السلام عليكم ورحمة الله ….انا فتاة عمري 25 سنه , خريجة كلية الهندسة المدنيه . على قدر عالي من الرقي والجمال , قبل سنه قابلت شاب في محاظرات بالجامعه هوة اصغر مني بسنه بالصراحه ماكنت احبه اطلاقا بس هوة كان هايم بحبي ,اول مرة حكيت وياه كان يرجف وما يستطيع يتنفس حتى تخيلته راح يغمى عليه اويصير بي شي,, ضل ورايا وين مااروح حتى كنت اتهرب منه ,,بس ضل يلاحقني حتى عرف عنواني البريدي ,بصراحه ماكنت احبه وكنت مااشعر انو هوة مناسب اللي بس بداخلي كان فراغ عظيم كنت حابه امليه,,,ودائما كان عندي شعور انو هوة يعشقني لذلك كنت ارتاحله,,سمحتله يتقرب مني وشويه شويه صار يعلقني بي..ماانكر خلاني اعرف معنى السعادة ..كان يعاملني احسن معاملة بس دائما كنت احس انو هوه خايف او ميكدر ياخذ حبنا على محمل الجد…نوبات اهماله كان يخليني اشك بي مع انه كنت اعرف انو هوة مجنون بحبي ..وهذا الشي سببلي احباط وصرت اجرحه اكثر من مرة وازعل منه واخليه يتوسل ويشوف المر حتى يصالحني ومرة تركته وهجرته بس هوة رجعلي وصارت علاقتنه اقوى…بس اخر مشكله بيناتنه حسيته تغير عليه…شويه شويه صار يتحول من الانسان الطيب الوديع الى شخص قاسي ..صرت احسن انو بحياته انسانه ثانيه ..لذلك قررت ابحث عن انسان غيرة …وبصراحه اكو اكثر من شخص حاب يتقربلي بس كل انسان اكلمه مااكدر احبه..حاولت احب غيرة اكثر من مرة بس عجزت لان هوة الوحيد اللي بداخل قلبي …خليته يكتشف انو اني اخونه وهالشي زعله وتركني بس بعد يومين رجع وطلب انو نظل اصدقاء مو مهم اذا حبيت غيرة المهم نبقى كاصدقاء…اعرف انو اكو انسانه ثانيه بحياته بس هوة يخفي هالشي بكل قوته ودائما ينكر انو ماكو بحياته ثانيه …مع انه اني ميهمني اذا عرف اللي كنت احبهم قبله وحتى نوبات اوحيله انو اني اكلم غيرة …..اسفه ع الاطاله بس اريد اعرف شنو اسوي ؟؟؟؟ والله العظيم احبه وحده بس وما اكدر اخونه او انساه وهالشي مو بيدي…..مااكدر اتحمل خيانته بنفس الوقت … اتمنى لو اعرف هوة يحبني اكثر من البنت الثاني لو العكس صحيح ؟؟..اريد اعرف شنو الحل وشلون اخليه يرجعلي ويبقى الي لوحدي؟؟؟ ……شكرا جزيلا
باين انك عراقية من خلال لهجتك اهلافيك عزيزتي اي علاقة بين شاب وفتاة سوا من الجامعة او عبر النت تكون علاقة غير صحيحة وفيها الكثير من الكذب والخداع والتضليل لازم تعرفي الشي ذا الحمدلله انك عرفت حقيقته انه خاين وحق بنات وهذة النوعية من الشبان سافلين وخونة ولاامان لهم على الاطلاق اهتم عيني بدراستك ومستقبلك انت صايره هسع خريجة كلية الهندسة المدنية ولك مستقبل واعد ومشرق باذن الله تستاهل كل الخير اختي وربنا يؤفقك دوم وتخدم وطنك ومجتمعك وتعوضين اهلك كل الخير اتركي عنك هذة الخرابيط والتصرفات الغير اخلاقية وحافظي زين على شرفكي وسمعتكي وسمعة اهلك وثقتهم بكي صدقيني هولاء الاوغاد السفلة من مايشوفوا بنت جميلة وحلوة زيك كدا يركضون وراءها مثل الكلاب السعرانة لاجل يعبثون بها ويوقوعها في براثن اعمالهم القذرة واللااخلاقية عوفيك منهم كليش تمام واهتم بنفسكي وديري بالك زين على روحك واسعى الى تحقيق طموحك في هذة الحياة وتاكدي ان نصيبك سوف يجيك لامحال مع ابن الحلال الصالح اللي يستاهلك ويقدر مشاعرك ويصونها ويسعدك طوال عمرك