انا عندى 24 سنة اتعرفت على شاب على الفيس بوك اكبر منى ب4 سنين هو محترم وكل حاجة بس انا مش حاسة معاة بأى لهفة يعنى مش حاسة انى مبسوطة وهو كمان اسلوبة تحكمة اوووى يقولى انا مخبيكى على عيون الناس ومش عاوز حد يشوفك وانتى متعرفيش انتى بالنسبالى اية بس انا بقعد اقولة حرام الكلام دة انا حاسة انى بغضب ربنا مع ان والله العظييم مش بجارية خااالص فى الكلام دة نفسى اقولة لو انت خايف عليااا بجد خش البيت من بابة وعاوزنى فى كل مشوار اقولة رايحة فين ومع مين وهرجع امتى وتحكمات وحاجة قررف هو بجد كلهم كدة
ساعات بحسة جرئ فى الكلام وانى بس لو اديتة الفرصة هيقول اكتر من كدة يشهد عليا ربنا عمرى ماكلمتة فى التليفون ولا قابلتة هو الى كان بينطلى فى مكان شغلى يشوفنى ويمشى
انا عاوزة ارتاااح نفسى فى علاقة مريحة مفهاش وجع قلب وتحكمات وقرف ولا هو كلة بقا كدة
الحب على النت
اتعرفت على شاب وخايفة يكون بيضحك عليا
اضيف بتاريخ: Thursday, December 21st, 2017 في 18:36
كلمات مشاكل وحلول: الحب, الفيس بوك, النت, بنت, شاب
اللي شايفاه ياحبيبتي انتي بتقولي انك بتخافي ربنا ومش عايزه تغضبيه انتي لو كده فعلا يبقي لازم تنهي العلاقه دي في اسرع وقت وهما كلمتين بس تقليهم له ده بعد ماتقعدي مع نفسك وتشوفي هل انتي فعلا عايزه الانسان ده ولا لا تقوليله لو عايزني فعلا يبقي تتقدملي ومعلشي مش هقدر اتواصل معاك بعد كده وانتي لو ليكي نصيب فيه مش هيكون غير ليكي تاكدي من كده وادعي ربنا دايما يرزقك بالزوج الصالح اللي يخاف عليكي ومش كلهم بيتحكموا كده زي مابتقولي لا مش كلهم ولا حاجه احيانا في ناس بيكون التحكم ده عندها مرض مش اهتمام ولا حاجه ومن وجهه نظرهم انه بيحبك وبيخاف عليكي مش عارف انه كده بيخنقك وواضح من كلامك انك طيبة وبنت حلال ومليكش في الطريق ده فاحسنلك ياحبيبتي تحتفظي بالجزء النقي الطيب اللي الباقي وتبعدي عن الشخص ده
أختي العزيزة ….
أولا : اذا كان عالكلام اللي انتي بتقوليه ده ومزعلك ، على فكرة ده ان دل فبيدل على اهتمام سواء عجبتك الطريقة والأسلوب أو لأ مش هو ده موضوعنا خليكي معايا واحدة واحدة بس !!
بس في نقطة أهم من كل ده عارفة وانا جاى أكتب في تعليقي كنت أول حاجة هكتبها انك بتقولي انك نفسك تقوليلوه لو كنت خايف عليا خوش البيت من بابه واتقدملي ،،، كنت هقولك ومقولتيهاش ليه ،،، بس المشكلة قبل !!! ، ان لازم يكون في وضوح ما بينكم في العلاقة أكتر ،، يعني لازم تكونوا انتوا الاتنين عارفين اخرة كلامكم مع بعض ده ايه ،، وماشيين لفين عشان بس لا هو بتصدم ولا انتي تتصدمي بأى قرار من أى طرف فيكو !!!
طريقتك كويسة في الكونترول اللي بتعمليه في الطريقة بتاعة كلامه ،، وان مش عاجبك نقط معينة مبتجاريهاش
،، وتأكدي ان الانسان اللي بيعزك وبيحبك وشاريكي مش هيزهق من أسلوبك ولا هيسيبك على طريقتك عالعكس هيكون هو أول واحد نفسه يطبق النقطتين دول
ولو كان على نفسك في علاقة مفهاش ومفهاش ومفهاش !! ، من حقك بس لازم تكوني واضحة معاه في الكلام ده لو انتي عايزاه يعني وتقوليلوه مثلا الاسلوب ده ميناسبنيش مش عايزاه كدة دوغري ،، مفيش أحلى من الوضوح !! ، ومفيش أحلى من الاتفاق بينكم !!
بس وابقي طمنينا عليكي ،،،
وفقكك الله لما فيه كل خير يارب وأسعدك وفرح قلبك
الانسان الطيب
وشكرا