تبدا مشكلتى انى كنت عايشة بمبدا متحبيش ولو حبيتى متقوليش..قابلت كتير واتحبيت بس عمرى ماحبيت ولا عرفت طعم الحب لحد ما قابلته..كل الموازين اتقلبت والعقل بقى جنان والصح بقى مش لازم والغلط بقى صح
حبينا بعض 5سنين كلهم فيهم كل المشاعر اللى ممكن انسان يعيشها كان ابويا التانى اتغيرت كل مقاييس ومعايير الدنيا فهمت الدنيا صح اتصرفت صح كل حاجة كانت بالمظبوط وف مكانها كان المبدا اللى ملوش لازمة منعملهوش كنت واحدة عايشة الدنيا “عادى” بقيت “بحسبها اوى” كل ده كان بعيد عنه هو الدنيا مبتتحسبش عنده كل حاجة مباحة للاسف اتجاوزنا كتير تحت بند بنحب بعض ايا كان التجاوز كبير او صغير فهو تجاوز صعب يتنسى او حتى نتجاهله..مامته كانت عارفة وموافقة بس للاسف باباه رفض القصة كلها ومامته غيرت رايها طبعا
وهو للاسف بقى انسان غريب مش عارف يبعد ولا عارف يكمل وانا ف كل الحالات شايفة انى ضعت اعمل ايه واللى هو بيعمله ده صح الحل اننا نبعد ده صح انا اللى غلط لما بقوله يقوى على الدنيا بس مش عليا ميمشيش ويسيبنى ده غلط
عايزة حد يقولى مينفعش يقف قدام اهله لازم يسيبك..مين الصح ومين الغلط؟؟
يمشى ويسيبنى ولا لازم يكمل معايا؟؟ انا بس عايزة اعرف الصح ايه
ولو لازم يمشى ده طبيعى هنساه هنسى حبه هنسى الغلط اللى غلطته مستحيل اقبل غيره اعمل ايه
ادعولى بالرحمة وان ربنا يسامحنى
الحب قبل الزواج
حبيبي مش عارف يبعد عني ولا يكمل
اضيف بتاريخ: Tuesday, January 26th, 2016 في 05:11
كلمات مشاكل وحلول: الحب, بنت, حب, شاب
انت تجاوزت الحدود وتماديت في الغلط وارتكبت المحرمات والمعاصي وجعلتي من نفسك واهلك مسخرة لكل الناس من غير خوف من ربناعزوجل ولاتانيب ضمير ولااخلاق ولاتربية كلدي رميت به عرض الحايط وجايه الان بعد فوات الاوان وبعدماعرفت فداحة افعالك السودةوتصرفاتك المنافية لكل الاديان والاعراف والعادات وحاسة بالندم على كل مافعلتي بحق نفسك اولا وحق اهلك وكل الناس المحيطة بك مافي امامك الا ان تعلني التوبة الصادقة لله عزوجل وتستغفريه وتقطعي علاقتك بالشخص اللي اغواكي ودنس شرفك واخلاقك وتربيتك وجعل منك سافلة ومنحطة وحقيرة مقاطعة نهاية وللابد وتطلب من اهلك يسامحوك ويرضو اعنك وتنسي الماضي نهايئا وللابد وتحرصي على اجتناب المحرمات والمعاصي وتحافظي على صلوات في اوقاتها وتقري قران وتلتزمي بالحجاب الشرعي وتكوني باخلاق البنت المسلمة حقا التي تخشى الله عزوجل وتخافه في كل افعالهاواقوالها تلاقي رضاالرحمن عنك وتلاقي الخيروالسعادة وراحةالبال في كل حياتك والله الهادي لسواالسبيل
اهلا بكم اختنا
لا يخفى على امثالك ان التشريع الاسلامي ما حرم شيئا الا وفي اجتنابه مصلحة نفسية او بدنية ولانك خالفت تعاليم هذا الدين واتبعت الهوى فمن الطبيعي ان تكون نتيجة ذلك ورطة انت فيها الان ولكن ولله الحمد من الممكن تجاوزها بالتوبة اولا وقطع كافة طرق التواصل واخبريه بانه ان كان يريدك فليقنع اهله ولياتي والا فسيبدلك الله خيرا منه وثقي بان من يتق الله يجعل له مخرجا ويرزقه من حيث لا يحتسب ومن يتوكل على الله فهو حسبه