انا شاب ابلغ من العمر 30 حياتي تملا بالفراغ انطوائي جدا واحب الوحده سافرت لعمل في دول الخليج وكنت اشتغل وقت فراغي في الشات تعرفت علي بنت وتكلمنا مع بعض حتي حدث ارتياح مني قليلا ومنها كثير احبتني جدا جدا لابعد الحدود اي كلمه كنت اقولها تتنفذ فورا بدون اعتراض بدون مجادله زي ما بيقولوا مقدمه صوابعها العشرة شمع
كان كلامنا علي الشات فقط انا شيفها انها انسانه مناسبه وهي بتحبي حب لابحد الحدود نزلت اجازتي وتقابلنا مقابله شرعيه حسيت اني مقلق كده وفي شئ من جوايا بيقولي ارجع متكملش صليت صلاة استخارة برضة مفيش فايدة
سبب قلقي ده مش في البنت لا في اهلها لا يوجد توافق اجتماعي بيني وبين اهلها وكمان عندها اخ مريض الفراش لا اعرف هل هو سبب وراثي او لا وانا بقلق من المواضيع دي علشان الانجاب لكن البنت كويسه ومش عاوز اقولك اني كنت بعملها معامله قاسيه جدا وهيا كانت بتسامح وتستحمل وديما اعملها معلمه وحشه وتسامح وتستحمل وكانت بتقولي علشان حبي ليك يعيش …. اهلي رفضين الموضوع زي ما بقول مفيش توافق اجتماعي مش من عائله متعلمه والتوافق مهم برضه لان لو اتجوزتها اهلها دول هيبقوا اهلي واهل اولادي انا ظلمتها كتيررر ولسه بظلمها من المعامله القاسيه بتاعتي وهيا بتستحمل وبتقبل مني اي كلمه
فعلا انها انسانه رائعه لا اعرف ماذا افعل
مشاكل الشباب مع البنات
حبيت من النت ومتردد في الزواج
اضيف بتاريخ: Tuesday, August 16th, 2011 في 14:23
كلمات مشاكل وحلول: النت, بنت, شاب, مشاكل الشباب, مشاكل الشباب مع البنات
عزيزى اخشى ان تكون انت الذى شعرت بتغير فى عواطفك ولم تجد مارسمته من خيالك اثناء محادثتك معها على النت فقد لعب الخيال فى رسم صورة ربما تكون احلى من الحقيقه فى شكلها او فى شخصيتها ثم تتزرع بحجه مستوى اهلها المتدنى واخوها المريض الذى من السهل معرفه مرضه اذا كان وراثيا ام لا بسؤالها عن ماهو مرضه ,
لكنك تضع اسباب غير الحقيقه فيجب ان تصارح نفسك اولا هل هلى نفس الصورة التى رسمتها وتخيلتها ام قد خاب ظنك ؟
فاذا كان كذلك فابتعد عنها برفق دون ان تجرحهالان الزواج المبنى على الخيال يدوم ا اذا كنت وجدت صورتها تضاهى ماكان بخيالك فتزوجها لاننا لا نجد الحب كل يوم
الفقر مش عيب و ما فيش حاجة توافق اجتمعاي او كدا انت جا تتوجهاا هي مش اهلها و بعدين البنت الفقيرة بتكون عايشة بالقليل و اقل القليل و بسيطة و لنفترض انك حصلتلك ازمة و مش قادر توفر حاجات حا تلاقيها معاك و صابرة لانها اكيد تعودت طول عمرها على القليل و لو بتحبها و عايزها اتزوجها بلاش الظلم دا بلاش ضحك على بنات الناس
لو. انت فعلا من مستوا اجتماعي راقي ماكنت بحاجه للعمل في الخليج
