عرفت بنت من مكان شغلي كانت بتعدي من الشارع اللى انا فيه وهي راجعه من المدرسه وكده وبعد فتره كلمتها وحبينا بعض حب رهيب وكنت شايفها ملاك عمرها ما بتغلط ومحترمه جدا البنت المهم بعد 8 شهور بالظبط بدات تكذب عليا عشان اصحابها بيتكلموا معاها ويقولو لها اكدبي عليه وتعالي معانا هو مش حيعرف بس انا عرفت ووجهتها وهي اتأسفت وقالت مش حيحصل تاني بعد مرور حوالي سنه و5 شهور ف علاقتنا سوا كنت معاها ومسكت موبيلها ولقيت صور شاب على whatsapp بس عملت مخدتش بالي وقولتلها بعدها بشويه هاتي موبيلك اشوف الصور عشان الاحظ فعلها ممكن يكون قريبها ومش عاوز اظلمها ف توترت وقالت لا وبعدت عني بالموبيل وبدات ف مسح الصور من الموبيل وبعد فتره قالتلي خد الموبيل اخدته دخلت وطبعا ملقتش الصور قولتلها على فكره انا شوفت الصور اللى كانت هنا مين ده بقي بدات تخاف ووشها يحمر وقلتلي مين ايه قولتلها مين اللى كانت صوره هنا قلتلي ده واحد كان معاها ف ابتدائي وبيتصلح مشكله بينه وبين حبيبته … انا من النوع العصبي بس متعصبتش وكلمتها بكل هدوء وقولتلها انتي حبيبتي انا مينفعش تتكلمي مع ولد غيري ايا كان هو مين وقلتلي حاضر قولتلها كلميه دلوقتي قوليله ميكلمكيش تاني لانك مرتبطه ومينفعش قلتلي مش حافظه رقمه لاني بمسحه المحادثات لما يكلمني هو حقوله قولتلها ماشي قوليله كده وصوري الشات ما بينكم عشان اتاكد انك قولتي … جاه بليل وقلتلي انه كلمها وبعتتلي الصور انها قلتلي متكلمنيش تاني والموضوع مر ولكن بعدها بيوم اكتشفت انها لسه بتكلمه عن طريق الشب نفسه وهي كانت بتكلمني ف نفس الوقت وقولتلها بتكلمي مين قالتي ولا حد غيرك ف قولتلها اتصلي بيا ف اتصلت وقولتلها مش عاوز اعرفك تاني انتي مش تستاهليني وكده وهي قعدت تعيط وكانت عند قريبتها وقريبتها كلمتني وبعد اسبوعين تقريبا عياط مستمر لها وافقت على اني ارجعلها وبعد وعود كتيره منها انها مش هتعمل كده تاني وحكتلي انه مكنش معاها ف المدرسه ولكن عرفته عن طريق فيس بوك ايميل اخر غير اللى انا اعرفه وصحبتها اللى عملته المهم خليتها تبعد عن صحبتها دي على حسب علمي يعني … ومر على الموضوع ده 5 شهور ولكن كل يوم بشك فيها ومش بصدق كلمها ولازم عشان اصدق انا ادور وراها وابص وهي بتقولي كل شويه ثق فيا وحياتك عندي ما حكرر اللى اتعمل تاني بس لازم انت تسامحني وانا موافقه انك تشك ومش تصدق كلامي وانا حثبت لك اني اتغيرت وبصونك ف وجودك وغيابك بس انا مش عارف اصدق مع اني بحبها اكتر من اي حاجه ف الدنيا وعارف كمان انها بتحبني زي ما بحبها بس مش قادر انسي الموضوع ده ولا اصدق كلمها ولا اثق فيها تاني مع اني بحاول كتير … بس ودي مشكلتي ومش عارف اعمل ايه واسف لو طولت عليكم
معلش يايوسف إتأخرت عليك فى الرد أصل بقالى فتره ما دخلتش هنا…ياعم يوسف متقعدش تضحك على نفسك..أسهل حاجه عند البنات هو الضحك والبكاء والكدب وتاليف القصص والحوارات…على كل حال إعطيها فرصه تانيه بس إياك تكون صادقه معاك المره دى…ربنا يوفقك
الشرف ليا طبعا حضرتك … اخر حاجه معلش موضوع الولد ده كان مضحوك عليها من الولد فيه وهي كانت بتكلمه لسبب انه يرجع للبنت اللى كان بيكلمها وطبعا ده حوار عمله الولد وهي طيبه زياده عن اللزوم ف صدقته وقالت تساعد لكنها مش دخلت ف حب معاه والكلام ده وهي بعد الموضوع قالتلي كل حاجه بكل صراحه وقلتلي انها كانت مفكره ان ده بجد وحابت تساعد مش اكتر وحركات الولاد انت عارفها يعني ممكن يحور ف اي حاجه عشان يخلي البت تكلمه .. هي فعلا مشكله الشك والثقه دي متعبه جدا ليا انا ححاول معاها محاوله اخيره واي غلطه تانيه حسيبها وانهي كل حاجه ع الاقل عشان لو اتعدلت وبقيت كويسه زي ما بتقول مبقاش سبتها وظلمتها وان شاء الله خير وححاول ارجع الثقه وانهي الشك ده دعواتك بقي لاني بحبها بجد والله ومش عايز اظلمها او كده 🙂
شرف ليا يا يوسف ان أسمائنا شبه بعضها….يايوسف انت قلت فى بداية كلامك إنها بتكدب كتييير تضمن منين انها قطعت علاقتها بأى شاب غيرك..تضمن منين انها مش عامله حسابات أخرى على الفيس وغيره وبتتكلم براحتها وبتعمل اللى هى عايزاه.. تضمن منين ان الكدب والخيانه مش طباع وصفات فيهاوهيستمروا معاها حتى بعد تخطيها لفترة المراهقه..طيب انت بتفتش موبايلها عشان تطمن طب افرض عندها موبايل تانى فى البيت بتستخدمه أو جهاز كمبيوتر وبتدخل منه على المواقع وبتتواصل مع الناس هتعمل أيه هاتهجم على بيتها وتفتش جهازها هو كمان…عرفت ايه المشكله بقى إنك مش مطمئن لها ومش حاسس معاها بالأمان عشان كده بتفتش وراها وحاسس انها هتخونك فى اى وقت طب دى تبقى عيشه شكلها أيه اللى كلها شك وتخوين وعدم إحساس بالأمان!!
