اتمني انكم تفيدوني فعلا انا محتارة .. انا عمري18 سنة وفی اولی جامعه و بحب واحد وهو كمان بيحبني هو عمره 24 انا اتعرفت عليه عن طريق النت مع اني والله مش بضيف وﻻد ابداااا بس كان البداية علي جروب وكانت مجموعة اصدقاء بنات واوﻻد والكلام بينا كان عام جدا وفي البداية كنت حاده جدا معاه في الكلام ومش معاه هو بس كان كل الوﻻد بس الي كان بيكلمني بحترام كنت ببقي مضطرة ارد عليه بحترام طبعا … هو شاب لطيف جدا بس مش مصري هو شغله في مجال الصحافه والاعلام بيشتغل في اذاعة …في البدايه كلمته عادي وكان تقريبا بيسايسني عشان عارف طريقتي واني كنت حاده ومتعجرفة جدا في الكلام مع الوﻻد لكن ابتدي يتقربلي وكان في مواضيع كتير مهمة بنسبالي بنتناقش فيها انا بعدها بقيت اكلمه بطريقه احسن شوية طالما الكلام في حدود الادب وكان بيلمح انه بيحبني بس انا قلت بلاش اعلق نفسي وبلا تهيات و في يوم جه وقال انا بحبك .. انا قلت ده بيلعب وقلتله انا مليش في الكلام ده ومش معني اني بقيت اكلمك كويس اني ممكن اصدقك انا مش بتاعت لعب والكلام ده بس قال انا مستعد اعمل اي حاجة عشان تصدقي اني بحبك ومش بلعب وحكالي كل حاجة عن حياته وقال انه يقدر يجي مصر ان شاء الله ﻻن هو عنده اقارب في مصر وكمان ممكن يجي مصر تبع شغله وانه كان بيحب واحده وسابته واتجوزت من حوالي سنتين وحكالي ازاي اتعرف عليها وكل حاجة قبل ما يعرفني وان ابوه عايز يجوزه بنت قريبتهم بس هو رافض وقالي انا بحكيلك كل حاجة عشان او حصل نصيب متقوليش اني كذبت عليكي ف حاجة…وانا كنت معجبه بتفكيره نوعا ما وكنت محتاره فیه وكنت بفكر ازاي اتاكد انه فعلا بيحبني وكان بيطلب كتير رقمي وانا كنت برفض وبعتلي صوره وصور امه واهله واخواته واوﻻدهم وكان بيستني اقول اني بحبه او اقله كلمه حلوة ..وانا قلتله انا مش بحب اعمل حاجة من ورا امي وقلتله لو صحيح بتحبني ومش بتلعب عايزاك تكلم امي .. قالي بس انا محرج واخاف ترفضني ..قلتله خلاص بلاش وبراحتك ..قالي ﻻﻻ خليني اكلمها وفعلا انا حكيتلها علي كل حاجة وكلمها وهي ماشيه بمبدئ قدام عيني احسن ما تبقي من ورايا وانا فرحت اني مبعملش حاجة من ورا امي ..وطلب انه يكلم اخويا بس انا رفضت بصراحة … مش عارفة اخويا هيقول ايه وقال اكلمه بس اتعرف عليه لکن انا رفضت نفرض اتعرف عليه من غير ما يقوله حاجة وحصل نصيب اخويا يقول ايه !!!
واحيانا كنا تتكلم الصبح وهو بيشتغل وبقي كل اصحابه والبنات الي بيشتغلوا معاه عارفين انه بيحب بنت مصريه ونفسه يروحلها مصر وحكي لمرات اخوه الكبير هو يعتبرها زي اخته الكبيرة …
وبقينا نقرب لبعض وفي يوم طلب مني حاجات غريبه!!! ويقول مش انتي حبيبتي يبقي خلاص مينفعش تخجلي مني وطلب يشوفني بشعري بس انا كنت بقفل في وشه الكلام ده ….هو بيقولي انا مش اخجل منك محدش يخجل من حبيبته وكنت اقوله اذا مش عاجبك طريقتي ليه حبيتني في الف بنت غيري هو يقول انتي تقولي في الف بنت يعني لو عايز حاجة كنت رحت ومفيش حاجة صعبه بس انتي حبيبتي مينفعش اعمل كده مع غيرك كنت اقوله اما تتجوز نعمل كل حاجة وهو يقولي انا مضطر استحمل عشان بحبك يعني هعمل ايه غیر استحملك وطلب مني افتح كاميرا بس انا رفضت خااالص وهو استاذ في الزن وكل ما يقول اقوله ربنا يسهل ..بعدين .. كده يعني ….ويحلف بكل حاجة وبرحمه اخوه انه يحبني “عنده اخ متوفي وكان روحه فيه” …و بيخاف عليا جدا وبيقول عيب بنت تخرج لوحدها ولازم تخرجي بالسواق وانا بقيت اسمع كلامه وقبل ما بخرج بقله وﻻزم السواق يوصلني ويقول قبل ما تخرجي ابعتيلي مسج واما ترجعي ابعتيلي مسج كمان وبيرفض تماما اني احط صورتي علي الواتساب وﻻ اي برنامج ويقول عيب .. انا طلبت منه يكلم ابوه ويقوله انه مش عايز قريبته دي بس هو متردد انه يكلمه خايف لا يتعب ﻻن ابوه كبير العشيره وهما عاداتهم انهم يتجوزوا جواز اقارب وتقريبا اخواته كده …
انا قلتله لو بتحبني بجد كلم ابوك وقله انا مش عايز البنت دي واما احب اتجوز هجيلك ونختار البنت الي ترضيك ويبقي كده نصف المشكله اتحلت لان البنت يعتبر حالها واقف بسببه وابوه كل فتره يكلمه في الموضوع ده وهو يقله مش عايز اتجوز واستني عليا سنتين تلاته يعني بيماطله هو ابه بيزن عليه من بعد ما ساب البنت الي كان يحبها تقريبا …. وانا قلتله احلف انك تحبني وهتبقي معايا بقي يحلف بس طلبت منه يحلف ويقول مش اجوز غيرك قال افرضي حصل حاجة !! …بصراحة من ساعتها وانا قلقت وقلتله ده مش حب وقررت ابعد عنه وقلتله خلاص بس كان يكلمني ويقول عايزه تسيبيني انا كنت اقول ان مش ممكن احب تاني وانا حبيبك والله اني بحبك الخ. …قلتله لو عايزني ارجع اثق فيك بجد كلم ابوك وقله الكلام الي قلتلك عليه .. وقال اوعدك ربنا يسهلها واكلمه قرب ….
