الحب على النت

خوفي من ابي يقتلني

انا تعرفت ع شاب من النت من مدة قصيرة جدا وطلب يشوفني وانا وفقت وشافني وطلب مني انوا يجي يتقدملي واحنا حبينا بعض بس المشكلة ان اهلي مش يعرفوا اني بعد علي النت ولا ان عندي ايميل لو عرفوا هيبقة مشاكل وبابا عصبي وشديد جداااااا واخواتي ولدين وشدين عليا وهو ساكن بعيد عني اوي وهو لو جة واتقدم حيقول لبابا شافني فين ارجو الرد وساعدوني واسفة لو طولت عليكم

مشاكل وحلول ذات صلة

اضيف بتاريخ: Sunday, January 15th, 2012 في 15:32

كلمات مشاكل وحلول: , , , ,

23 رد to “خوفي من ابي يقتلني”

  1. حور
    01/08/2012 at 22:12

    اختي العزيزه أنا مريت بنفس الموقف تقريبا اتعلقت بواحد علي الانترنت وقالي انه عايز يخطبني ويتعرف علي اهلي رحت مدياه ايميل اخويا و والدتي وطلب مني افتح له الكاميرا فتحتها له وصورني وفضل يبتزني بابشع طريقة مع العلم انه كان كويس ومحترم جدا معايا في البداية ولحد دلوقت بتعرض لعملية ابتزاز حقيرة ف نصيحتي ليكي متعرفيهوش اي معلومات شخصية تخصك الا اذا اتاكدتي انه كويس ومحترم وكنتي واثقة جدا من ده او تروحي تكلمي اخوكي الكبير وتفهميه الموضوع كله وقوليله انا مردتش اعمل حاجة من وراكم متهيأ لي ده اسلم حل لكن انك تديه معلومات شخصية او عنوان بيتكم او غيره لا مينفعش تضمني منين أنه يكون كويس ومحترم ومش بقول كل شباب الانترنت كدا لكن 90% منهم كدا مش بيتقوا ربنا في علاقاتهم وربنا يوفقك

  2. سمسمة
    15/07/2012 at 02:22

    لا بدل هو انسان كويس وعايز يتقدملك اتكلى على الله يمكن يكون انسان كويس وده نصيبك وقدرك بس ممكن تجيبيها بطريقة تانى مش تقولى نت وكدة قولى ان هو شافك وانتى مع اى حد واعجب بيكى وعايز يتقدملك

  3. نور
    30/05/2012 at 14:56

    صلي الاستخارة حبيبتي ,,,

  4. سوسو العاشقه
    20/05/2012 at 05:06

    لا اوعى تصدقى ابدا النت دة والشات كدبه كبيره انتى مش قدها لازم تعرفى انه عالم من الخيال بنهرب فيه من حيلاتنا علشان نعيش الشئ اللى ماقدرناش فى الحياه نعيشه بسبب العادات والتقاليد فا بنفرغ طاقتنا فيه ليس الا المهم انتى تحافظى على نفسك واياكى تقربى من اى ولد ايا كان هتندمى حيث لا ينفع الندم

  5. يسرا
    07/03/2012 at 12:08

    أنا في رأي بلاش تبدأي حياتك بالكذب.لأن لو حصل نصيب الكدب مش هيستخبي و مش هتخلصي منه..هتخلصي من كدبه هتطلعلك كدبه تانيه..هتفضلي على الحال ده علشان الموضوع ميتكشفش أدام علتك و قريبك..لو ده فعلا من نصيبك متكدبيش علشان ربنا يباركلك في جوازك..لو طلع كداب ربنا يرزقك بخيرا منه اللي يفرح قلبك…بس خديها مني نصيحة متكدبيش و هتزيدي في نظر كل اللي حواليك.

  6. بنت عادية
    23/02/2012 at 20:24

    اتاكدي منو الاول بعدين و مش تفتحلو كاميرا مرة تانية انتبهي لانهم بصورو صدقني و بعدين لما تتاكدي يجي يخطبك و يقول انو شافك بالصدفة متلا في مكان عام عادي …….و لو سالك ابوكي قولي انا مش اعرفو وخلي اهلك يتاكدو من اخلاقو اوكي اختي وانتبهي علاقات نت اغلبهااااااااااااا خدااااااااااااااااااااااااااع

  7. ايمان
    10/02/2012 at 23:16

    انا اظن انه شئ جميل لو تتوفقي في الزواج منو لان الحب اللدي ينتهي بالزواج هو الاروع الله يوفقك حبيبتي

  8. مرىم مىمو
    01/02/2012 at 05:24

    اصلا الكلام علي النت حرام عارفة ان مافيش حد ردي حيعجبه بس ده والله مش كلامي دة كلام العلاماء الافاضل ومش مشكلة كلام الناس المهم رضا الله عز وجل

  9. شوشو هيما
    31/01/2012 at 22:56

    حبيبتى انا دايما بعترض على جوازت الت بس يا جماعة عادى دى بتقول انة بيحبهاااااا اتكلى على اللة وكمان ممكن يقول اة تبع واحدة صاحبتك شاك فى ادى كافيةمع اصحابك او انتى كنتى مع مامتك مش لازم يجى يقول انكوا بتحبوا بعض يقول اى حاجة ويتعامل بسازاجة

  10. الله قبل التوبة غصب عنك
    31/01/2012 at 12:34

    التستر أولى من الفضح دائما..

    وليس كذبا أن يستر عليك خطيبك أبدا، بل هذا واجب عليه..

