انا بنت من فلسطين حبيت شخص من مصر حبيتو حب جنون، وهو كذلك متاكدة من مشاعره الى حبيتو عن طريق النت، ومابحس انو بلعب فى مشاعرى او بتضحك عليا بالعكس هو بحبنى كل يوم اكثر من الأول.
وهو مستعد يضحي مشانى وانا مستعدة اضحى مشانو لانو فعلا حبيتو حب جنونى.
حتى اتفقنا انا وهو على كل الامور على الزواج وخططنا يجينى على بلدى يخطبنى من اهلى، مش عارف احساسى مايوافقو.
انا بحبو بقالى فترة طويلة يعنى شى اربع الى ثلاث سنوات تقريبا عن طريق النت، هو كان واضح معى من البداية، وانا واضحة معو الحمدلله بكل الامور.
هو املو انو نتزوج عن قريب وانشاء لله يارب هو مستعد للزواج منى.
انا وهو اتفقنا على كل شى حتى على اسماء الاولاد فى المستقبل، هو الحمدلله ما عمرو زعلنى او ضايقنى من شى بل بالعكس لو ازعلنا من بعض بيتصل فيا وبصالحنى وانا مابحب يزعل منى.
انا حبيتو وهو حبنى ومابعرف شو يكون موقف اهلى من الزواج منو لانو عن طريق النت ولانو مش من بلدى.
وللعلم مازلت علاقتنا مستمرة والحمدلله قوية و حبنا كل يوم بزيد اكثر من الاول.
وبعدين مرة حصل عنا بغزة حرب ماسابنى وهاد الموقف عمرى بحياتى مابنسهالو وقف جبنى وماسابنى ولا لحظة كان كل دقيقة كل ساعة حدث بحدث معى، وانا وهو بنحب بعض قبل كل هاى الاحداث كلها.
واخر شى مابدى اطيل عليكم بتمنى فى هادا الشهر الفضيل فى اخر الايام العشر الاواخر من رمضان انو يجمع شملى عليه على خير يارب ونكون اسعد زوجين يارب يارب يارب
من فلسطين بردوا ومصر
طب ازاي …اكبر مشكلة في العالم انا حاسة فيها .والنت كمان مشكلة تانية.
انا تقريبا نفس قصتك.بس انا لا كلمته مبايل ولا شفته ولا شافني .وكمان هوة بيموت كل يوم علشان يقدر ييجي. بس مشكلتنا الاكبر ولاكبر والاكبر اني مجدلاوية..يعني اهلي ما بيزوجوا غير لمجدل..شو الحل برايك.بتقدري تفيديني .
انا حاسة انو في امل في مشكلتك. يعني هوة بس ييجي بيصير خير .بس انا مش حاسة شي حاسة انو مش راح يصير شي والامور كلها بتتعقد اكتر كل يوم.اتفقنا ما نكلم بعض لمدة.بس الله يعلم شويصير .
ماذ يعنى حب النت والتليفون هل رايتى اهله هل شوفتى بعينيك المكان الذى يعيش فيه كيف تحكمى على شى وهو بعيدا عنكى نصيحة ابعدى لانه مستحيل يدخل فلسطين خلى بالك فى شباب كتير بتساله بالبنات
يا جماعة الى بحب لا يمكن يخدع ولا يكرة بس الحب الحقيقى وانا مستعدة اضحى بحياتى كرمالو لنو هو ضحى بحياتو كرمالى لعلم هو مسافر بشتغل برى مشانى وانا صاحبة القصة يا جماعة الخير وكل عام وانتم بالف الف خير
ياريت ماحدش يحكم علي حد من غير مايعرفو طلما انتي مرتحالو وحاسة انو كويس خلاص خليكي معاه واقولك صلي صلاة استخارة شوفي ربنا هيبينلك اية
اختى انا بنصحك اتمسكى بيه وحاولى انه يجى يخطبك فى اقرب وقت ممكن وخلى بالك من نفسك وبعدين يعنى حضرتك بتقولى انك بتكلموا بعض من تلات او اربع سنوات وده مده كفايه انك تعرفه كويس وتعرفه طباعه ومستحيل يعنى بعد الفتره الطويله ده تكونى لسه معرفتهوش كويس ومقدما الف مبروك وانا بتمنالك كل خير وكل سنه وانتى طيبه
ابعدى عنة علشان النت مش بيبنلك طبع اللى قدامك وكتير جدا بتخدعو فى حب النت وخصوصا انك مشفتوهوش حتى الان وجها لوجهة حب النت غير لما يكون فى وشك وتقدرى تحكمى النت عبارة عن الة كاتبة فقط غير لما يبقى قدامك شخص تقدرى تعرفية من نظرات عينة لو حصل موقف وانتى معاه اية اللى هيحصل وربنا يكرمك يارب
طب ياجماعه تحكمو على الناس ليه مش يمكن صح بيحبها هو علشان فى ناس على النت زى الزفت وقاعده للتسالى هيبقاش كل الناس زى بعض
اختى العزيزة تمسكى بهذا الحب ولا تتركيه
لان الحب هو الحب واقع ام نت واحيانآ يكون حب النت اكثر نجاحآ
وعن تجارب كثير من الاصدقاء
واقول لاخى من قالهل يقبلها على اخته
نعم يقبلها ان كانت تتحدث الى شاب محترم خلوق نيته الزواج
اتمنى من الله لكما التوفيق وان يتمم عليكم بخير
نصيحة يا اخت ابعدى عن الحب الى فى النت و كمان انتى فى بلد و هو فى بلد و ان شاء الله ربنا يكرمك بابن الحلال فى بلدك على الاقل لو حصل خلاف بينك وبينه هتكونى فى بلدك
النت مش بيعرفك البنى ادم اللى امامك
خلى بالك من نفسك
متعمليش حاجة من وراء اهلك
و هو لو عنده اخت مكانش يرضالها بغريب يكلمها