الحب قبل الزواج

مش عارفه حبى ليه صح ام غلط

انا حبيت واحد تقريبا من سنه هو ظابط وكان غنى لكن انا محبتهوش عشان هو غنى انا حبيته
وكان دايما محسسنى انه معايا ويقدر يعملى اى حاجه وكان بيخاف عليا اوى وكنت كل لما يطلب منى انزل معاه مامتى مكنتش بتوافق فكان بجيلى وانا نازلة عشان يشوفنى من بعيد بعربيته بعد كده مامتى قعدت تقولى هى واختى ابعدى عنه دة كداب ونصاب كانو كل شوية بيقولو ليا كده فكنت بقوله بصراحه راح مرة بعتلى بطاقته ورخصة العربيه ورخصته والفيزات بتاعته والباسبور الاسود وبعتلى حاجات كتير تبين شخصيتهانا كده بكتشف حاجات هو بيكدب فيها بس لما كنت بكلم فيها معاه كان بيرد عليا باجابه مقنعه ومرة مامتى واختى شافو وقعدو يتريقو عليه راح هو زعل منى وبعد عنى فى حدود شهر بس كان بيبعت لى مسجات يطمن فيها عليا وبعدين كلمنى شوية وبعدين اختفى خالص وكانت اقصاه اوى مسج بيعتها وبعدين يختفى خالص وبعدين يرجع يكلم تانى فى التليفون ويختفى ولما يرجع يكلمنى تانى يقولى انا ببعد عنك عشان انا بزعل منك ويرجع يكلمنى ويرجع يختفى وانا متعلقه بى اوى وبحبه وهو دلوقتى يختفى ويرجع يكلمنى تانى هل انا مفروض اسيبه ولا مفروض اكمل انا ساعات بحس انى باردة لانى ببعتله مسجات واحيانا هو مش بيرد هو جبلى كذا هديه بس كنت باخدهم منه انا خايفه يقول عليا انى طمعانه فى ومش راضيه انزل اشوفه لكن باخد منه الهدايا