انا شاب عمرى 23 عام واعانى من قصر القامة حيث طولى 153سم .. المشكله تكمن بانى احببت فتاة عن طريق النت .. واحببتها واحبتنى وكنا كثيرا نسهر انا وهى نتكلم .. مع العلم انها لم ترانى ولم اراها ومع الوقت طلبت ان نتقابل لكى ترانى واناك ل مره بجيبلها عذر خوفا من ان تراني قصيرا فتصدم بى ..وانى كذبت عليها بطولى
الحب على النت
مرعوب من مقابلتها والتعرف عليها بسبب طولى
اضيف بتاريخ: Sunday, November 28th, 2010 في 12:09
كلمات مشاكل وحلول: الحب, الحب على النت, النت, فتاة, مشاكل الحب
صدقني يااخي اغلب البنات تحب الشاب المحترم والخلوق والرياضي انالماكنت في عمرك كانواالبنات بيعاكسوني مع اني مش وسيم ولاطويل بل قصير اقل منك بس كنت رياضي ومفتول الجسم واركب موتسكيلات واهتم في هندامي حتى كل صحابي كانوايغارون مني عشان الموضوع ولايهمك يابطل قابلهاوصدقني حتحبك اكثر بس كون لبق في الكلام معهاوكون رومنسي جداوعاطفي عشان تخطف قلبهاقبل عيونهاتشوفك وخلك شهم وكريم معهااعزمهاعلى عشاءفي مطعم فاخر وخليك شيك في هندامك وتسريحةشعرك وعطرك المميز ويبقى افتكرني لم تلاقي منهاالقبول والرضا وربي يسعدك معها
انازيك كداقصيرجداطولي 149والنسوان بيحبوني وعاوزين يتعرفوا على وانابطنش فكرفي نفسك وعش حياتك وخليهاتشوفك ممكن تحبك وتموت فيك
بص هقولك على حاجه انا برضه حبيت واحد من على النت ولما تقابلنا اول مره لقيته اكبر منى بعشر سنين وشكله عادى ولا حلو ولا حاجه بس كنت راضيه علشان حبيته بجد
الغلط الاول انك كذبت لازم تعرف الرجل في الشهمة و الرجولة مش المقاس و الطول كون شجاع و خبرها بالحقيقة قبل ما تقبلها لو كانت بنت ناس اكيد حتفهم الوضع و تسامحك
انا مش قصير وازووعه انا طووووويل وأهبــل هههههههههههههههههه يعم قصير ايه وطويل ايه الراجل مش بس بكلمته الراجل برعايته لبييته واسرته اقولك على حل كويس ؟ روح العب عقله ف الجيم ههههههههههههههههه وربنا يا اخى انت ضحكتنى
انت هالك نفسك ليه ما انتا بتقول انكو لسه مشفتوش بعض و الله انا خايفة لتكون انت الي هتتصدم من المقابلة ديه انتا متخيلها كاملة و تلقيها مش كده خالص بقولك ايه الشات كلو كذب تلقيها زينت نفسها بكلمتين خالتك و قعت فيها و انا نصيحتي متقبلهاش قبل ماتشوف بعضكو بالنت او حتى صور المهم لا للمقابلة الفجائية لانك بتبقى متخيل حاجة و تلقي حاجة ثانية خالص
الكذب مالوش رجلين بس صارحها لما تقابلهاوده افضل من الصراحة بالكتابة لانها ممكن تجاملك اوتفتكر إنك بتختبر حبها ليك بالكلام ده والمواجهة افضل الحلول وبعدين هتلر كان150سم وغزا العالم وأنت 153ومش هتقدر تحتل قلبها خليك واثق فى حبك ليها وحبها ليك وربنا يتمم على خير وماتنساش تدعيني او تدعي لي
انا من رايي انكتقولها بصراحه علي النت الاول قبل ماتتقابلوا علي طولك وتصاريحها بكل حاجه كدبت عليها فيها ولو فيه حاجات تانيه غير الطول او عيوب تانيه قولها مش عيب والله لما تقول علي عيوبك قبل مميزاتك بل بالعكس ديه حاجه مهمه جدا انك توضح عيوبك علشان تعرف مدي تقبل ال بيتعاملك معاك ليك علي الحقيقه وهي بجد لو بتحبك هتطلب منك انكم تتقابلوا تاني ومش هيفرق معاها الموضوع ولو ترددت اعرف انها بتحب المظاهر ومش بتحبك اصلا وانت ال هتحس بيها وبرد فعلها مش احنا يعني قولها الاول قبل المقابله وبعدها هي تقرر تقابلك علي كده ولا لأ …..