انا محتارة ومش عارفة اعمل ايه واما حاولت احكي لامي علي الكلام ده تقولي هو يمكن بيخلع وبتعقدني بس لو بيخلع انا اما قلتله خلاص وانساني وننهي كل حاجة طالما هتتجوز البنت .. كلمني وكان مقهور والله وقال انا مخليها علي ربنا ومن اول ما حبيتك وانا قلت ربنا يسهلي ومخلي كل حاجة علي ربنا استنب علیا وان شاء الله هتتحل وانا حاولت اجيبله شغل هنا وهو وافق وقالي ياريت …بس طلع بمرتب اقل بكتير من الي هو بياخده وللأسف ده مش هينفع وهو سال علي سفر لمصر تبع الشغل بس قالوا لسه مفيش حاليا …
مش عارفة اعمل ايه والله انا محتارة جدا ياريت تردوا عليا وتقولولي ارائكم ولكن بدون تجاوزات اذا سمحتوا … واسفع علي الاطاله
الحب على النت
متردد يفاتح ابوه في جوازنا وبيماطل
اضيف بتاريخ: Monday, November 27th, 2017 في 00:41
كلمات مشاكل وحلول: الحب, النت, بنات, حب, شاب, فتاة
شوفي يابنتي الغالية رغم ان رسالتك طويلة جدا الا انني باختصرها في بضع كلمات وعايزك تخلي كلامي ده حلق في ودناك اولا- حكاية انك تعرفت على الشاب من النت فدي لوحدها كافية لتوكد انها علاقة غير صحيحة وكلها اكاذيب وخداع ولايعتمد عليها لاجل الارتباط ثانيا- استحالة اهلك يوافقون عليه لانه مش مصري وفي اختلاف كبير بين العادات والتقاليد وايضا اهل الشاب غير راضين على ارتباطه بك فمثل ماقال لك ابوه يريده ان يتزوج من اقاربهم ثالثا- تردده المستمر انه يفاتح اهله في الموضوع يؤكد انه شخص ضعيف الارادة امام اهله وربما انه عاجز تماما عن اقناعهم فعليك عدم تعليق الامال عليه واياك والتمادي في العلاقة معه الافضل انك تصرفي النظر عن الارتباط به وتهتم بنفسك وتحرصي على الحفاظ على سمعتك وسمعةاهلك وكرامتهم وتعرفي ان الزواج قسمة ونصيب وربنا بيكرمك باحسن منه ياقمر انت لسه بعز الشباب والف من يتمناكي وهتلاقي نصيبك مع ابن الحلال اللي يستاهلك ويقدرمشاعرك وجاد في الارتباط بك فعلا وقادر على اسعادك
احساسي من كلامك عنه وطريقة كلامه معك انه صادق ومش بيقولك الا الصراحة بدليل انه قالك “وافرض حصل”ومخباش عنك حاجة
بس تحليلي له هو محتار او في حيرة هو نفسه مش عارف يعمل ايه ومش قادر ياخد قرار وماهوش عارف هيعمل ايه
هو عايزك وفي نفس الوقت هو مش عارف او يمكن في حيرة يجوز وخلاص من عنده ولا يكمل معك المشوار
انا من رأيي انك تصرفك يكون انك تعطيه وقت او مدة انتي تحدديها معاه وهو يفكر خلالها هيعمل ايه وماذا قرر اذا عاوزك يتقدم لك ببساطة يخلص نفسه هو مع ابوه او غيره انتي ملكيش دعوة هو يتصرف والمهم بالنهاية بعد المدة الي حددتيها معاه يطلع بقرار اما يقولك مكمل معاكي وهيتقدم لك او يعتذر لك ويقولك شكرا عشان هو وانتي تشوفوا مصالحكم وحالكم
وخلال هذه المدة متكلميش معاه او يقل الحديث وتدخلي فقط من فترة لاخرى سلام وكده وخلاص حتى ينتهي المدة المحددة الي اتفقتي فيها معاه والله الموفق..