انا اعرف واحد من عالنت من زمان اوي ومن سنه قررنا اننا نرتبط ببعض ارتباط رسمي كلم والدتي واتفقوا ان لما ربنا يكرمه يجي ويتقدملي المشكله دلوقت انه بعد فتره قرر انه ينسحب واننا نكون اصحاب وهو بيحبني اوي بس قالي انه مش لاقي شغل وانه مش قادر يكون نفسه عشان يتقدملي
انا بحبه اوي اوي وصعب اني ابعد عنه بس هو خايف عليا بردو
بيقولي مش عايز اربطك جنبي وفالاخر مقدرش اوفي بوعدي وتندمي وتقولي يارتني
انا تعبت اوي من الموضوع ده مش عارفه اعمل ايه
وده مش حب مراهقه لاني عندي20 سنه
حد يدلني اتصرف ازاي
الحب على النت
بنحب بعض اوي بس لكنه قرر ينسحب
اضيف بتاريخ: Thursday, February 8th, 2018 في 14:01
كلمات مشاكل وحلول: الحب, الزواج, النت, حب, زواج
لو بيحبك هينحت في الصخر – يعني لو عاوز يرتبط بيكي هيدور علي شغل – صدقيني البلد مليانة شغل بس الشباب بيدور علي الشغل السهل اللي من غير مجهود – يشتغل في اي محل او في اي دكان ويحاول واكيد ربنا سبحانه وتعالي هيساعده ويقف معاه – وممكن ابوه يساعده وابوكي يساعده وانتي تساعديه أنا اعرف زميل ليا كان دايما مديون وبيستلف – مرة واحدة لقيت معافلوس وبيعدها وفرحان بيها عرفت انه بيووزع ويبيع اكياس وشنط بلاستيك للمحلات وللباعة الجائلين وبيكسب جنيه علي كل كيلو كان بيوزع ويمشي علي رجليه وشوية شوية اشتري عجلة وبعدين موتوسيكل – وتأكدي ان ربنا هيساعده – ربنا يوفقك وكل عام وانتم بخير .