الحب قبل الزواج

بيحبني بس زهق من المشاكل بتاعتي

انا بحب واحد بقالنا 4 سنين كان زميلى فى الجامعة بس انا خلصت و هو لسه عشان بيسقط و هو قدامه سنتين ثلاتة اصلا وبخلص بس مالوش جيش المشكلة اننا بقينا خناقات و مشاكل كتير ولان هو عصبى جدااااااااااا بطبعه و شوية متحكم يعنى مينفعش اجدل معاه فى حاجة حتى لو فاهمنى غلط يقولى ديه مقاوحة ويزعل وانى امشى كلامه فى ساعتها واستنى لما يهدا بس انا مش ديما باعرف اعمل لانى عصبية برضو بس باكتم عصبيتى عشانه فعشان كده ديما فى مشاكل و يقولى انتى منكدة عليا من ساعة م عرفتك رغم واللهى انا باحاول اسمع كلامه ديما وعلى طول بس اوقات مبقدرش عشان بتكون فى حاجات تخص اهلى نزول طلوع او لو كنت مسافرة لازم اكلمه كل ساعة لو نمت و مش اتصلت كارثة
كل ده حاجة و اللى جاى حماده تانى
انا من سنتين دخلت على الفيس بوك عنده لفيته بيكلم ناس صحابه بنات و ولاد و الكلام عدى الحدود وحشتنى ومش عارفة و اتخنقنا وتعب ودخل المستشفى لانه هو عنده سكر و عديت الموضوع
وبعدها ب سنة دخلت عنده لقيته بيتكلم مع صحابه كلام قليل الادب و لقيت بنت صحبته كان قايلى مش بكلمها لقيت بيكلمها اه كلام عادى بس كدب عليا وواحد صاحبه بعتله بروفيلات بنات مش تمام و هو يقوله اه جامدة و فيه تانى ولا
و اتخنقت معاه مدة طويلة و اتظبطت بعدها فى كل حاجة حتى فى معاملته معاى و بعدين رجع معاملته اللى بمزاجه ديه
السنة ديه واحدة عملتله ادد وقعد يتكلم معاها و كلام مش مودب و بعد م عرفت يقولى انا كنت بس كده عشان اعرف هى ولد ولا بنت و لا حد من صحابى بيعمل مقلب ولا ايه وقعد يقولى انا مش استهلك والكلام ده وانتى احسن منى رغم قيلها بيوم كان مبهدلنى سامحته لانى بحبه
بس عملت اكونت عشان اعرف ممكن يتكلم مع حد تانى ولا وكلمته الاول كان رد على قد سوال (لانه هو عنده صفحة بتاعة صور و حاجات كده) واما بعتله صورى بدا يسال بقى كام سنةة وفين و ده رقم تليفونى وبعت صورته و عايز يكلم البنت يقولها اصلى ممكن يطلع fake ومينفهش نكون صحاب غير لكا اعرف انك بنت
ان كنت هاصارحه انى ان انا اللى عملت الميل ده و كلمته لكن خايفة منه اه خايفة يقولى انا كنت عارف انك انتى عشان كده طولت فى الكلام و يقلب الموضوع عليا و هو استاذ فى كده
انا بجد بمووت فيه عشان كده باسامحه و هو بيحبنى بس انا عارفه زهق من المشاكل بتاعتى

مشاكل وحلول ذات صلة

اضيف بتاريخ: Thursday, November 2nd, 2017 في 00:49

كلمات مشاكل وحلول: , , , , , ,

ردود to “بيحبني بس زهق من المشاكل بتاعتي”

  1. no
    08/11/2017 at 15:45

    اسأليه انت مبتكلمش بنات دلوقتي ولا ايه و هو هيرد برده عامليه عليها هو ميستاهلكيش اصلا انتي ساكته ليه كدا انا لو مكانك مكنتش عدييت اول حاجه

اترك رداً أو حلاً لهذه المشكلة