السلام عليكم ورحمته وبركاته
بصراحه يجماعه كحايتى بدأت لما شوفت انسانه على قدر كبير من الجمال والادب بس كانت شويه شايفه نفسها وشخصيتها قويه وبصراحه اعجبت بيها وابتدى الامر يتطور معايا لحد ماحبيتها مع العلم انها كانت مع انسان تانى بس يعنى تسليه وكمان هى كانت جايه من مجتمع تانى كانت عايشه فى الخليج ولسه جايه مصر المهم كل دا وانا مش عارف اصرارحها لاسباب كتير منها المستوى المادى انتو فاهمينى طبعا وحاجات كتير كمان انها كانت بتعملنى زى اخوها بالظبط اللى هو صاحبى ودى اكبر مصيبه وبعدين انا كنت فى الجامعه فى يوم لقيتها بتتصل بيا واتقابلنا على السلم وقالتى انا عايزاك فى موضوع قولتلها خير قالت تعال نقعد على الكافتيرا وانا اكتر شى بيدايقنى الكافتيرا اللى فى الكليه من منظر البنات والشباب اللى بيقضيها
المهم قعدنا على السلم قالتلى لو انت حاسس احساس غريب ناحيه واحد تعمل ايه قولتلها من ناحيت ايه يعنى عامل عبيط وانا من جوايا بتزلزل قالت لو انت بتحب حد هتعمل ايه قولتلها هروح اقوله على طول بشجعها وبعدين قالت انت مش حاسس باى احساس رديت قولت الجو برد قالت انا مش بهزر ووقفت وقالتلى حس بيا بقى شويه انا بحبك وخدت السلالم جرى عمرى ماانسى اللحظه دى ولا اليوم دا 23/12/ 2006الساعه واحده الظهر المهم بعدها قولت دى اللى مدوخه الدنيا وراها ومحدش فى الشله عارف ياخد منها حق ولا باطل احنا 7 اصحاب شباب وبنات اكتر من الاخوات ومافيش بينا فواصل فى الصحوبيه المهم قولت اصبر المهم بالليل لقيتها بتتصل واوصل كلمه قالتهالى ازيك ياحبيبى المهم بصراحه ماقدرتش ارد غير بالحمد لله ياحبيبى انتى عامله ايه على فكره انا بحبك من زمان بس كت خايف اقولك والحكايه مشيت ومشيت وابدينانرسم حياتنا وابتديت اغير فيها اللى مش عاجبنى من وجهت نظرى لانها والصراحه كانت بتستجيب لاى طلب وبعد فتره وصلنا لمرحله جميله اوى لحد من سنه ابتدى كل واحد يعند مع التانى والصراحه هى ماكنتش تقدر فى يوم تنام وانا زعلان لكنى انا كنت بزعلها وبنام عادى يعنى الشخصية القويه اللى مع الكل كانت معايا ولا شى كنت مسيطرعليها سيطره تامه وبعدين حسيت انى مش بديها اهتمام وهى قالتلى اكتر من مره انا اخر اهتماماتك وحذرتنى اكتر من مره وانا كنت بطنش وعادى يعنى اهى قاعده هتروح فين يعنى ماانا مسيطر واعترف قصرت فى حقها كتير وماكنتش عارف انها لو راحت منى هيكون حالتى كدا مش عارف اعيش خالص ولا اتكلم مع حد حتى اصحاى اللى هما اقرب ليا من اى حد المهم سافرت الامارات 3 شهور عند عمتى ورجعت والفطره دى كانت تتصل بيا ديما وانا اانفض مره ارد ومره لا وبعدين رجعت واتقابلنا ونفس الفتور اللى عندى موجود وهى الصراحه انسانه مخلصهه ومحترمه ومازالت بتحينى وانشغلت عنها شويه لفتره 20 يوم لا اتصال ولا اشوفها ولا حاجه واتصلت هى مره فى الفتره دى وقولتلها معلش انا مشغول عنك شويه والجاى احسن وقفلنا وبعدها كل واتصل بيها اقولها نتى