بص التوافق الاجتماعى مش حاجة تمنع الحب و الجواز انا افضل انى اتجوز واحدة فقيرة بس بتحبنى و انا بحبها و هيا تعمل اى حاجة عشانى و كمان تصون بيتى احسن ما اتجوز واحدة فى مستوايا و بعدها تبدأ المشاكل و وقت الضيق مش تستحملك و دايما تطالبك تعيشها فى مستواها و مش تتحمل منك قسوة و مش تسامحك ز عاوز اقولك ان انت محظوظ بالبنت دى اوى و مش تضيعها من ايدك و مسالة المرض و كده ده بأيد ربنا سبحانه و تعالى و كمان ممكن يكون ربنا بيحبك و بعتلك واحدة تصونك و تحبك و بعت اخوها ده ليك عشان تهتم بيه و فى الاخرة تدخل بيه انت و مراتك الجنة يعنى كسبت الدنيا و الاخرة و ربنا يوفقك
بصراحة انت غلطت كتير بحقها يعني من الاول كان لازم تعرف اذا في توافق او لا وكمان حرام عليك ع هالمعاملة القاسية لازم تحترمها شوي بعدين اذ كنت رجال وبتحبها بجد بتاخدها لو شو ماصار حرام عليك بنات الناس مالعبة انت رجال ولازم تكون قد كلامك مو تكون ولد كل ساعة برأي خاف الله
سبحان الله يعنى ربنا ادالك وحده طيبه وبتحبك وبتسمع كلامك وبتستحملك لما تقسى عليها يعنى عايزه تعيش وبتحبك عايز اى اكتر من كده ؟؟؟ لو بتتسلى بيها يبقى لازم تبعد عنها وتفهمها كل حاجه ومتسيبهاش متعلقه بيك عالفاضى وتحل حيره معاملتك ليها بدون سبب بدل ماتنول من عقاب ربنا ويتعمل فيك اللى عملته فيها
هو انت بعد متسليت بلبنت وشفتها سرت مش قادر تكمل لية مش من الاول وبلنسبة للمستوي كل الناس سواسية محدش احسن من حدا الا بلتقوي والايمان دور علي الايمان مش المستوي وهي اية زنبها الله يعين الناس انت بتحب المظاهر وبس مش الدين والايمان وبلنسبة لاخوها المريض دةابتلاء من ربنا يسلام كل الناس بتتجوز هاد من ربنا ممكن تتزوج من عيلةمن مستواك لكن تكون غير مؤدبة وبتحترمكاش وبتهينك باهلها وبمستواها الاجتماعي وممكن ربنا يرزقك باطفال معاقيين او تكون عقيم يعني هاد حكم ربنا زمن الاستبدداد انتها فوق لنفسك اعتبر الموضوع دة مع اختك حتعمل اية وانت الي كنت المعاق اية زنبها اختك بيك تكون دمرت حياتها حرام عليك هيني متزوج من وحدة اخوتها اتنيين معاقين لكن قبلتها بلا حب عادي لكن بنحب بعض قوي قوي والله ارزقنا باحلي الاطفال ومش معاقيين والان بلجامعة
على فكره أنا بانصحك متتجوزهاش لأنك مش بتحبها وهتظلمها لأنك لو بتحبها مش هتتردد ولو ثانيه إنك ترتبط بيها ووقفت قدام الكل عشانها بس على الفكره الحب غلأي بينكم مكنش في أي نوع من أنواع الكيميا وهي نظرات ما قبل الحب وكده والعذاب قبل ما إنتو تبيحوا لبعض بالإحساس بالحب وكمان الراجل ما بيحبش الواحده الرخيصه إلي راميه نفسها عليه ومدلعاه ومخلياه مش نفسه في حاجه ولا حتى مشتاقلها بتقوله حاضر طيب وخلاص …..
