مشافنيش ولا يعرفني وطلب يتجوزني

انا واحدة عمرى ما فكرت فى الحب والكلام ده ودايما بفكر بعقلى
وفى يوم دخلت على النت وكلمت واحد على الفيس بوك لمدة 3 ايام ماكنشى فى بالى انى اقعد اشيت زى الشباب بس الى حصل ان ال3 ايام دول كنت بدخل واكلمه صدفة اننا بنبقى متواجدين اون لاين مع بعض لكن كل كلامنا فى مواضيع عامة
وفى اليوم الرايع طلب انه يتقدملى ساعتها انا قلت ده بيشتغلنى وقفلت لقيه بيبعت رساله انه جاد فى طلبه وانه عحبه اسلوبى فى الكلام وانه لو كان زى الشباب الى بيلعبو بالبنات ما كنشى طلب انه يدخل البيت من بابه وانه زيى ما كنشى بيفكر فى الارتباط بالطريقه دى بس الى حصل بقى
وبعت كل بياناته وكل حاجة تثبت البيانات دى من صور للاوراق وصوره الشخصية وكل الى طلبه منى انه ياخد رقم تليفون البيت علشان ياخد ميعاد يجى فيه على الرغم انه ما يعرفشى حاجة عنى ولا حتى شاف صورتى
انا رفضت لانى ما بحبش النت وعارفة نظرة الشباب للبنات الى عرفوها من النت وان الشك دايما هيبقى حاجز بينهم وانى مش هعرف اقول لاهلى وعلشان انا دايما بفكر بعقلى وخايفة من نظرة الناس لينا وخاصا وانى اصلا مش بقعد على النت ومش هستحمل نظرة الخاطئة الى ممكن الناس ينظرولى بيها وفهمهم الخطئ ليه
انا سوالى مش انه صادق فى طلبه للزواج ولا لا لانى مصدقاه لانه طلب انه يدخل رسمى ولا سوالى انى ارفض ولا لا لانى خلاص رفض رغم انه كان ملح فى طلبه جدا وبعد ما رفضت جه وطلب تانى انه يتقدم بعديها بشهر
لكن سوالى للشباب مش للبنات لانى مش عارفة تفكير الشباب ازاى
عايزة اسالكم هو ممكن حد يحب حد من النت وايه بيبقى تفكيره فى البنت دى بعد الارتباط هل فعلا الشك بيدخل بينهم
وهل حد فيكم ممكن يفكر فى انه يرتبط بواحده ما شفهاش هو مش الحب عند الشباب مرتبط بشكل البنت؟ ولا هو ممكن حد تعجبه واحده بطريقة كلامها بس؟وايه سبب تمسكه بطلبه رغم انه ماشفنيش ولا يعرفنى؟ هل الكلام ده كله طبيعى؟ وهل ال3 ايام الى اتكلمنا مع بعض فيهم كفايه علشان يحكم على انه يرتبط بيه ؟ انا بجد مستغرباه انا بسالكم لانى مش عارفة تفكيركم عامل ازاى
حد يفدنى ؟ انا مضيقة لانى بفكر فى كتير و هو الوحيد الى شغل تفكيرى بالطريقة دى وعلى فكره هو مش صغير وانا مش صغيرة يعنى مش فى فترة المراهقة ولا حاجة
رغم انى رفضه بس حسه انى ضيعت انسان محترم قل ما يتواجد فى هذا الزمن
انا كنت صح فى قرارى ولا كان المفروض اديلو فرصة
برجاء ان تفدونى وشكرا

مشاكل وحلول ذات صلة

• كيف استطيع الوثوق في حبيبي مرة اخرى
• مش عارفة اخد قرار اسيبه ولا هارجع اندم
• ضحيت علشانه وفالاخر ضحى بيا
• هل ارجع لخطيبي الاولاني او اوافق على العريس الجديد
• حائرة و مكتئبة…عآشقة !
• ارجع ثقتي في خطيبي تانى ازاى
• عايزه كلام يقنعني انو الحب بالنت كدب