السلام عليكم
انا فتاه عندي 21 سنه .. بحب شاب من نفس عمري مع العلم انه اصغر مني بشهر عرفنا بعض علي النت وكنا اصدقاء جدا ولفتره طويله كنا اصدقاء تقريبا سنه .. وبعدها هو حبني وصارحني بحبه وانا كمان حبيته جداااا لدرجه الجنون .. في الاول كان تعاملنا مع بعض كويس جد بعد فتره مش طويله تقريبا 6 شهور بدانا نتغير في تعاملنا تقريبا مش بقي يحس بي شعوري ناحيته .. المهم العلاقه تطورت لدرجه كبيرة جدا … مش ممكن اقول تطورت لكن تدهورت ده المعني لانه بداء بعدها يكلمني في الجنس والحاجات دي وانا اكتر من مره اقوله ان مش من النوع ده واني بحبه ومش عايزة اخسره… ومعظم المشاكل بنا بسبب كدا … مرة فتره وكلم والده علشان يتقدم لي ووالده رفض وهو ساب البيت ووالدته سابت البيت علشان والده رافض … وحاليا هو رجع وقالي انه هيكلمه بس فتره صغيرة علي اما الموضوع يهدى.. في يوم اتقابلنا وحصلت بنا حاجه انا مش عارفه اقولها ازاي لكن هو اخد مني بوسه … حصلت مشكله كبيرة ومش اتكلمنا لفتره … وبعدها قالي ان زوجته قدام ربنا .. وانه مش هيتخلي عني … وبالفعل قالي اوهبي لي نفسك وانا قولت له وهبت لك نفسي … والله انا مش وحشه بس انا بحبه … من كام يوم حصلت مشكله وقالي انتي طالق ( وده اول يمين )
حاليا انا مش عارفه هل ده زواج فعلا .. ولا لأ … ارجوكم ساعدوني وارجوكم مش تاخدو عني فكرة وحشه لان انا والله متربيه لله الحمد بس الظروف حطتنا في المواقف … انا مش عارفه هل هو زوجي؟؟ وهل في زواج كدا في الشرع؟؟ وانتوا برايكم تعتقدو هو بيحبني ولا لأ ؟؟
ارجوكم ساعدوني وارجو ان مفيش حد ياخد عني فكرة وحشه
سلام عليكم
الحب قبل الزواج
قالي اوهبي نفسك.. هل في زواج كدا في الشرع
اضيف بتاريخ: Sunday, June 24th, 2018 في 23:27
كلمات مشاكل وحلول: الحب, الزواج, النت, حب, زواج, شاب, فتاة
كثيرا من البنات والشباب بيلعبوا ويكتبوا ورق زواج عرفي ضحك وهزار ولما تكبر البنت وتتخرج تكون هذه الورقة عائق لزواجه الشرعي – هي زوجت نفسها بورقة حتي لو كان ذلك من باب الضحك والهزار هي في نظر القانون متزوجة فان تزوجت شخصا أخر فهي في نظر القانون جمعت بين الأزواج وتعاقب علي هذه الجريمة بالقانون وتسجن – ولا حل الا اذا مزقت هذه الورقة الزواج العرفي – باختصار هذا الشخص يزيد منك المتعة ويتسلي معاكي وبعدين يرميكي في سلة المهملات وان حدث بينكم الخطيئة انتي هتجري وراه علشان يتجوزك وهو هيشوف غيرك – كتير من البنات بيتساهلوا ويفقدو شرفهم وسمعتهم باسم الحب – هو لو عاوزك يدخل البيت من بابه ويتقدم ليكي ويتجوزك علي سنة الله ورسوله – ربنا يوفقك وربنا يهدينا ويهديكي يارب العالمين اللهم أمين .
عليكم السلام ورحمة الله وبركاته:
أختي الكريمة:
من الواضح أن هذا الشاب يتلاعب بك ،لذا يجب عليك أن تقطعي علاقتك بك نهائياً، ولا تسمعي لما يهذي به، ولا تخافي إن هددك، فلن يضر إلا نفسه، وبالنسبة لسؤالك ( هل هناك زواج كهذا ؟؟) هذا الذي جرى بينكما ليس بزواج ، لا شرعاً ولا قانوناً ولا عرفاً، فالزواج لا يتم إلا بحضور ولي أمرك ومعه شاهدا عدل…واحذري من الصداقات مع الشباب على الانترنت، فإن هذا شيء محرم لا يحبه الله تعالى، وإذا كان الشاب صادقاً في حبه، فعليه أن يأتي البيوت من أبوابها، ولا يسلك سبلاً ملتوية ليصل إلى غايات دنيئة،
ومآرب وضيعة….
ايه يابنتى شغل الهبل ده
معقوله انتى متعلمه او درستى شى قبل كده
دع شغل عيال يابنتى مفيش الهبل ده وده استحاله يكون جواز
وبعدين اللى عايزك يابنت الناس هيعمل كل شى عشانك استحاله
ابوه يكون رفض من غير ما يعرفك وبعدين ماهو ممكن ابنه يكون فاشل
عشان كده رفض
فكك من الواد ده والله العظيم اقسم لك بالله انا كنت بحب واحده وكنت
متخيل الدنيا من غيرها صعبه جدا جدا بس والله مع الوقت طلعت اهبل
ولقيت انها ليا ولا حاجه مجرد وقت وتعب من التفكير وبعدين هتنسى كل شى
وعلى فكره يابنت الناس يا محترمه اللى بيحب حد بيحبه عشان نفسه وعشان
عايز يعيش معاه مش عشان الجنس اى كلب يتكلم عن الجنس ده يبقى راجل شمال
ابعدى عنه وعيشى ايامك وحياتك لسه قدامك عمر طوييييييل
لاحول ولاقوة الابالله ايه العبط والهبل بتاعك ده يابنت اولا علاقتك بالشاب ده حرام ولاتجوز اتقي الله في نفسك وفي اهلك وسمعتهم وشرفهم واقطع علاقتك بالسافل الواطي ده واتركيه وهو لازوجك ولاحتى خطبك ايه الخرافات والكلام الفارغ ده وهبت نفسي ان كنت قلت كدا فانت زانية في نظر الشرع توبي لربك واستغفريه واقطع علاقتك المحرمة به نهاية وللابد والله يصلح حالك ويهديك ويستر عليك وكل بنات المسلمين اجمعين
هو مافي زواج اصلا مين عطالو الحق انه يطلقك ههههه والله انه يضحك سامحيني .اولا انتي مازلتي صغيرة جدا ليش متسرعة ع الزواج الزواج مش جنة كملي دراستك واشغلي نفسك بحاجات مفيدة وهو لو فعلا يحبك رح يحل مشكلته مع ابوه ويخطبك ولو يضحك عليكي رح يبان كل شي لكن في الوقت الي يحصل فيه كل دا انتي مش تبقي تبكي عليه وميتة بحبه روحي اهتمي بنفسك و تعلمي حاجات تنفعك مادامك صغسؤة ومممكن يكون مجرد حب مراهقة ورح تضحكي عليه لما تكبري
ده مش زواج ده حرام ولعب،،ولو استمريت معه حتبيع نفسك،،اقطع علاقتك به فورا قبل فوات الأوان،،هو عاوز جسد بالحرام ،،أرجو انك تصحى