انت فرحان لانك ظالمها يعنى ولا اية بجد انت غريب وعارف مش هترتبط بيها ولا حاجة بتتسلى وخلاص
وطبعا كلما كانت تضحى وتسامح انت تفتكر نفسك الامير شهريار وخلاص هتموت علشانك اتقى الله
الكمال لله وحدة ومفيش حد في الدنيا دى كلها كامل كل واحد فيه ميزات وفيه عيوب والبنت دى مالهاش اي ذنب في ظروف اهلها ولا في مرض اخوها لان دى حاجة بتاعه ربنا وبعدين يعنى انت اول مااتعرفت عليها مكنتش تعرف ظروفها دى ولا ايه؟ وكمان انت بتشكر في البنت وبتقول انها بتحبك وبتسمع كلامك انت عايز ايه تانى ؟ بس واضح انك مبتحبهاش اتقي الله ليه خلتها تتعلق بيك كدة والاخر تقول ظروفها ومتردد في ارتباطى بيها متزعلش منى انت اصلا مش عارف انت عايز ايه
يا أخى اتقى الله
عارف ليه انت قلقان وفى حاجه بتقولك ارجع علشان هيا انسانه طيبه واهلها كمان طيبين وربنا سبحانه وتعالى بيقول الطيبون للطيبات وبعدان ممكن اوى تتجوز بنت اهلها متعلمين ومعندهاش اخوات مرضى فراش وتخلف ولد مريض فراش حضرتك سيب البنت فى حالها ومتعلقهاش بيك وهيا ربنا يرزقها ان شاء الله بانسان يقدرها وياريت لو سمحت تتقى ربنا فى بنات الناس
ب بالنسبة لمرض اخوها محدش فينا يقدر يمنع حاجة زى دى انت نفسك معرض انو يحصلك كدا وبالنسبة للمستوى الاجتماعى انت عايزة واحدة تصرف عليك مش انت راجل ولو مش كداانت ابوك مهندس وهى ابها مكانيكى المهم انو مش حرامى على فكرة انت مقلتش انك بتحبها معلش يعنى املا فراغك بلعبة تانية يا يابتاع الرئية الشرعية انت فاقد للشرعية كفاية بقى وحرام عليك
انت بجد غريب لما هيه انساااااااانه رااااائعه فيه ايه تاني عاوز ايه وبتتنطط عليها وبتعاملها وحش وعارف ده وكمان عارف انها بتحبك جداااااااا طيب ايه انت مش بتحبها ههههه وانسانه زي دي متتحبش ليه بعد كل ده ولو حتي مبتحبهاش البنت بتحبك ورائعه زي مقولت وبتسمع كلامك بالرغم من معاملتك الله يكون في عونها انها مستحمله دي مش بتحبك وبس دي بتعشقك قصه ان اهلها مش متعلمين ده مش عيب فيهم ده عيب في نظره مجتمع غلط بلاش تغويك المظاهر الكدابه ده ربنا وحده هو العاطي كلنا انسان زي بعض وانت انسان ناضج وفاهم وبالنسبه لموضوع اخوها ده مرض ابتلاه الله عزوجل حندخل في امر الله وربنا يشفيه ويشفي كل مريض ايه حندخل في علم الغيب ونقول لا ده ممكن يكون وراثي علي اساس ايه حكمت ربنا وحده اللي عالم ولو ربنا كاتب ليك ابنك او بنتك كده حيبقوا كده وربنا ليه حكمه في كده انا بجد زعلانه علي التفكير ده حصل ايه في نفوس البشر وعالفكره كون انك بتفكر في الاشياء دي يبقي ابعد عنهاااااا لانها تستاهل حد احسن منك وانسان يحبها ويقدرها لنفسها هيه وتتعامل ملكه واسفه علي كلامي بس بتمني تفوووووق وتحس بقيمه الجوهره اللي في ايدك وتحمد ربنا انه بعتلك انسانه تحبك الحب ده
يعني هي بنات الناس العبة عندم تكلمها و تخليها تحبك و في الاخر فرحان اوي و ان بتقول بقسا عليها و بتسامحني انتوا ايه للدرجة دي مش بتحصسوا حسبي الله و نعم الوكيل بجد يا تبعد عنها يا ترتبط بيها لكن انك تعاملها المعاملة دي حرام عليك اتقي ربنا