انا بنت عندى 26 سنة احب شخص اصغر منى ب 3 سنين ,هو كان زميل اختى فى الجامعة الفكرة انو انا كنت صديقة لكل اصدقاء اختى وفعلا صحبتهم قوى و كنت يساعدهم فى الدراسة وكنت بعتبرهم اخواتى بس من فترة مش بعيدة لقيت نفسى والشاب ده اتقربنا لبعض زيادة بحكم انى كان عندى مشكلة و هو كان بييساعدنى اخرج منها بس الغريب انة انا و هو كنا شاكين و خايفيين ان الموضوع يقلب لحب لحد ما وصلنا انو احنا بنحب بعض فعلا هتقولولى انا حسيت كدة عشان هو وقف جمبى فى مشكلتى لا انا بحبه بجد و هو كمان حبينا بعض لدرجة الجنون شبه بعض فى حاجات كتير و متعودين على بعض و ده بحكم معرفتى بيه من 3 سنين عمري ماحسيت انه اصغر منى و لاهو كمان بالعكس انا طول عمرى شايفاه اكبر مخه اكبر و تفكيره اكبر و هو بيعاملنى زى الطفله بيخاف عليا جدا و بيراعينى و بيراعى ربنا فيا و ديه حاجة انا محتجاها فى الشخص اللى نفسى ارتبط بي فى ظل ايام صعب انك تلاقى شخص بالمواصفات ديه مع العلم انى مش بتثر ولا بيهمنى انا و هو كلام الناس و عشان انا و هو على درجة عالية من الوعى وعكس افكار اهالينا التقليدية بحكم تغيير الاجيال و افكارهم بدأنا نخلى الموضوع رسمى وعرفنا اهالينا لانه احنا مش عايزين نعمل حاجة من وراهم و ديه مش من اخلاقى انا و هو احنا الاثنين على درجة كبيرة من العلم والثقافة و عارفين انهم هيعترضوا فو الاول بس قولنا لازم نحاول وبالخص الامهات امى وامه ,امه علقت فى البداية بس وافقت بعد كدة لكن امى هى المشكلة مع انها بتحبه جدا بس معترضة على الرغم من انو متوافر فيه كل المواصفات اللى ام تتمناها من اخلاق و ادب و احترام و متدين و مقتدر و مستقبلة المهنى هاي و لدية الشقة و العربية و كل حاجة مظبوطة الاعتراض على السن مرينا انا و هو بمشاكل وازمات كتير و كلم امى فى بيتنا بشكل رسمى و كل مره بنحس انو ما ينفعش نعيش من غير بعض و منت بتعب جدا و بنهار انا لحد دلوقتى بحاول مع امى لانها رافضة تماما بحجة العادات و التقاليد و كلام الناس و كرامتى و شكلى قدام الناس وانا دايما اقولها انو كلام الناس لا بيودى و لا بيجيب و لا بيمشى جوازة و لا بيعطلها الناس بتتكلم فى جميع الاحوال و حتى لو اتجوزت حد اكبر منى و مناسب برضو الناس بتتكلم دي عادات و تقاليد قديمة و معظم صحابى عارفين و معايا فى صفى على الرغم ان قدامها فى امثلة كدة كتيره فى العيلة و عايشين بجد انا عايزة نصيحة او طريقة اعرف اقنع بيها امى و ابى لان امى اثرت بكلامها عليه
انا عالرفة انى طولت عليكم بس بجد محتاجة ردكم ضرورى
الحب وفارق السن
كيف اقنع امى بزواجى من شاب اصغر منى
اضيف بتاريخ: Friday, February 1st, 2019 في 06:09
كلمات مشاكل وحلول: الجامعة, الدراسة, بنت, شاب
يااختي كل الكلام اللي قلته على الشاب كويس جدا ولاغبار عليه بس لازم موافقة اهلك على زواجكما الشرع بيقول كدا والاعراف والعادات ايضا تقول كدا ماتجيش انت وهو وتخالفوا شرع ربنا عزوجل اوعي تعمل كدا او تخرجي عن شور اهلك وتخالفيهم ربنا لن يؤفقك ولايبارك لكم في هذا الزواج وسوف تهين كرامة اهلك امام الناس ان فكرتي تتزوج منه بدون موافقتهم ورضاهم ارى ان المشكلة بسيطة وسهل حلها ان شاء الله تخلي احد من اقاربكم العقلاء خالك اوخالتك اوعمك اوعمتك ممن لهم تاثير على الوالدة وتستمع لكلامهم يقنعوها بالموافقة على زواجك من الشاب دا وتنتهي المشكلة ولااظن والدتك تقف في طريق سعادتك ابدا دام انها شايفه انكم تحبوا بعضكم وتعرفوا بعضكم والشاب كويس ومحترم وعلى دين وخلاق وظروفه المالية كويسة فلن تمانع ابدا بس عايزه احد يقنعها زي ماقلت لك وربنا يجعله من نصيبك ياقمر ويتمم لكم بالخير ويؤفقكم ويسعدكم في هذة الحياة