الطول عمره ماكان مقياس للرجولة صدقنى فالرئيس ميديفيد رئيس روسيا اقصر منك ب2 سم ورغم دالك لديه ثقة وعزيمة
انتي غلطتك انك كذبت عليها
ولكن القصر مش عيب ولا تتكسف منه لاني ده خلقه ربنا
وهي لو بتحبك مش هيهمها اي حاجه لاقصر ولا طول
وربنا يوفقك
ا الطول فخر ولو من خشب والقصر عار ولو من ذهب صدقنى انا كمان نفس طولك بلظبط متزوج واحدة اطول منى حوالى 170سم وعندى بنتين جمال اكيد انت اكلمت كلام عمرك ماحتتكلمة وانت معاها عشان كدة قبل ماتقابله انصحك تفتحلها الموضوع بس بطريق غير مباشر ثانيا حسسها ان كدة عرفتم بعض والمقابلة ليست تضييع وقت ولكن لتاكيد كل كلمة قلناها لبعض وحتى يعرف كل منا صدق ماقالة للاخر وفى نهاية حديثك لها قولها واحتمال هذة المقابلة تكون بداية لحياتة بنتمناها انا وانتى وتتمناها كل فتاة وشاب وشكرا
الحب لا يعتمد لا على الطول ولا على القصر لو بتحبك اكيد بتحبك لاخلاقك او لثقافتك او لاسلوبك او لوجود عاطفه جياشه جعلت من التواصل علاقه روحانيه يستمد منها كل طرف حبو للاخر وياريت تكون مقابلتك ليها للتعارف فقط وبعدها لو انت بتحبها بجد وارتحتو لبعض من اول لقاء بعدها تسرع فى دخول البيت من الباب وشكرا
عادى يابرنس صرف نفسك لما تروح تقابلها البس جزمه بكعب عالى ولا كأن فيه حاجه الدنيا اتطورت يابرنس
السلام عليكم ورحمه الله وبركاته
اولا كل شىء نصيب ولو ليكم نصيب تكملو مع بعض مفيش اى حاجه فى الدنيا حتفرق بينكم
مهما كانت وصدقنى الى بيحب بجد مبيشوفش عيوب حبيبه
واقابلها مش يمكن تلاقيها هى كمان مخبيه عنك حاجه وعايزة تصارحك بيها وهى معاك
وتبقى واحدة بواحدة وسعتها تندم على انك اخرت مقابلتك بيها
وتتجوزو وتعيشو احلا عيشه انشاء الله ربنا يوفقك
يعم جرب مش يمكن هى كمان تكون قصيره او طولك يعنى ليه اقدر البلا قبل وقوعه
يا ابنى لو فى حب بيجد مش موشكلة الطول ولا الاصر عادى مفيش مشكل باس لو فى حب بجد وى ربنا يئويك
هو الحب مبقاش غير على النت ولا ايه. يا جماعه اتقو الله . بس حقولك رائى روح قابلها وتوكل على الله لان كده كده حتفترقو فقابها ممكن يكون ده سبب وربنا معاك . بس والله القامه مش عيب لانه احنا ملناش دخل فيها علشان متفهمنيش غلط …..
انا وجهه نظرى انك تقابلها وتشوف هى بعدها رد فعلها ايه لو فعلا بتحبك هتكمل معاك
نقطتين .. انت الحمد لله مش اقل من اى حد علشان هما 24 قيراط بالتساوى عند الناس و ربنا بياخد من هنا و يوصل هنا (ربنا عز و جل عدل)
التانيه : حب الخيال (نت او تليفون) مختلف عن الحقيقه بكتير
مهدلها الاول و بعد كدة قولها و حاول تشوفها بسرعه علشان متفضلش متزاول كدة
و فى الاخر كل شئ قسمه و نصيب لو مراتك يبقى حتتجوزها يا معلم و ربنا يوفقك يا حبى
روح وقلها انا مش طويل وانا قصير وخيك صادق الصدق اهم شيئ الحل الوحيد انك تتعرف لها بك صراحه ولوسمحتك تبفا بتحبك ولو لا يبقا قدر الله وماشاء فعل
مش مجبر انك تكذب يعني بس ده مش موضوعنا انا شايف الأخوة كلهم الكومنتات بتاعتهم عتاب ونهر مش شايفهم عاطيينك حلول لأن الكذب ملهوش حل الا انك تصارحها أو ترسلها صورتك ويبان فيها شكلك الحقيقي وهي تقيم واللي فيه الخير يقدمه ربنا.
