الحب قبل الزواج

بيحبنى ولكن خايفة احبه من ورا اهلي

السلام عليكم انا فتاة  عندى 22 سنة اتعرفت على شاب فى الجامعة وكان اكبر منى وبعد اسبوع من معرفتى بى طلب منى رقم الهاتف علشان يكلمنى علية ولكنى رفضت علشان انا مقدرش اعمل حاجة من وراء ابى بعد ثقتة فيا واحترامة ليا وبعد رفضى لطلبة قالى انة معجب بيا اوى وعايز يتقدملى مع العلم انة غير جهاز ماديا ولكنة على امل ان يسمح ابى لة بخطوبة لحين تحسين الظروف وبالفعل جاء وشرح لة ظروفة بالكامل بانة بيشتغل منذ فترة طويلة وكان معة مبلغ كان ناوى يشترى بة شقة ولكن من سنة توفت والدتة بمرض وصرف كل الفلوس على مرضها ورغم ذلك والدى لم يوافق علية وبعد هذا اليوم شوفتوا تانى فى الجامعة ووعدنى بانة سوف يبذل كل ما فى وسعة علشان يحسن الظروف المادية دى ويجى مرة واتنين لحد ما يقتنع باابا بة ولكن اريد انا اعرف رايكم فى حاجتين:
اولا: انا مضايقة جدا علشان كلمتة من وراء بابا بعد رفضوا الزواج مع العلم انة رفضوا للاسباب المادية فقط لانة سال علية كل الناس قالت انة شاب اخلاق جدا؟
ثانيا: انا حاسة انة انسان كويس جدا واخلاقة عالية حتى لما بكون معة واى اذان ياذن بيتركنى ويقوم يصلى ويطلب منى انى اصلى ولما بكون مضايقة يقولى صلى واقرى قراءن وشجعنى على حاجات كتير حلوة ومؤدب بس فى نفس الوقت خايفة اتعلق بة اكتر وهو كمان ونفضل انا هو كدا بين السماء والارض بس هو ديما يقولى انا مش قلقان انا امى ماتت وهى راضية عنى اكيد ربنا هيكرمنى ؟
مش عارفة اعمل اية

مشاكل وحلول ذات صلة

اضيف بتاريخ: Sunday, March 18th, 2018 في 08:47

كلمات مشاكل وحلول: , , , , ,

2 رد to “بيحبنى ولكن خايفة احبه من ورا اهلي”

  1. ابوالبتول
    10/04/2018 at 00:28

    شوفي يااختي من كلامك عن هذا الشاب باين عليه فعلا انه شاب كويس ومحترم وعلى دين وخلاق ولكن ظروفه المادية صعبة شويه حاولي اقناع ابوك بالارتباط بهذا الشاب على الاقل عمل خطوبة ولااظن ابوك يرفض طالما انه سال عن الشاب وتاكد انه فعلا اخلاقه عالية جدا ومحترم ويكون الشاب بعدها قد جهز نفسه وعمل له قرشين ينفعوه في مستقبل حياتكم وصارحي ابوك فعلا برغبتك في الزواج من هذا الشاب وربما ابوك يساعدكم في امور الزواج ويسهل عليكم طالما انو الشاب ابن حلال كويس ومحترم فمثل هذا لايرفض ابدا وربنا يجعله من نصيبك ويؤفقكم وييسر لكم الامور ان شاء الله

  2. الشهيبى
    26/03/2018 at 13:14

    اللى انت عملتيه غلط،،،،اقطعى اى كلام مع هذا الشاب. وخليكى امينه مع ابوك. ،،وهذا الشاب لو محترم. هيتقدملك فى يوم من الايام ،،وهيكون من نصيبك. وع فكره هو هيراقبك من بعيد لبعيد،،، محرد ان تجلسى معه وتتكلمى معه ف امور الزواج والخطوبه. ده ميصحش ،،وده هيسببلك ضعف انسانى وممكن تتنازلى عن حجات كتيره بعد كده الارتباط الرسمى اولا

اترك رداً أو حلاً لهذه المشكلة