سلام عليكم انا بنت عندي 18 سنة حبيت واحد كان معايا في المدرسة من حوالي 4 سنين مع العلم ان انا و هو متكلمناش خالص و كان بيبصلي كتير و يمكن ده اللي علقني بيه المهم بعد كده شفته علي الفيس بوك بالصدفة و فضلت فترة طويلة اوي متبعاه من غير ما يعرف و المشكلة دي كانت تقريبا سبب في كل همي اني بحب واحد هو مايعرفنيش وولا يعرف شخصيتي و ف يوم رجعت من خروجة عادية جدا قرفانة و مخنوقة بردو من التفكير ف الموضوع ده فقررت اعمله أد بس مبدأتش انا الكلام معاه لحد ما هو اللي بدأ كلام وفضل يكلمني و اكلمه مش كلام كتير اوي بس مجرد انه كان يقول لي ازيك كانت بتريحني و فرحت اوي و حسيت ان مشاكل الدنيا دي كلها راحت بس كنت تقلانة عليه اوي ف الكلام لدرجة انه قالي اني رخمة و حسيت انه قاصدها بجد و طلب الخروج معايا و قعد يلمح ع الموضوع ده كذا مرة وانا كنت اتهرب منه بس عشان كرامتي و شرف اهلي و عشان مخليهوش يفهمني غلط المهم فضلنا فترة طويلة مش بنتكلم و طول الفترة دي عذاب جوايا من غير ماحد يعرف خصوصا اني كنت فكراه و شبه متأكدة انه هيكلمني ف الاجازة بس متكلمش و اتضايقت اكتر و فضلت لحد من قريب حاولت افكره بأنه طلب الخروج قبل كده و اكيد استغرب بس وافق و حسيت انه كأي ولد هيفهمني غلط و ده اللي كان مضايقني زيادة و طبيعي عاش الدور عليا و كان بيتقل اوي ف الرد لدرجة خلتني احس ااني متعلفة بيه اكتر و مقتنعة اوي ان حياتي مش هتتغير غير لما اشوفه و اعرفه المهم نزلت اقابله اول مرة و فضلت مستنياه و مابين امشي و افضل مستنيه علي امل اني هشوفه و ارتاح و مجاش و جه اعتذرلي ببرود و رديت عادي مع اني كنت مخنوقه و قلت اني عمري حتي ما هكلمه تاني يس للأسف مهما اشغل نفسي او اقرر اني انساه برجع اتعلق بيه زي الاول لحد ما صارحته بكل اللي انا حساه علي امل انه هيفهمني بس الظاهر انه مفهمنيش و ساعتها حسيت اني لأول مره صارحت واحد مايستاهلش و بررلتله الغلط اللي عمله بكل الطرق و اني اتنازلت عن كرامتي بس عشان اريح نفسي اني كدة خلاص ضعت و نزلت من نظر نفسي كتير و مش عارفة ليه مكنتش متحكمة ف نفسي لحد ما خلاص زهقت و قلت اخر مرة هحاول اني اشوفه و اقول انزل من كرامتي تاني معتمدة انه هيفهمني كويس و ميحكمش عليا زي اي حد و اني متأكدة اني مش هسمحله بأي تجاوزات لحد ما اتصل بيا و اتكلمنا علي موضوع الخروج ده و نحدد مكان بس كان اليوم ده ساعتها انا عييت اوي و قلتله و كان مصمم بردو اني أجي اقابله فقلتله انا ماما مش موافقة عشان انا تعبانة و اني قلتله اني هتحجز ف المستشفي شكلي عشان كنت واخدة كمية برشام مش طبيعية للصداع و انا ف الحقيقة كنت اخت كل برشام المهدئات بتاعتي و طول ماكنت قاعدة كنا نتكلم شوية مع الحاحه اني أجي اقابله و هو عارف اني تعبانة و الدكتور جه قالي اخرج و قلت خلاص اروحله وانا بردة مبسوطة و ساعتها كنت مع مامتي و مفهماها علي كل حاجة و كنت قايلاله ان هي معايا و قلتله عادي انها متفاهمة و كدة بس هي بنفسها فهمته اني عمري ماهقعد معاه لوحدي و قعد يدينا ف اعذار واحنا كنا نعديله و ماما جاية علي نفسها بردو عشان ترضيني و ف الاخر مثل عليا انه مستنينا ف مكان تاني رحت قلتله ف التيليفون روح و قفلت ف وشه و افتكرته هيتصل و يعتذر ع الاقل و متصلش و تاني يوم كنت احول اعتذرله و بردو احاوا اقربله اني عايزه اشوفه و اعرفه و كان يرد ف منتهي البرود رحت بعتله رساله طويلة حسيت اني اخت حقي منه فيها و قلتله علي حقيقته و كل البلاوي اللي عرفاها عنه عشان اكسسفه و عملتله بلوك ..انا دلوقتي قرفناة لأن دي تالت مره اتخذل فيها مع ارتياحي ف اني خت كرامتي منه ف الزساله اللي بعتها و ف اللي انا قلته و اللي قرفني اني مش متخيله ابدا اني ممكن اتنازل عن كرامتي تاني و صارحت ماما و اخويا بكل الموضوع ده و كلامهم ماجبش نتيجة فقلت اروح اعيش مع بابا ف شغله برا القاهرة اول مااخلص امتحنات يمكن تغيير حياتي شويه ينسيني اللي عملته ف نفسي…انا عارفة ان ناس كتير هتفهمني غلط و تفلل مني بس ارجوكو افهموني وساعدوني اطلع نفسي من المشكله دي وانا اسفه علي التطويل دا
شوفي يابنت الناس انت اول مرة تعرفي شاب في حياتك وتعلقت بهذا الشاب واعجبت به من اول نظرة وارتحت لكلامه معك وتوهمت فعلا انه يحبك ومتيم بحبه لك ولكن للاسف طلع واحد مستهتر ويتسلى بمشاعر بنات الناس وهذا الواضح من كل تصرفاته معك وهروبه المتكرر من مقابلتك رغم انك اخبرتي امك وصارحتيها بالحقيقة لانك فتاة محترمة ومتربية وتحافظ على سمعتها وسمعة اهلها وكرامتهم وصدقيني انه لايستاهل مشاعرك ولايقدرها وعمره ماهيكون الشخص المناسب لك احمدي الله انك عرفتي حقيقته انه كذاب ومخادع ويتسلى فقط بمشاعرك اتركيه ولاعاد تردي على اتصالاته الغيه تماما من حياتكي واعملي له حظر على الفيس بوك نهايا واياك والعودة للكلام معه فهذا فيه هدرا لكرامتك وكرامة اهلك واهتمي بدراستك ومستقبلك اذهبي لقضاء الاجازة بعد الامتحانات عند باباك في القاهرة واستمتع باوقاتك وهترجع احسن من الاول وربنا يؤفقك ويكرمك بالنجاح في دراستك وبابن الحلال اللي يستاهلك ويقدرك ويسعدك طوال حياتك ياقمر تحياتي لك