الحب قبل الزواج

قطع كلامة معايا ومعرفش ان كان سابنى

كنت على علاقه بشاب ومتفين على الزواج ولكن علاقتى بيه زادت جدا كان ياتى فى مكان شغلى ونتقابل ونغلق الباب علينا وكل يوم وهو مروح من شغله كان يتصل بيا ويطمن عليا كل يوم كذا مره فى اليوم فجاه بدون مقدمات مش بيتصل بيا فضلت اتصل اتصل يكنسل او مايردش بعدت له مسج وقولتله انا عملت ايه دايقك منى راح اتصل بيا قالى متبعتيش الرسايل المتعبه دى انا عندى ظروف وامى تعبانه سلام وقفل بعدها بعتله قولتله انا مش هزعجك بيا تانى وانت متكلمنيش تانى بس فكرت قولت مش يمكن عنده ظروف فعلا هبعتله مسج واعتذرله فيها وفعلا بعتها انى بعتذر انى قولت كده وبردو متكلمش من يومها اسبوع على كده فانا مش عارفه اعمل ايه هل هو كده سابنى طيب حتى لو سابنى مش يعرفنى علشان اشوف حياتى بدل مانا متعلقه كده مش عارفه اذا كان سابنى ولا لاء وهو مش عايز حتى يرد ولما بكلمه من رقم غريب بردو مايردش طيب اعمل ايه انا استنيت كتير عليه وكرامتى مش قادره اتصل بيه تانى لانه قاطع معايا مش بيتكلم ومش عارفه مالو اعمل ايه طيب

مشاكل وحلول ذات صلة

اضيف بتاريخ: Wednesday, September 6th, 2017 في 03:13

كلمات مشاكل وحلول: , , ,

ردود to “قطع كلامة معايا ومعرفش ان كان سابنى”

  1. Mody
    06/09/2017 at 04:04

    انتي كلمتيه كتير وعملتي اللي عليكي ولو هو عايز يكلمك هايكلمك ولو مش عايز يكلمك مهما حاولتي تكلميه مش هيرد عليكي ممكن جدا يكون قطع العلاقه وانتي كده بتجري وراه وبتهيني نفسك ولو هو كان عنده ظروف فعلا كان هايتصل ولو دقيقه واحده ويقلك انه عنده ظروف كذا كذا وأنه مشغول اليومين دول علشان ماتزعليش من انشغاله عنك لكن ده مش في دماغه أن كنتي تزعلي و يمكن بيتقل عليكي علشان يشوفك ها تجري وراه ولا لا.. انا نصحتي ليكي انك تشيليه من دماغك خالص وامسحي رقمه لان طول ما الرقم معاكي هاتحولي تكلميه انا عارف انك مش عايزه تعملي كده وانك نفسك يكلمك بس انتي في موقف يحتم عليكي انك تخدي موقف منه ولو هو عايز يكلمك هايكلمك ولو مكلمكيش ماتزعليش وقولي غار في داهيه لأنه مايستاهلكيش انتي ماعملتيش حاجه تزعله ولا تخليه يبعد عنك لكن هو بعد بمزاجه يبقي قولي في داهيه ماتزعليش اللي مايشتركيش ماتشتريهوش

اترك رداً أو حلاً لهذه المشكلة