عايز يسيب بلدهم وييجي يتقدملي من غير اهله

السلام عليكم ورحمة الله وبركاته
انا مش هطول عليكم بأختصار انا بحب واحد جدا فوق الوصف وهو بيحبني جدا من حوالي 3سنين واتقدملي بس حصل مشاكل بينا وبينهم علي الماديات يعني اللي هي الشبكه والشقه والفرش والحاجات اللي بتضيع الدنيا وده لاني من محافظه وهو من محافظه تانيه بعيده عننا والتقاليد مختلفه 360 درجه _ انما انا وهو اتمسكنا ببعض ضد اهلنا وحصل مشاكل عندي وعنده بسبب تمسكنا ببعض وفضلنا في مشاكل فتره كبيره واتفقنا اننا نفكر بالعقل وان العصبيه مش هتجيب نتيجه وقولنا نهدي الموضوع شويه وبعدين نفتحه تاني _ الكلام ده من حوالي سنه وطبعا بنتكلم من ورا اهلي بس مامته عارفه اننا بنتكلم ومش عارفه ليه ساكته ومش بتزعقله ولا تعمل مشاكل عشان لسه بنتكلم _ المهم احنا فتحنا الموضوع تاني وانا قولتله هقنع اهلي بالاتفاقات القديمه لانه لسه باديء حياته وطلبات اهلي كتير عليه وانا مش عايزه غيره من الدنيا وانا لمحت لاهلي بطريق مش مباشر وهما الحمد لله من كلامهم حسيت انهم هيوافقوا المره دي وانه خير ومامته كمان قالتله كانت تهزر معانا لما اكلمه الفتره دي وفرحنا قوي وقولنا خلاص الموضوع اتحل المشكله انه كلم مامته بقي بقلب جامد فهي لما لقيت الموضوع قلب جد تاني ومش مجرد كلام تليفونات زي ما كانت شايفه قدامها قالتله لا قالها هي خلاص اقنعت اهلها بالاتفاقات قالتله لا انا مش عايزاك تسافر لها كل شويه عشان تشوفها انا هخاف عليك من السفر البعيد ده _ وطلعت بحجه ملهاش لازمه معرفش انا عملت ايه لده كله_ وهو اتخانق معاها وهي دلوقت رافضه خاااالص انه يتقدملي وقالتله لو عايزاك تستناك 3 سنين علي ما تعمل الشقه وتتجوزوا علي طول من غير خطوبه عشان ماتسفرش بعيد وطبعا دي حجه ماتدخلش العقل وانا اهلي مش هيوفقوا يسيبوني 3 سنين من غير جواز والحمد لله بيجي عرسان كتير وهيكون صعب 3 سنين وانا لو عليا استناه العمر كله_ هو وهي اتخانقوا جامد وحصلت مشكله بينهم وهو عايز يسيب بلدهم ويجي يتقدملي لوحده من غير اهله لان والده متوفي وعايز ياخد شقه عندنا ويتجوزني من غير اهله وانا طبعا مش موافقه عشان مايقطعش اهله عشاني واهلي مش هيوافقوا بالوضع ده وصعب نسيب بعض انا بعشقه قوي وهو مستعد يبيع الدنيا عشاني… ارجوكم ساعدوني باي كلمه واعمل ايه؟؟؟؟

مشاكل وحلول ذات صلة

• بحب اخو خطيبى
• اسيب حب عمرى وارضى ابويا بأى جوازة؟
• كان نفسى اتستر واجيب اولاد زى اى بنت
• اتفقنا على الزواج لكن حبنا بيقل
• انا وهو قرايب وبنحب بعض
• اخاف ابن خالي يكون بيتسلى معي ولا يريد الزواج
• بحب واحد اكبر منى ومش عارفة اقرر