الحب على النت

مش عارفة احدد حقيقة مشاعري تجاهه

انا لا اعرف انا احبه ام لا ,
انا طول عمري بكره طريقة حب الفيس بوك ومش مقتنعه بيها لاني بقول كله تفاهه وحتي لو كان حب حقيقي مش هيكون اخره ارتباط
لاكن انا عرفت بطريق الصدفه شخص مع اني برفض وجود شباب علي حسابي في الفيس بوك لاكن اتعاملنا مع بعض بطريقة اخويه جداا في كلامنا
وانا كنت شخصية متشدده جدا في اي كلام عن الحب يتوجه ليا حتي لو رسمه قلب ودايما كنا بنحب نتكلم مع بعض كتيير جدا ومش بنمل نهائي
وكان معجب بشخصيتي جدا في صبري وسكوتي وشدتي في التعامل من جهت الحب, ورايي في حب الفيس بوك
وكان بيحكيلي مشاكل مررت بيه واكتشفت ان احنا شبه بعض بطريقة غريبة جدا لدرجة بتخلي كل شخص يحس ان التاني يعرفه او يقرب لية او نكون بنكلم نفسنا
وكنا بنصف دة ان احنا اخوات وطبيعي نكون شبه بعض لاكن من كتر حبنا للكلام مع بعض وصدفه حصلت في حورنا مع بعض كانت كدة:
طيب انا مش مقتنعه بكلامها دة وانا بحبك من زمان
انا كنت اقصد الجمله علي كلام البنت اللي قالته ليه لاكن فهمها اني انا اللي بقولها
فا استغرب وبعدين فهم الكلام كويس , وغير كدة كان فيه كلام بيعبر عن الحب و الغيره كل دي حاجات كانت بتوضحلي شعور مش عارفة حقيقته لاكن انا كنت بصد بعض كلامه
كنت بحس ان فيه حاجة غريبه جوايا وكنت بحاول تكون
الحاجة الغريبه دي حب الاخوات او حب الاصدقاء لبعض ومتكونش حب عاطفي لاني بكره الحب واللي بيزيد كرهي فيه انه مش بيكون ليه نهايه رسميه
اوقات بحس اني بحبه وخايفه اقوله بسبب خوفي من اني احب حب مش مقتنعه بيه واني اقوله اني بحبه وادخل في قصة حب انا مش عاوزاها وخايفه من ان يكون مش جواه حب ليا وافقد كبريائي ادام نفسي وكمان خايفة يكون نفس شخصيتي ويكون في نفس وضعي
سؤالي : انا بحبه ولا لا ؟,ايه نوع حبي ليه ؟, بيحبني ولا لا؟ , وايه نوع حبه ليا ؟
ملحوظة صغيرة : اللي خلاني افكر في كل دة مع اني رافضة الحب اساسا ورفضة حبي ليه بشكل عاطفي هوا اني لو حطيت هدف ادامي هوصله
بفضل الله والاهم اني عاوزة اعرف الموقف ايه ,انا وضعي ووضعه ازاي عشان اجاوب علي الاسئله اللي جوايا مع اني متخذه قرار بمنع الحب
لاكن نفسي الاقي اجابه برغم شعوري بحبه لاكن نفسي اجاوب لنفسي اجابه انا واثقه فيها مليون في % عشان انهي اي تساؤلات جوايا
جوايا شعور واحاسيس كتيير جدا مش عارفة ليها اجابه مؤكدة

مشاكل وحلول ذات صلة

اضيف بتاريخ: Sunday, October 1st, 2017 في 20:30

كلمات مشاكل وحلول: , , , ,

اترك رداً أو حلاً لهذه المشكلة