السلام عليكم
بعتذر لو هطول عليكم بس بالله عليكم عاوزه حد ينصحني اعمل ايه
انا فتاه عندي ٢٠ سنه طول عمري ما كلمت شاب حتي في الكليه ملتزمه في صلاتي و حجابي وثيابي
انا وانا في سنه اولي كليه كنت ساكنه في مدينه طالبات وعلي طول في حالي جت فتره الامتحانات وغصب عني اعصابي سابت في ماده وانا في اللجنه ومحلتش وروحت المدينه فتحت فيس ومبقتش ازاكر وفجأه لقيت شاب علقلي علي بوست عندي حصل سوء تفاهم ومعرفش نا رديت عليه ليه اصلاا مع اني في الحالات دي بعمل بلوك علي طول شويه وكلمني شات و كان اسلوبه جذاب وكنت فكراه محترم المهم انا اصلا في الفتره دي كنت بقالي شهر تقريبا مشوفتش اهلي وكمان في ايام امتحانات المهم اناا اللي قلتله في البدايه انه زي اخويا وبدأ يحكي عن مشاكله وناا كمان كنت بحكيله وكان بيشجعني علي المزاكره وشويه وطلب صور اخواتي وبابا ومعلومات عنهم وشويه وطلب صورتي وقالي لو مش هتقدري يبقي اعتبري اني مطلبتش حاجه ولأن اسلوبي جذاب جدااا وصحباتي دايما بيقولولي كده واني طيبه فضل يلح ع الصوره كتير وفتره طويله وف الاخر اديتهالو المهم انه قالي لو مش حابه تكلميني من ورا اهلك جسي نبضهم ولو هيحصلك مشاكل انا مش هكلمك تاني قلت لاخويا وطبعا مرضيش وقالي انه لو عرف اني كلمته تاني هيقول لبابا والشاب ده قالي خلاص نا مش هكلمك تاني ونا بعد ما خلصت امتحانات فضلت احلم بيه وكنت تعبانه جداا ومخنوقه وقلت لماما وفضلت الح عليها لحد ما وافقت وناا اصلا معرفش وافقت ازااي بس بعدين قالتلي لاا متكلموش حرام واستغفري ربنا ومتعمليش كده تاني نا فرحت انك جيتي قولتيلي بس ابعدي عنه وبالفعل بدون وعي عملت مشكله معاه بس هو السبب لانه كان بيستفزني اووي وكان بيقولي انت قولتي لاهلك ليه وقلتلهم ايه وانه هيفطر هيكلمني ولا لاء ولما سألته انت اتغيرت ليه كده قالي معلش انا اسف غصب عني انا ظروفي صعبه وبكره هكلمك وهتلاقيني بضحك وبهزر كمان وهو كان معرفني قبل كده انه لما بيروح بلده بيبقي متضايق بسبب موضوع هو حكيلي عنه المهم استحملته وقلت مش مشكله بعدها بيومين سألني انتي ليه فارق معاكي اكلمك او لاء فقلت له كل ما يوحي بشده تعلقي قالي ده مش سبب كافي وانه مبيحبش اللف و الدوران وف الاخر قلتله بحبك وطان قلبي هيقف وقتهاا كل ده في الشات ف اتصل عليا في وقتها وقالي ردي وكان متعصب فقلتله اني غصب عني حبيته وهو السبب اصلا فضل يضحك عليا واستفزني بضحكه في الشات المهم قفلت معاه وبعد تلات ايام بعتله مسدج وكان وقتهاا مخنوق اوووي وبوستاته حزينه ونا للاسف شوفتها بعد ما بعت المسدج واللي هي عباره عن تريقه واني مش بحبه وبكرهه وهو مش محترم و كمان للاسف عايرته بوجعه ونا مش من عادتي اعاير حد
نا دلوقتي لسه متعلقه بيه علي العلم اني مش بكلمه وان كلمته هيعملي بلوك
والله انا انسانه محترمه وللاسف طيبه وساذجه
هو دلوقت مش بيفتح فيس خالص وحاسه انه جراله حاجه وخايفه عليه اووي وخايفه اطمن عليه وكفايه الوجع اللي جوايا
بتمني حد يرد عليا لاني بجد مش قادره انساه وخايفه اشوفه صدفه علي العلم اننا عمرنا ماشوفنا بعض ف الحقيقه
اسفه جدااا علي التطويل
الحب على النت
هل هو حب ام ماذا ؟
اضيف بتاريخ: Tuesday, October 31st, 2017 في 23:58
كلمات مشاكل وحلول: الكلية, امتحانات, شاب, فتاة
إزاى تروحى تديله صورك وصور اخواتك دا ممكن يستخدمهم فى شئ يضرك…الكلام اللى انتى بتقوليه ده معناه ان الواد ده محترف فى الايقاع بالفتيات وواضح انه بيلعب بيكى وعايز يوصل معاكى لحاجه معينه وهو عارف كويس انك بتحبيه عشان كده سايبك على نار لحد ما تستوى بحيث يجى بعد كده يطلب منك اى حاجه تستسلمى له بدون مقاومه وخليكى عارفه كويس ان كل كلامك معاه ع الشات ممكن يكون قام بتصويره صوت وصوره عشان بعد كده يلوى دراعك بيه..أنا شاب وعارف ألاعيب الشباب للايقاع بالفتيات وبقولك الواد ده بيلعب بيكى يابنت الناس وهيسلبك شرفك وهيرميكى زى غيرك.. إقطعى علاقتك بيه قبل ما يدمرك ويدمر سمعة أهلك وساعتها الحب والكلام ده مش هينفعك..
دا بيضحك عليكي