انا بنت عندي20 سنة في كلية من كليات القمة لغاية السنة اللي فاتت ماكنتش مقتنعة بموضوع الارتباط والحب والكلام دة كان كل صحابي اللي بعرف انهم بيحبوا او مرتبطين كانوا دايما بينزلوا من نظري اتعرفت ع ولد ع النت (مش مهم الطريقة انا نفسي دلوقتي نسيت اننا اتعرفنا عن طريق النت ) المهم ان الولد كنت بحبه من قبل ماهو يفتح الموضوع او بصيغة واقعية اكتر حسيت ناحيته احساس ماحسيتهوش قبل كده ناحية اي حد وكمان شخصيته كانت عجباني يعني حسيته الى حد ما قريب مني هو طلب مني اننا نرتبط اكتر من مرة وانا كنت برفض لغاية ما قالي ف مرة وانا وافقت لاني فعلا كنت متعلقة بيه جدا ولقيت ف حاجات مش موجودة ف اي حد تاني يعني هو بيعرف يتعامل معايا خصوصا ان انا حد صعب التعامل معاه لاني عصبية وعنيدة جدا ,احنا دلوقتي مرتبطين بقالنا سنة بس حاسة ان ف كذا حاجة واقفة قدامنا اولا و بيطلب مني حاجات كتير انا رافضاها من اول مسكه الايد لكلام رخم في التليفون وحاجات تانية انا الحمدلله لغاية دلوقتي محصلش حاجة من دول بس هو ابتدى يزهق مني عشان رفضي ده وخايفة ياثر عليا يعني زي ماوافقت ع الارتباط اصلا وكلامنا ف التليفون وبعدين اننا نتقابل خايفة اوافق ع الحاجات دي عشان دايما عندي رغبة اني عايزة اسيبه لان حاسة ان انا ابتديت اتغير للاوحش من ساعة ماعرفته ابتديت اوافق ع حاجات ماكنتش اتخيل اني اعملها بس اللي مانعني ان انا بحبه جداا وعارفة انه هو كمان بيحبني اوي او كان بيحبني اوي لاني زي ماقولت حاسه انه زهق ثاني حاجة ان هو قدامه تقريبا 3 او 4 سنين ع مايتقدم وماما لما عرفت كده رفضت جدا وقالت انها مش هاتستنى كل ده هو دلوقتي ف السنة اللي قبل الاخيرة ف الكلية ولسه قدامه جيش ولسه لما يشتغل هي بتزن عليا ان اسيبه خصوصا ان انا ابتديت ارفض ناس اتقمولي هي مقتنعة بيهم عشانه انا دلوقتي مش عارفة اعمل ايه اسيبه ولا افضل معاه خايفة اكمل معاه اكون بضيع وقت وكمان اعمل حاجات غلط وحرام تقللني ف نظر نفسي وف نظر ماما وخايفة اسيبه اندم اني سيبت الانسان الوحيد اللي حبيته وحبيني ومش هلاقي حد يفهمني وافهمه كده ولا حد يحترمني ويكوم واثق فيا كده الثقة العمياء دي لان طبعا هو عارف انه اول حد ولو حد جه بعد كده مش هايبقى لاول اسفة بجد ع الاطالة وع اللخبطة ف الكلام بس انا بجد مشتتة جداا
شوفي يابنتي لو كان يحبك فعلا لحافظ عليك وماطلب منك حاجات مش كويسة ولاتجرا يمسك ايديك او يجرح مشاعرك ابدا صدقيني انه كداب وعمرو ماحبك ولاهيقدر يحافظ عليك عاوز يوقعك في الغلط معاه احذري منه وااياك والتهاون في تصرفاته دي معاك وامك معها كل الحق فيما قالته لك هي ادرى بمصلحتك منك ومن اي احد ثاني لازم تسمع كلامها وانصحك بقطع علاقتك بهذا الشاب نهايا وللابد والف من يتمناكي ياقمر البنات هتلاقي احسن منو مليون مرة وانت قولتيها قدامه 3-4 سنوات عشان يتقدم لك هذا اذا كان جاد في الارتباط من اصلو ولااظنه صادق في كل مايقوله لك وكل الشواهد تؤكد هذا اتركيه فورا وانهى علاقتك به للابد واهتم بدراستك في الكلية وربنا يؤفقك فيها ويكرمك بابن الحلال الصالح اللي يعرف قيمتك ويقدرمشاعرك ويسعدك العمركله في حياتك