انا مش عارف احكي واقول ايه غير حسبي الله ونعم الوكيل
انا طالب في الجامعه عندي 22 سنه بدرس في كليه هندسه وبدرس بره مصر وعايش لوحدي وليا اخت اكبر مني ب سنه
عرفت من واحد صاحبي انه شاف اختي خارجه مع شاب في كافيه وقعد يحلف انه ما بيكدب
في الاول ما صدقتوش بس بعد كده حاولت اهكر حسابها ع الفيسبوك وفعلا فتحته لاني كنت عارف باسورد البريد بتاعها ولقيت عليه محادثات بالهبل مع الشاب ده وانه بيضحك عليها باسم الجواز وكده وعليه صور زباله باعتهاله صور قليله الادب جدا
انا اتصدمت وفعلا اغمى عليا بتاع 3 ساعات ليلتها
وعشان احنا من بلد منغلقه شويه في الصعيد واهلي عندهم ضغط وسكر ولو عرفوا حاجه زي دي هيروحو فيها او هيقتلوها قررت مقولهمش
بس رحت وكلمتها الاول عشان ع الاقل تصارحني وتقولي عملت كده ليه واكسب ثقتها فيا بس للاسف مفيش فايده و وطبعا انكرت وقالتلي انت اهبل ؟ ولو عندك حاجه اثبتها وكلمتني ببجاحه وباسلوب وحش ولما واجهتها بالصور والمحادثات قالتلي انت كداب وانت مفبركها وغيرت الباسوورد بتاع الحساب وعملتلي بلوك
وعرفت بعد كده بطريقه ما انها لسه بتكلمه واني مش في دماغها اساسا والموضوع مستمر وعادي
وقتها قررت اني اكلم ابويا وامي بس بطريقه غير مباشره كالعاده بردو كدبوني واتهموني اني مجنون ولازم اروح مصحه نفسيه
وصلت انهم قالولي ملكش دعوه وخليك في حالك واحنا ياسيدي عارفين وراضيين مع ان علاقتي بيهم كويسه بس مش عارف كلموني بطريقه وحشه هم كمان ليه مفكرتش والله ابدا اني ابعتلهم الصور دي خوفا عليهم وعليها
واستحملت اهانات كتير منهم ومش عارف اعمل ايه
اقسم بالله انا بموت كل يوم من الخنقه ومش عارف اركز قي دراستي ولا اعمل حاجه
حد يقولي اعمل ايه دلوقتي؟
هموم الشباب
بموت من الخنقة بعد اللي عرفته عن اختي
اضيف بتاريخ: Saturday, February 3rd, 2018 في 14:07
كلمات مشاكل وحلول: الجامعة, بنت, شاب, كلية الهندسة, مصر
شوف اختك في خطر لو كانت فعلا على علاقة مع هذا الشاب وربما هو بيضحك عليها ويعشمها بالزواج لوانت فعلا راجل وتخاف على سمعة اهلك وشرفهم راقب جيدا تصرفاتها من بعيد لبعيد وبرضو هذا الشاب اسال عنه واعرف مين اصحابه واخلاقه فان كان الشاب كويس ومحترم وعلى خلاق ويرغب في الارتباط فتكلم مع اختك وخليه يجي ويخطبها حسب الاصول غير كدا ماينفعش انها تتكلم معاه او تبعث له رسائل من اصلو البنات من سهل ان احد يضحك عليهن في الزمن ده وربنا يستر عليكم ويكفيكم شر ولاد الحرام
اخي انت ادك العيب عملت الواجب عليك وتكلمت معاها ونصحتها وبرضو مافيش فائدة واخبرت اهلك بالحقيقة وطلوعك كداب واتهموك بالجنون وقالوا لك مالكش دعوة بها خلاص هم احرار ويتصرفوا معها زيما ماهم عاوزين اهتم بدراستك ومستقبلك والتفت لروحك ولاتشغل بالك بها ابدا في مثل بيقول – الدم من الراس وحجرة من الارض – وفي مثل ثاني – الباب اللي يجيك منوالريح سدو واستريح – وساعتها اختك دي هتندم على كل اللي تعمله ده وتتمنى الموت على العيشة دي واهلك معها برضو