انا حبيت شاب من النت بعد صداقه اكتر من سنه حبيتو قوى عشان مميزراجل بجد وعصيبوغيور يمكن ده المختلف عن اى ولد اعجب بيا وانا بحب الطريقه دى بس هو من القاهرة وانا من الاسكندرية كان ديما يقول لازم لما يجي نتقابل وانو لازم يبوسنى ويمسك ايدى رفضت واتصالحنا بس بعد كده انفصلنا لان ده مكنش ينفع يحصل بينا لانى مش حينفع اعمل ده مهما حصل لانى بحترم ثقه اهلى ليا ومينفعش ارجع البيت وانا عامله ده اعتبر انى مبحبوش وقرر ننفصل وانا بحبو اوى ومش عارفه احب غيره بس طبعا انا مينفعش اعمل ده ولا عارفه اسيبو وكلمتو بس هو قالى انو رجع يكلم البنت اللي كان يعرفها وانو مش حيرجع الا لو رضيت بشروطو بجد محتارة يمكن المفروض اعرف انو اصلامش بيحبنى زى مبحبو لانو لو كده كان حيخاف عليا ويحافظ عليا
ايه الوقاحة وقلة الادب اللي انتو فيها دي كمان عاوز يشترط عليك انه يبوسك ويمسك يدك وشوي شوي ينط عليك ويعتدي على شرفك ويرميك زي الكلبة ده واد سافل وواطي الحمدلله انك عرفت حقيقته القذرة اقطع علاقتك به يابنت الناس نهايا وللابد واياك والتكلم مع الشباب عبر النت فهذا حرام وتصرف غير اخلاقي البنت المحترمة والمتربية ماتعملش كدا ابدا ربنا يهديكي ويتوب عليكي ويصلح حالكي انت وكل بناتنا المسلمات
أختي العزيزة ….
ازيك وازى صحتك ….
اما عن الموضوع وكلامنا عليه :
هنفترض ان التفكير ده منطقي الحضن والبوس اللي هو بيقول عليه أومال كدة نبقوا سبنا ايه لبعد الجواز ، وتخيلي انتي لو عملتي كدة معاه فعلا ، تفتكري هيفكر انه يكمل في نفس السكة ديه طول حياته بارتباط شرعي بعد كدة ؟ ! ، بصي اللي بتحكي عليه ده مش علاقة حب لكن شوفيلها اى اسم تاني غير ده ، لو اخترتي انك تكوني طرف فيها ديه تبقا غلطة في حياتك ،، وطبعا الأصح البعد خالص عن الطريق ده ، وفي الأول والاخر بحييكي على مراعاة ثقة أهلك فيكي ، اثبتي على ما انتي عليه ، مفيش أحسن من الاحترام
وفقك الله لما فيه الخير يارب
الانسان الطيب
وشكرا