المرأه اللى بيكون ليها علاقات قبل الجواز بعد إنتهاء أيام العسل مع زوجها مباشرة ومع أول خلاف مع زوجها بتبتدى تفكر فى اللى عرفتهم قبل زواجها وتقارن بينهم وبين زوجها وازاى كانوا بيدلعوها وبيقولولها كلام حلو فى الوقت اللى جوزها مشغول عنها بالعمل والسعى وراء لقمة العيش…
آخر حاجه بقى المرأه لما بتحب بجد ما بتخونش…فكر بعقلك مش بعواطفك ولو داخل معاها فى علاقه رسميه ولا حاجه حاول تراجع نفسك
طبعا شكرا لرد ونصايح حضرتك … حضرتك اسمك زي اسمي 😀
المهم انا طبعا عارف كل الكلام ده بس اللى بساله هنا انها بتقول انها اتغيرت وبطلت تغلط فعلا وماشيه صح انت شايف اني اديها فرصه واشوف لو حتغلط او كده او انهي الموضوع وخلاص مع العلم انها بتحبني برضو وانا متأكد وكمان في فرق سن حوالي 7 سنين وهي ف سن مراهقه (15 سنه ) ومكنتش عارفه الصح من الغلط لبعد اهلها عنها مش بحاول ابرر اني مش اسبها بالعكس انا بس مش حابب اظلم واحده حبتني وحبتها ولما تبقي كويسه عشاني اسبها بسبب حاجه حصلت من 6 شهور وانا لا مش خاطبها لسه ولكن امها تعرفني وبتكلمني تسال عليا وابوها كمان عارفني وامي انا كمان عارفه البنت وعارفه مامتها بس معرفه سطحيه بسبب ان امها عرفت انها بتكلمني وضربتها واخدت منها الموبيل وانا عشان بحبها قولت لامي تروحلهم البيت وفعلا كلمتها وهما رحبوا بيها جدا والكلام يعتبر رسمي بس من غير خطوبه المهم انا بفهم حضرتك الموضوع عشان يوضح اكتر البنت مشكلها كلها كانت ف سن مراهقه وفهمت ان اللى عملته ده غلط ومغلطتش تاني من ساعه اخر مره وبتقول انها اتغيرت وعوزاني فعلا وصيناني وانا معاها او مش معاها … بس طبعا انا بشك لكن مشوفتش حاجه منها الصراحه
يا غلبان يا مسكين انت عايز ايه بالضبط بعد ده عايز تجوزها وتعيش حمار او خنزير اعوذ بالله من كل سؤ يا ابنى اياك اياك تضيع نفسك فيه مثل مصري بيقول ززززز ديل الكلب ما ينعدل ولو علقت فيه قالب انت اهبل لو ضيعت نفسك مع الاشكال دى
الحقيقه انت ما وضحتش أيه طبيعة العلاقه اللى بينك وبين البنت دى جايز انت قاصد حتى لا نتهمك بالدياثه بس خدها نصيحه من أخوك مش دى اللى انت تستأمنها على إسمك وسمعتك وشرفك..مش دى اللى تكون أم أولادك..مش دى اللى تحمل إسم راجل وتصونه وتحافظ عليه وانا بقولك الكلام ده لأنى حاسس من كلامك ان فيه علاقه رسميه بينكم خطوبه يعنى ولو مفيش بينكم علاقه رسميه يبقى خليك عارف كويس أوى انها زى ما عملت معاك علاقه غير شرعيه ممكن تعمل مع غيرك ولا تنخدع بكلامها المعسول ودموعها الزائفه…انا عارف ان كلامى هيوجعك وهيزعلك لأنك بتحبها بس زى ما بيقولوا يابخت من بكانى وبكى عليا ولا ضحكنى وضحك الناس عليا .. بعدين لما تبقى مراتك حياتك معاها هتبقى جحيم لأنها مبنيه على الكدب والخيانه وعمرك ما هتشعر معاها بالأمان…كان ليا واحد صاحبى حكايته شبه حكايتك كده بس ده بئى حبيبته كانت بنت خالته وكانت بتعمل حاجات شبه اللى حبيبتك بتعملها وجانى وفضفض معايا وحكالى وكان خاطبها وقتها نصحته وقلت له بلاش متكملش معاها والجواب بيبان من عنوانه ودى مش هتريحك ومش هتصونك مسمعش كلامى وزعل منى عشان بقول على حبيبته وبنت خالته كده بعد ما اتجوز بشهرين بقت تقوم بالليل تتسحب من جنب منه وتدخل الغرفه التانيه عشان تكلم عشيقها وهو دلوقتى عايش مش قادر يفتح بؤه معاها لأنه كتب على نفسه مؤخر كبير وحاجات تانيه مكتفينه بيها يعنى عايش بقرون ومش قادر يفتح بؤه وانت لو محاولتش تبعد عنها هتوقعك فى شباكها ومش هتعرف تفلفص منها وهتعيش بقرون انت كمان…اللهم قد بلغت اللهم فاشهد