  11. HanyMoh
    30/01/2012 at 04:37

    ممكن يقول شفتها في أي مكان أنتي رحتيه قريب

    أو كان جاي بلدك في طلب وشافك

    أي حاجة عادي، وده شرعيا أنا أعتقد إنه مش كذب

    وربنا يوفق، بس طبعا أهلك لازم يسألوا عنه..

  12. lolocool
    30/01/2012 at 04:12

    لا مفيش حب على النت حبيت واحد على النت بردو.. بصى زى ما عرفك على النت هيعرف غيرك بردو على النت و هيسيبك انتى عايشة اكبر وهم فوقى احسن ما تفوقى على واقع مؤلم زى الى حصل معايــــــــا فوقـــــــــــــــــى ده وهـــــــــم كبيـــــــــــر

  13. توتا
    24/01/2012 at 20:23

    انا مع كنزى رايها صح بس دة لو انتى واثقة من الشخص دة ميكونش بيلعب بيكى او حد مش كويس لازم تسالى علية الاول قبل ما يدخل بيتك

  14. كنزى ام عمر
    22/01/2012 at 22:32

    فعلا يا جماعه دا الحقيقه اللى حصلت لى اوعى تقولو جوزازات النت وكده لا فى ناس محترمه وكويسه وبعدين طريقه التعارف مكانش للجواز احنا الاتنين انا كنت رافضه موضوع الزواج عن طريق النت لكن فعلا النصيب هو اتحايل عليا كتييييييييييييير جد وفعلا طلع راجل جدا وقد المسئوليه فىى كل كلمه ومكنش موافقه ان حياتى تبدا بكدب وهو بعد الخطوبه وقبل كتب الكتاب قال لاهلى على مدى احترامى وانه فعلا اخترنى بعد عناء وطريقه كلها والموضوغ يا اخواتى عدى سهل جدا بدون اى مشاكل وحرام اللى بيقولو بلاش جواز النت لان ربنا يمكن دا نصيبك واحسن من غيره وحرام تظلميه بس ارجع صدقنى انى اقولك الاحترام فوق اى شى وطبعا صلاه استخاره والله الموفق

  15. :)
    22/01/2012 at 20:46

    انا رأيي كل شيء اساسه غلط بينتهي غلط ونسبة بسيطة جدااا هي اللي امورها بتتيسر لكن الاغلبية مش كدا عشان كدا بقولك اختاري صح من الاول واتاكدي من قرارك .. اما موضوع تعرفيه على والدك فعندي حل مقنع ممكن هو يتعرف على اخوكي ويكلمه بصراحة من الاول ويقوله انه شافك فالكلية او اي حاجة وانك متعرفيهوش واخوكي من نفسه هيقول لوالدك ولو هو فعلا ولد كويس هيدوله معاد انه يجي يتقدم ويبقى التعارف بشكل رسمي ومحترم لكن اهم حاجة انه يقول لاخوكي من الاول انه عارفه عشان يتقدملك عشان اخوكي ميحسش انه مستغفل .

  16. انا كدة
    21/01/2012 at 06:36

    ممكن تتفقى مع واحدة من صاحبتك انها تقول لوالدك ان هو صديق العائلة بتاعتهم او مثلا حد من اقاربك يقول ان هو صاحبه ارجو الرد و قوليلنا عملتى ايه

  17. مش عارفه اقول ايه
    17/01/2012 at 18:08

    سبكى من جوزات النت حتى لو قلتى الى بابكى انه هو تبع صاحبتك ممكن يبق انسان مش قويس ويعيرك واهللك يعرفوا سعتها اهلك ها يقولوا ايه حتى لو مش عرفوا النهارده ها بعرفوا بكره عمتنا صلى صلاه الاستخاره لو ربنا كتبهولك ها تاخدى غصب عن الكل

  18. سالي
    16/01/2012 at 23:39

    متفقة جدا جدا مع كنزي وشايفة ان دة افضل حل

  19. سبني وراح
    16/01/2012 at 14:31

    مهو انا لوقلت تبع حد بابا حيقولي فين الحد دة علشان نسال علية وكدة

  20. حسين
    16/01/2012 at 09:49

    قولى الصراحة احسن لك بلاش تبتديها كدب من الاول

  21. اختك في الله
    16/01/2012 at 07:41

    حبيتي زي ما قالت لك اختي ام عمر قولي كده انا كمان قلت كده لما اتعرفت على زوجي على النت بس بعد كده اعترفت لهم بالحقيقة والموضوع عدى والحمد لله معايا يوسف ولولي وحامل الحين
    المهم انتي اتأكدي انه انسان كويس واسالوا عليه كويس جدا واتأكدي انه مش بيلعب بيكي
    ربنا يكملك على خير وبازن الله يطلع انسان كويس
    بالتوفيق ان شاء الله

  22. بالحق اقول
    15/01/2012 at 22:23

    مفيش حد بيروح لحد بالطريقة دي الا نااااااااااادر جداااااااااااا وخلي بالك الا تكوني بتضحكي ع نفسك

  23. كنزى ام عمر
    15/01/2012 at 19:45

    يا حبيتى بمنتهى السهوله ممكن تقولى ان فى واحده صاحبتى جيبه عريس بتقول كويس وهو يجى عن طريقها على فكره كنت فى نفس الموضوع زبك بالظبط واهلى برضه متعصبين وقلت كده وبعد كده بعد عرفوا والموضوع طلع بسيط جدا وعدى واتجوزنا الحمد لله وجبيبنا عمر وعقبال بالظبط المهم انه يكون انسان كويس وراجل ويقف معاكى جدا وربنا يهدى الحال

اترك رداً أو حلاً لهذه المشكلة