انا بنت عندي 18 سنة اتعرفت علي شاب عنده 26 سنة وبنحب بعض جدا واتكلمنا علي الايميل كتير وطلب مني انه يشوفني علي الكام لكن انا رفضت وطلب مني اني ابعتله صوره ليا بس انا قلقانه من موضوع الصوره ده جدا مع اني واثقه فيه
هو كل كلامه معايا انه عايز يتقدملي وكمان عايز نتجوز بسرعه بس انا مش عارفه اقول لاهلي انا عرفته ازاي… لان اكيد مش هقدر اقولهم اني عرفته من النت
هو قالي انه كلم اهله عني وقالهم انه عايز يتجوزني
بس المشكله ان فيه مشاكل كتير هتواجهنا وانا مش عارفه اعمل ايه
اولا هو من الصعيد وانا من القاهرة
ثانيا هو دبلوم صنايع وانا ان شاء الله هدخل الجامعه (هو عارف اني عايزه ادخل صيدله وموافق) بس معندوش استعداد يستني لما اخلص دراستي
ثالثا فيه فرق في المستوي المادي بين العيلتين وكمان في المستوي الاجتماعي
هل انا اخطأت الاختيار ؟ ولو اخطأت اعمل ايه ؟
الحب على النت
عايز يتقدملي.. اقول لاهلي ازاي عرفته
اضيف بتاريخ: Monday, March 19th, 2018 في 07:05
كلمات مشاكل وحلول: الحب, النت, بنت, شاب, صور
نفس المشكله احتاج حل ضرووووووووري