انا بنت عندى 22 سنة اتعرفت على شاب من النت من شهر 4 وكنا بنتكلم كل يوم ولما كان بيتكلم فى حاجات جنس وكدة كنت بصده واقوقفه عند حده كان يبررلى انه حيتجوزنى وبعدين انا عملت عليه لعبه وقلتله انا متقدملى عريس لقيته اختفى فجأة ومعرفشى عنه حاجة من شهر 8 وفى شهر 11 لقيته ابتدى يبعتلى رسايل عاوز يرجع وكدة طبعا انا طنشته وقعد يتحايل عليا انه يرجع يجى شهرين واتذللى جامد اوى وقالى بصراحة انا بحبك ومقدرشى ابعد عنك وانه تعب اوى فى بعدى عنه وانه كان خايف يتعلق بيا اكتر عشان كدة بعد وبعدين رجعتله وهو على طول يقولى بحبك وعاوز اخطبك والصراحة بيستحملنى اوى لما بتعصب عليه وعلى طول هو بيصالحنى ويدلعنى بس المشكلة انى مش بثق فى حد ولا بصدق حد ارجوكم قولوليه ازاى اتاكد من مشاعره نحيتى اذا كانت بجد ولا لا وازاى اتاكد انه جد فى العلاقه كل ما يكلمنى يقولى بحبك وحخطبك وكمان عاوزة اتاكد منه من غير ما اقوله اتجوزنى او ان جالى عريس عشان مسببشى احراج لنفسى واسفة انى طولت عليكم وارجو الرد سريعا ارجوكم
لو عاوزك هيج يتقدملك او يقولك اديني رقم والدك .. قوليله انا مبعرفش غير طريق واحد للحب هو الجواز
ده كداب وسيبك منه انا فاهم دماغ الشباب اللي عاوز بجد يتزوج يجري علي باب البيت ويخبط غير كده انتي بيضحك عليكي