكرا
الحب ممكن يجي بأي مكان وحسب كلامك هاد الحب تلأول بعمرك والحب الأول صعب انك تنسيه انا جربت الحب عالنت والحب الادق لقيتو كتير قليل سألتي حالك شي يوم اذا كان بحب غيرك ع النت ؟؟واذا فعلآ بدو يخضبك خليه يجي لعندكن ع البيت وبعدها بتقرري بتمنالك السعادة.
بصى الموضوع بسيط خالص لو هو عاوز يرتبط بيكى الطريق الصح معروف انه يتقدملك وفكره هو كويس او وحش دى تتعرف بعد ما يتقدملك واهلك يسالوه وانتى تساليه على كل الاسئله اللى تقدرى تحددى الشخص ده كويس ولا لا لكن كلام ع النت او تليفون كل ده حرام لان انتى كده بتغشى اهلك ولازم تعرفى ان كل شاب عارف الصح والغلط كويس اوى وعمره ما هيقبل ان اخته تكلم شاب ع النت او غيره تحت اى سبب ولو وافق ان ده يحصل يبقى هو مش راجل اصلا يعنى ف الحالتين الكلام ده حرام ومينفعش بيحبك يتقدملك غير كده لا
والله هو بيحبك يبقى ييجى يتقدملك لكن غير كدة لا …… لما تبقى كل حاجة رسمى يبقى مفيش مشكلة ……..مش هنخترع بقى
للاسف حبيبتى كلهم بيتسلو صدقينى وحولى تخلى جلوسك قدام النت صداقه بس وانصحك لانى اعرف مشاكل كتير من حب النت حاولى تختبريه تقولى مثلا انك متقدملك عريس وشوفى رد فله ودايما صدقى عقلك وما تمشى ورا قلبك
واللة انا نفسى عرفت بنت على النت وحبيتها جدا وهى كذالك تحبنى بس يريت تتئكدى من حبه ليكى ممكن يكون عايز شيء منك او بيتسلة لازم توجهية وتعرفى عنوا كول شيء لو رفد دة كدا يقون بيلعب بيكى اكيد ولو هوا نيتو كويسة اكيد هيتمنا يعرفك كول شيء عنوا
السلام عليكم ورحمة الله وبركاته…
بسم الله الرحمن الرحيم…
مرحبا بك أختنا الكريمة،،، وأتمنى لك الاختيار الأمثل وكل شباب وفتيات المسلمين والعرب جميعا…
بداءة،،، أنت أخطأت عندما سمحت لنفسك محادثته عبر الإنترنت…
وأيضا هو أخطأ عندما سمح نفسه أن يقول لك من الكلام ما لا يقبله أن يقوله شاب لأخته ولا أنا أقبل أن يقوله شاب لأختى كما لا أقبل أن أقوله لفتاة أخرى…
ولكن نحن لا نبكي على اللبن المسكوب،،، وما حدث قد حدث،،، ولكننا نتعلم من الأخطاء…
وطالما هو طلبك للزواج وأنت ترتاحين لشخصيته بعض الشيء وأظن أنك قد رأيتينه من قبل،،، فأنا أتمنى أن تمتنعي عن محادثته وأرجو ألا تقابلينه أبداالآن وأرى أن توافقينه للتقدم لخطبتك إن كان بالفعل يحبك،،، وفي فترة الخطوبة سيتمكن كلاكما من معرفة أخلاق ومشاعر الآخر….
من ثم سيعرف كلاكما هل يكمل أم يقطع…
وأرجو الانتباه حتى لا تأتين هنا في مرة قادمة وتقولين إنه خدعني بعدما سلمت له أغلى ما أملك وأرجو منكم الرد على مشكلتي،،، كما فعلن الكثيرات قبلك…
والسلام عليكم ورحمة الله وبركاته…
انا شوفتوا و اتكلمت معا مره يمكن في الكورس يعني في حدود الكورس الي كنت باخدوا بس اتكلمنا اكتر و عرفنا بعض اكتر على النت بس
والله يا قمر انا من راي النت ممكن نلاقي فيه كل حاجه باستثناء الزوج الزواج علاقه متينه لازم تتبنى على اساس متين وفرق كبير بين الكلام على النت والحقيقه انتي حبيتي اللي على النت بس لما يمكون واقع الوضع هيغير انتي عرفتي شخص من ورا شاشه كمبيوتر شفتي كل حاجه حلوه عنده ده لانه صورلك كده وحسسك كدهسبحان الله الواحد من ورا الشاشه يقدر يخلي نفسه ملاك وما فيش احسن منه لغايه ما نتصدم بالواقع وما تنسيش سا حبيبتي هيجي يوم ويعايرك انه اتجوزك من النت ويقولك زي ما انا عرفتك على النت هتعرفي غيري وهيشك فيكي لما تكوني على النت والعكس صحيح انتي هتشكي فيه ومين عارف ما يمكن هوا قاعد بيكلمك وبيكلم 100 بنت غيرك وبيقولهم عايز يتجوزهم ويروح يشوف كل واحده فيهم ويكون بيتسلى فيهم
بصى انا مش بعترف بالحب اللى على النت دة لانة مش بيبين غير الحاجات الكويسة والباقى مستخبى بس انا معرفش هو منين ولا عرفتية ازاى
انا مش عارف ا نت قابلتيه وجها لوجه واللا مجرد كلام على النت لان صورة الانسان تختلف فى الواقع عنها فى الصور واذا كان صادق فى مشاعره ناحيتك لماذا لا يتقدملك رسمى وامام اهلك واهله ووتعارفا عن قرب لان حب النت دائما خادع وغير حقيقى انصحك بأن كل شئ لا بد ان يكون فى النور وامام الاهل وادعوا الله سبحانه وتعالى ان يحفظك ويرعاك ويقدم لك الخير حيث كان اللهم امين
اختى الغالية عايزة اوضحلك حاجة مفيش يا حبيبتى حب من النت ولا من الشات صدقينى دة كله وهم وسراب عشان مفيش واحد بيسيب الدنيا والبنات الموجودة فيها ويرتبط بواحدة مشافهاش وصدقينى حتى لو شافك مش هيثق فيكى عشات تعارف النت ودايما هيكون جواة شك من ناحيتك وبعدين اوعي يطلب منك مقابله وتوافقي هيقول انك سهلة وغير كدا كمان دة لسه سنة صغير يعنى معتقدش هيرتبط دلوقتى متخليش نفسك تسلية ولعبه في ايد حد ولا تخلي حد يلعب بقلبك ومشاعرك حافظى علي نفسك لان معظم الشباب غرضهم تسلية مش اكتر سيبة واهتمى بدروسك ونصيبك هيجى لحد عندك
على ما اعتقد ان ليكي ولي امر له الحق في اداره الامور المعقده والحساسه بالنسبالك اعرضي عليهم الامر ونسقى معاه انه يجي يتقدم ومينفعش تشوفيه الا في حضور اهلك وساعتها هتعرفي نيته خير ولا للاسف زي اغلب الشباب فف..لو جه واتكلمتى معاه وحسيتي انه انسان يستحقك اقبلي ولو طلع مش كويس هتبقى مش خسرتي حاجه لانك مخرجتيش عن حدودك ولو مجاش اصلا لاقدر الله ساعتها هتعرفي انه بيضحك عليكي والله اعلم