بعد ما حبيته ظهر حبيبى القديم

السلام عليكم و رحمة الله و بركاته
دى اول مرة اكتب فيها على اى موقع و معرفش ليه قررت اكتب هنا و يمكن لما الناس تسمعلك و تقولك رايها ده يفيد لانه ما خاب من استشار
هبدا بمشكلتى و لكنها حقيقى طويلة و هحاول اختصر على قد ما اقدر لان الموضوع فعلا كبير..تقدملى انسان زمان حبنى جدا و حبيته جدا بس حصلت بينا مشاكل كتيرة بسبب غيرته الزيادة المهم سبنا بعض و بعدها اتقدملى انسان حبنى بشكل لم اكن ابدا اتخيله وكان متفاهم لابعد الحدود و فضل كل يوم يثبتلى انه متيم بيا و بيعشقنى فعلا و كنت خلاص مقتنعة جدا بيه مع انى ما فرحتش نفس فرحة الحب السابق بس كنت مرتاحة اوى لانه كان بيعاملنى و كانى ملكة فعلا متوجة لحد ما ظهر الانسان اللي حبيته زمان و كان عايز يرجعلى وانا للاسف ساعتها اتشقلب حالى بمعنى الكلمة حسيت انى لسه بحبه بس عقلى فضل رافض انى ابيع الشخص اللى ادانى كل حاجة فى الدنيا وانى ابعد عنه لانه كمان كان الشخص اللى ادانى كل الامان في الدنيا المشكلة انه انا اللى فضلت على اتصال بحبيبى السابق كنا بنتعاتب كنا حتى بنحب بعض لانه الظاهر الحب ماماتش و كل ما كنت افوق و اقرر انى لازم ارجع لعقلى و اتخطب باسرع وقت للانسان اللى كان موجود اصلا في حياتى يحصل اتصال بينى و بين حبيبى السابق لحد ما هو نفسه كلم اهلى عشان يقولهم انه عايز يرجعلى..انا فعلا مش عارفه حاجة فكرت كتير انى لو بحب لسه حبيبى السابق ارجعله بس مش قادره ادمر الانسان اللى ماشوفتش منه غير كل خير و كمان ضميرى مموتنى لانى فى الاخر انا اللى دمرت الاتنين لو كنت من اول يوم ظهر فيه حبيبى السابق كنت قفلت الباب ماكنش حصل كل ده لكن انا اللى خليت حبيبى السابق هو كمان اللي يتعلق بيا اكتر فى الفترة اللى رجعنا نتكلم فيها

مشاكل وحلول ذات صلة

• فكرت اعمل سحر لاهل حبيبي بسبب رفضهم لي
• كان نفسى اتستر واجيب اولاد زى اى بنت
• ادعي اني ارفض الزواج ويقولوا عني معقدة
• احببت فتاه لها ماض مع صديقي
• حب جديد أم فشل جديد
• قالي اوهبي نفسك.. هل في زواج كدا في الشرع
• اتألم كثيرا لانى احدثه من وراء اهلى