اللى بيحب حد بجد مش بيختار فيه حاجة ده بيحب قلب روح عقل تفكير احساس انه بيستمع ليه وبيحس بيه وعمرو فوق الطول بين الاحبة ما كان مشكلة او عائق اللى بيحب بجد بيتقبل حبيبه بحاله زى ماهو دون اعتراض على اى شئ وكل شخص وقدراته هو اللى يغير طرفه التنانى
انت تعترف ليها وتقولها الحقيقة وتقولها انا عملت كدا عشان كنت مفكر ان دى ممكن حاجة تضايقك او كدا وربنا يوفقكو مع بعض ياارب
اصلا هو الموضوع كله انا مش مقتنعه بيه ناهيك عن الطول والقصر دي خلقه ربنا واحنا مش هنعيب فيها انا اللي مضايقنى في الموضوع يعنى ايه واحدة تكلم واحد علي النت وتحبه وكمان تتطلب تقابله متهيالي الموضوع عايز وقفه منك وتفكير شويه مش كدا برده مش تفكرلي يا تري هعجبها طويل ولا قصير دي خلقه ربنا والله والمستعان
اهم شىء فى نجاح العلاقه الصراحه وانا من رأيى انك تصارحها بطولك هى حبة الآنسان اللى جواك وموضوع الطول مش مهم كانت راحت حبة نخله بس المهم انك تصارحها ومتكنش عندك اى نقص وانت بتقابلها بس هى ممكن تزعل انك قلتلها انك طزيل يعنى كدبت عليها من اولها ابدا معاها من جديد بصراحه ولو من نصيبك هتكونلك.
لا طبعا قبلها عادى جدا لان انت مكدبتش عليها فى ايه وايه المشكله انسان ربنا خلقه قصير القامه حرام يعنى ولا عيب ولا هو بمزاجه بقى قصير وبعدين القصر او الطول مش عيب ولا حرام ده ربنا بيقول بسم الله الرحمن الرحيم ولقد خلقناكم فى احسن تقويم ولو هيه يا صاحبى رفضتك بسبب انك قصير القامه خلاص تروح هيه وحتلاقى الف واحده احسن منها كمان سلام
الراجل مش بطوله يانجم ده بقيمته وممكن اقلك على حاجه تانى لو انت محرج
ممكن تقابلها فى مكان وتكون انت فى المكان ده بس انت بعيد شويه وتشوفها مناسبه ولا لا وتكلمها فى التليفون وهى تقلك هى واقفه فين وتشوفها من بعيد وتقرر بس تخش ولا تخلع
(بس الراجل مش بطوله ده بشخصيته بس….
اخي اذا في حب بينتكم مش راح يكون الطول عائق وانصحك بأأن تصارحها الى مته سوف تعيش هذا الوهم متمنيه لك التوفيق
تفائل خير اخي الكريم
اعتقد ان هذا الحب قد يفشل لاسباب كثيره مناه انكم حين تتحدثون كل منكم يتكلم وهو فى افضل حالاته ويظهر الجزء الحلو منه الحب الحقيقى والزواج هو الذى يبنى على الصراحه والطبيعه وجرب وقابلها مش حتخسر حاجه المهم ان نستفيد من اخطأنا
افكس لنفسك مفيش حب كده ده اسمه تعود ولو كلمت وحده تانيه هتنسا دي يامعلم وبعدين من امتا كان القصر عييبه, صارح نفسك وصارحها وقبلها مش هتفضل عمرك كلو تتكلم على النت ولما تقبلها هتعرف اذا كنت بتحبها ولااااااااا!!!!؟
للاسف الحل هو ان تراك
انكم تفضلوا تكلمو على النت وخلاص من غير مقابلات ولا حب حقيقى
فاهمنى طبعا وياريت لو هتقبلها قولها على النت
انا نفسى توصفيلى نفسك هتوصفلك نفسها
وبعد كدة هتقلك اوصفلى نفسك اوصفلها نفسك بس مش تتريق على نفسك عادى خالص
وانا فى الخدمة
ليه الكذب من الاول
يجب عليك ان تقابلها
وتعترف لها بالحقيقة
ومن هنا ان كان حبها لك صادق سوف تغفر لك هذه الكذبة
وان كان غير ذلك وتركت فلا تحزن فشعورها تجاهك ليس حبا
