انا قصتي تتلخص في كوني حبيت عن طريق النت وكنت اول مرة احب كنت مهتمه بس بدراستي وبعدين بعملي لحد متعرفت على شاب عنده اخلاق جميله انا عمري واحد وثلاثين سنه اتقدمولي ناس بس مكنش بيحصل نصيب فمسحت فكرة الزواج من عقلي واعطيت اهتمامي لعملي وبس ويم من الايام دخلت الفيس بوك فبقيت بكلم واحد صديقي من دولة اخرى عربية اعجبت باخلاقه وكان بيكلمني عن حبيبته لانها زعلت منه وطلبت منه ما يكلمنيش ثاني بس هو قالي وقتها انا عمري مهسيبك حتى لو انتي طلبتي المهم بعد مده حسيت اني بحبه وبغير عليه وقررت اني اقوله وقلت له وبعد اسبوع قالي انه هو كمان بيحبني وكان عاوز يختبر نفسه في المده الي فاتت ومكنش عايز يظلم الي بيحبها وفرحت اوي بحبه وزاد حبنا لبعض مع المده كنا بنتكلم صوت وكتابه مدة عشرة اشهر وفي عيد ميلاده عرفت انه اصغر مني فقلت له اني مكنتش اعرف فقالي انتي عاوزه تقولي ايه فقلت له مش هقول اي حاجه غير اني بحبك وبس هو بيحبني كمان وانا بحس بحبه ليا بس المشكلة ان الحب ده بلا امل مفيش فرصه اننا نتزوج من بعض هو من ارياف مصر وعرض علي الزواج بس اهلي مش موافقين مش عايزني اسيب شغلي واسيبهم واعيش بعيد عنهم وانا بحبه اوي وبموت فيه وسعات بقول هو عملي ايه عشان احبه الحب ده كله حاولت كثير اسيبه ومسحت اميله بس برجع له اول ما يرن علي بالموبايل او بيكتبي رساله ع الموبايل يقولي افتحي النت بفرح اوي وبفتح النت ونتكلم لو غاب عني لمده بتخنق وبزعل وبحس اني هموت لغاية لما يكلمني انا عمري مشفته كام بس شفت صورتين له على الفيس ولما بطلب منه اشوفه ع الكام بيقولي ما عندي كام وهو شاف وشي مرة وحده بس وفي ثواني قليله في اول تعارفنا وامبارح طلب مني طلب عصبني زعلني جامد اوي قالي اشتري قميص نوم اسود والبسيه وخليني اشوفه عليكي بالكام فزعلت منه اوي وقلتله انا مش هعمل كده فقعد يطلب مني اسامحه اكثر من مرة لحد ما سامحته بشرط ما يطلب مني حجات زي كده انا نفسي انساه كلمت شباب كثير على الفيس بس عشان انساه وما فلحت كل مرة بلاقي نفسي احبه اكثر حاولت وحاولت بس من غير اي فايده ارجوكم انصحوني وانا متقبله لكل ارائكم بصدر رحب
وسامحوني لاني طولت عليكم انا كان قصدي افضفض عشان ارتاح مش بلاقي اي حد اشكي له واحكي عن همومي
الحب على النت
حب بلا امل حاولت انساه ومفيش فايدة
اضيف بتاريخ: Saturday, November 25th, 2017 في 04:36
كلمات مشاكل وحلول: الحب, الزواج, الفيس بوك, زواج, شاب
اختي هو كذاااب الدليل طالما شافك يعني في معاه كاميرا لأنه لايمكن يشوفك بدون مايكون معاه كاميرا لكنه ماخلاكيش تشوفيه لأن غرضه التسلية وممارسة الجنس،،اقولها لك عن ثقة وعن سماع كثير من القصص المشابهة،،جربي كده أطلب منه الزواج وحددي موعد اسبوع يتقدم لك حتلاقيه اختفى لفترة وبعدها حيظهر بحجة كذابة،،جربي أطلبي تشوفيه وقولي له انك عرفتي ان الجهاز فيه ماميرا،،اليوم طلب منك تلبسي قميص نوم لأنه استرخصك،،عود إلى رشدك وامسح اينيلاته،،واعلم تماما انه على علاقة بكثيرات غيرك،،ماتحيش في نضجك وتخسر دينك واخلاقك،،امسخيه فورا والا حتدمر نفسك وتتنازل عن اخلاقك
اختي الفاضلة هذا الشخص لا يناسبك ولا يستاهل حبك ولا حتى يستاهل التفكير فيه و بالمناسبة انتي الان امراة وليست مراهقة لتقعين في هذا الحب الاعمى
هذا الشاب مدمن فيديوهات الاباحية وهو يريد ممارسة الجنس معك عبر الانترنت وهذا مبتغاه منك
امسحي جميع مكالامته وامسحي حسابك