اتعرفت عليه من ع النت وبعد فترة قليلة قالى بحبك وإلى آخره ، انا رفضت ده لأنى محستوش صدق لكن بعد فترة حبيته ، حصلت تجاوزات مقززة بيننا كنت برجع اندم وابعد ، بعدين احن وارجعله ، وكنا بنحترم بعض ونقدر إنه وقت ضعف ونساعد بعض اننا منضعفش ، لحد ماجه وقت انى اسأله انت واخد الموضوع جد وهتقدر تكمل وكان رده المبهر انه بيحبنى بس ميقدرش يوعدنى بخطوبة من دلوقت ﻷنه ميضمنش ظروفه ، كنت هعمل الحاجه الطبيعية اللى بتنتهى بيها علاقات النت وهيا البلوك هه ، لكن عرفت انه بيعانى من حاجه صعبة وجعاه وكسراه ورفض انه يقولها ، وبعدها قال الجملة اللطيفه ” خلينا صحاب مش عاوز اخسرك ﻷى سبب ” ، وانه محتاجنى ، طبعا السؤال اللى هتعتبروه ساذج دلوقت ، هل افضل جنبه كصديقه ﻷنه محتاجنى ، ولا ابعد حفاظا على كرامتى اللى انا ضيعتها اصلا ، وتشكرات ،،،