اذا اردت شئ بشدة فأطلق صراحه
فإن عاد اليك فهو ملك لك
وإن لم يعود اليك فهو ليس لك من البداية
بص هلقوللك حاجة المشكلة الوحيدة الكذب لية تكذب هو إنت إلى بتتحكم فى طول قامتك أو قصرة دة ربنا إليى بيخلئ والرجولة عمرها مكانت بالطول على العكس ممكن تلاقى شاب طويل بس هايف ملوش شخصية والبنات متحبوش وممكن تلاقى شاب نفس طوللك بس شخصيتة محبوبة صدقنى عمر الحب مكان بيتقاس بالطول ولوهيا سابتك علشان قصرك إعرف إن هيا مبتحبكش ويبقى مع السلامة إنتإلى كسبان ولو عادى مش فرقة معاها يبقى بتحبك بجد بردوا إنت إلى كسبان
وبعدين انت لازم تكون واثق من نفسك
رغم انى مش بقتنع بحب النت بس انت جوبت على نفسك انها حبتك وانت حبتها من غير متشوفوا بعض اصلا يعنى حبت فيك شخصيتك تفكيرك حبتك كا انسان مش شكلك متهيالى ده اكتر شىء هيخليك تتاخد هى بتحبك فعلا ولا لا ولا استقبلت الموضوع عادى ومافيش حاجه بالنسبه لها كده هى تستاهل انك تحبها لو لقيت تغير يبقى متستهلش انك تفكر فيها اصلا وانسى والعكس صحيح طبعا
لو بتحبك بحد مش هتشوف فيك اى عيب وهتقفبك على عيبك
بسم الله الرحمن الرحيم.. اولايا اخى ايه اللى خلاك تكدب عليها ف موضوع طولك ؟ثانيا الطول والقصر عمره ما كن مشكله مع اى حد ..بل بالعكس انا شايف ان طولك معقول جدا بالنسبه لشباب تانى اقصر منك بكثييييييير واتجوزت وعاشت حياتها وبدون ادنى مشكله ,, اقولك يا اخى توكل على الله وقابلها وان شاء الله هتلائى اللى يسعدك .. وخليك واثق ف نفسك اكتر من كده ..
صرحها بالحقيقة وربنا معاك الا بيخلق ربنا وهى لو بتحبك مش هيهمها
انت كذبت وقلتلها انك طويل يعنى ولا مفتحتش الموضوع اصلا وبعدين واضح انك عارف انها اطول منك
الطول والقصر مش مقياس خالص للارتباط بين اتنين والاهم من دا كله انك بتقول حب نت هو انت ناوى يعنى تروح تتقدم لها رسمي ولا بتتسلى ومش عايز التسلية تخلص لما تشوفك قصير اوى عنها
الرجل ليس بطول القامة أم قصرها، وعموما طالما هى معرفة من على النت فتأكد انها فى أمس الحاجة الى رجل للزواج ..وهذا ما دفعها لان تتحدث اليك ..و الافضل أن تكون صريح ، لكن لاتخجل من اللقاء بها فهى ايضا ليست نعومى كامبل عارضة الازياء…توكل على الله والتقى بها ربما يكون خيرا فى اللقاء…تحياتى
قولها أنت طولك كام فإن كان قريبا من طولك فخلاص مافيش مشكلة وإن كانت طويله فريح نفسك وقولها أن أنت قصير القامة وطولك كذا فإن وافقت كان بها وإن لم توافق ففي غيرها ألاف مؤلفه وأقصر منك وطولك ويتمنوا رضاك
بصراحه الكدب وحش بلاش الكدب وحتى لو اى واحد كدب على حببته لازم يصارحه وهيه لو بتحبه اكيد هتسمحه عشان البيحب بيسامح
طالما انك لم تقول لها الحقيقة فانت كنت تتسلى فقط ولا يوجد حب حقيقى انما بعد ما حسيت بحبها فى قلبك فكان يجب ان تصارحها بالحقيقة واذا كنت تريد مقابلتها اخبرها بالحقيقة الاول وقبل كل شى هل هو حب حقيقى ولا تسليه ان كان تسليه فلا تعرفها وسيبها ربنا يسهلها ويكرمك ببنت الحلال
mat2abelhash ela lama te2olaha 3ala el7a2i2a