فين تقولى شى مايخصك انا بطبعى عصبى جدا اقفل علشان مااغطش والامور تزيد ش صعوبه وبعدها لقيتها بتتصل بيا وبتقولى احنا انفصلنا ومش قادره اكمل انا سكت ومنطفتش غير كلمتين وبس زى مابيقولوا قولتلها انا بحبك وماحبتش ولا ههحب حد غيرك ابقى اساللى عنى وخلاص وانهارت وبعد شويه عانت نفسى وقولت هتراجع نغسها وهتكلمنى محصلش طبعا ابتديت انا بعد حوالى شهر اتصل ماتردش وفضلت يومين على الحال دا لحد ماردت وقولتلها انا مش قادر ابعد عنك وبحبك اكتر من اى فتره عدت لكن حسيت انى مش فارقه الكلمه معاها قالتى خلينا اخوات واصحاب زى ماكنا الاول رديت ماينفعش انتى حبيبتى بس وانهرت قودامها فى التليفون ومن كتر انا مش عارف اتكلم قفلت الخطوبعدين ابعت رسايل وهى ماتردش لحد يوم ماكانت مسافره روحت علشان اسلم عليها واشوفها وبقولها ازيك وبمجرد ماسمعت صوتها بترد السلام واذا بدموعى نازله علىى خدى كانها شلال بسرعه قومت طلعت بره على اساس انى هعمل تليفون محدش خد باله غيرها وبعدين هى اختفت وماشوفتهاش لحد دلوقتى ودى اصعب لحظه ماكنش عايزها تشوفنى كدا وبعدين ارن عليها نفس الحال ماتردش بس عرفت قد ايه انا بحبها وانى ضعيف جدا من غيرها ولو ترجع يوم واحد تحبنى واموت بعدها والله مش فارقه عندى حاجه تانيه المهم هى مسافره شهر وراجعه وكل يوم ببعت اكتر من رساله ولايوم جالى رد لانها قرت رساله واحده وبعدها التليفون مقفول لحد دلوقت مش عارف اعمل ايه اانا بحبها بجنون والظاهر هى قلبها قوى عليا اوى
اتمنى حد يفيدنى
جزاكم الله كل خير وكل من يقرا موضوعى له منى شكر وتقدير
علشان اكون صريح معاك البنت دي متحررة جدا وجرئية والدليل انها كلمتك وقالت لك انها تحبك فهل دي بنت محترمة ولا عندها اخلاق وتربية ابدا يااخي البنت المحترمة والمتربية صح ابدا ماتجري وراء الشاب ولاتصارحه بحقيقة مشاعرها مهما كانت الظروف وتجدها عملت كده مع شباب غيرك ومش بعيد لها تجارب وعلاقات معهم لما شافت مافيش فائدة منك راحت تشوف غيرك وهي الان تقولك خلينا اخوات ومش عايزه تسمع منك ولاتعبرك ولاتفكر فيك صدقني دي الحقيقة اللي لازم تعرفها لومش مصدق كلامي ده خلي احد من صحابك يكلمها ويتعرف عليها وانت تسمع وهتشوف انها تجاوبت معاه وتعرف حقيقتها الزائفة وتلعن الساعة اللي عرفتك عليها انت شاب طيب جدا ومحترم وباين عليك ابن ناس محترمين ولا لك تجارب او معرفة بالبنات ولااريدك ان تظل مخدوع فيالبنت دي وتظن انها ملاك نازل من السماء وتفوق لروحك قبل فوات الاوان وتهتم بدراستك ومستقبلك وربنا يصلح حالك ويهديك ويؤفقك في حياتك
والله لو لك نصيب فيها مفيش اي حاجه هتقف قدامكوا لا الوقت ولا المسافات وطالما انت بتحبها اوي كدة ادعي ربنا يجعلها ترجعلك وتكون نصيبك و استناها لحد ما ترجع وحاول تصلح الامور وعرفها انك بتحبها بجد وعايز تكمل حياتك معاها واتقدم لها عشان تعرف انك صادق وكمان عشان ربنا يبارك لك معاها وربنا يصلحلك الحال ويسعدكوا مع بعض