حب بجد ولا انا عندى فراغ عاطفى

السلام عليكم ورحمة الله وبركاته
انا فى البدايه بنت عندى 25 سنه وعمرى ماارتبطت باى شاب لانى عارفه انه اخرة الحب تسليه طبعا مش كل الناس لكن انا بفضل ابعد عن تجربه ممكن تفشل ولانى بخاف من الحب دايما ببعد عنه وفى شاب معجب بيا وصارحنى باعجابه بيه لكن انا صديته وفى شاب كمان بيحبنى وعبر ليا عن شعوره ناحيتى لكن انا مش بحس ناحيته بشعور عاطفى ومن غير مااطول عليكم بقى انا اتعرفت على شاب على النت عنده 20 سنه ماانكرش انى اتشديتله لكن مش عارفه انا بحبه ولامجرد اعجاب ولا بحبه حب زى اخويا حقيقى مش عارفه لكن انا اتعلقت بيه اوى وبفتح ميلى علشان اكلمه ومرتاحه ليه اوى وبجد هو ولد محترم اوى وعلى اخلاق عاليه وهو بيعبر ليا بيقولى ساعات انا بحبك وساعات تانيه يقولى انتى زى اختى مش عارفه انا وهو بنحب بعض اوى لكن مش قادره اقرر حبى ليه ده ايه او هو حبه ليا ده ايه ؟ علما بانى عندى فراغ عاطفى ومش قادره احب اى حد او اوافق على اى حد بيتقدملى لكن الانسان ده انا مرتاحه ليه اوى وعايزه اقولكم هو انا حتى لو كنت بحبه حب عاطفى ينفع احب حد اصغر من ب 5 سنين بصراحه انا كل مابفكر فى كده برجع تانى وبحس ان ده مش هينفع كل اللى اقدر اقوله ان اتعلقت بيه اوى وبحبه ياترى ده حب عاطفى ولا لا ولاحب اخوات ولا ايه ؟ ولا يمكن علشان عندى فراغ عاطفى ياريت تفيدونى لانى بجد محتاره اوى وحاسه ان الانسان الوحيد اللى ارتحتله مينفعش احبه حتى ولا افكر فيه انا اعمل ايه ؟ ولكم الشكر للاستماع لمشكلتى والاهتمام بالرد عليها دمتم

مشاكل وحلول ذات صلة

• بحبه لكن مش هعرف اكمل معاه
• صاحبتى وحبيبى خانونى مع بعض
• مش عارفة اخد قرار اسيبه ولا هارجع اندم
• يحبها وتحبه..لكن أهله….
• كلمت حبيبتي في الجنس وهي زعلت وانا عايز اصالحها
• الغربه بعدتني عن حبيبي
• مش عارفة اذا كنت بحبه هو او ابن خالي