بنت عندى 19 سنة بحب واحد اوى وهوة كمان بيموت فيا هوة ادى ف السن بس عقلة كبير اووى وبيستحملنى وصبور معايا وشارينى لدرجة عقلكم مستحيل يصورهالكم بيحبنى لدرجة انة كان مستعد يبوس ايد بابا عشان يوافق بية المهم جة اتقدملى وبابا ادالة فرصة سنة انة يكون نفسة ويرجع يتقدم لما لقاة بيحبنى اوى هوة مسافر دلوقت المشكلة ان انا من وانا ف اعدادى وانا مهووسة بالتليفون بكلم اى حد معرفوش ولما دخلت ثانوى كنت بكلم اى حد بس اكون عارفاة ولما دخلن جامعة برضوا بكلم ولاد بس مش ف التليفون المهم انا بحبة بس عايزة اكون مخلصالة اتكلم معاة هوة بس انا عارفة ان كدة غلط بس انا وقتى بيبقى فاضى وانا اخدة ع الكلام ف التليفون بس والله والله عمرى ماتكلمت مع اى حد ف كلام خارج عن الاخلاق المهم عندى اكلم ولد وخلاص لما بيبقى مزعلنى واى ولد م التانين يكلمنى ارد واتكلم عادى المهم مش برضى اعرف حد انى مرتبطة عشان اعرف احساس كل واحد من ناحيتى انا امورة اوى وهوة امووور اوى يمكن اكتر منى البنات تتمنى كلمة منة بس هوة بيخلصلى مش غرور بس عشان تفهمو اى حد يتمنى يتكلم معايا ومحترمة اوى دة ال بيخليهم يتمنونى ومش ككلام لاء دول بيبقوا عايزين يخطبونى وبيتحليلوة عليا المهم هوة لسة مسافر من يومين بس حسة انى وحشة اوى ازاى يبقى مسافر بيتعب عشانى وانا هنا بكلم وف ولاد متعشمين بيا وعايزنى وكل واحد بيقوللى شعورة من ناحيتى وبقبل ازاى الكلام دة وانا يعتبر مخطوبة بس الحمد لله بقاللى يومين من وقت مسافر وانا قلبى مش بيطاوعنى اكلم حد علية وللتوضيح هوة واحد بس ال بكلمة علية ف التليفون غير ال ف الكلية وال ع الفيس وكدة والياهو بس من غير تليفونات نفسى حد ينصحنى بجد عايزاكم تقنعونى والله انا محتاجة للنصيحة بجد قولولى اعمل اية وفهمونى وهعمل بيها عايزاكم تقنعونى انا بحبة وخايفة اخسرة ومالقيش حد يحبنى ولا احبة ادى سورى طولت عليكم معلش بس ارجوكم محتاجة رائيكم
الاخلاص يكون للشخص اللي هيكون زوجك وهذا الشاب لحتى الان لم يخطبك رسمي فهل خطبك من اهلك وتمت الموافقة ولبستم دبل الخطوبة ام لا فان كان فعلا تمت الخطوبة بينكما فانت خطيبته رسمي ولايجوز لك الخيانة له بكلامك مع الشباب الاخرين زملايك في الكلية او غيرهم اتقي الله عزوجل في نفسك وفي خطيبك وحافظي على شرفه وسمعته وسمعة اهلك وكرامتهم وابتعدي عن تلك السلوكيات المحرمة والغير اخلاقية من التحدث مع الاولاد دول واهتم بخطيبك والسوال عنه والوفاء والاخلاص له حتى يبارك الله لكم ويتمم لكم بالخير ويسر اموركم وتتزوجوا عماقريب ان شاء الله صدقيني لو عرف خطيبك هذا انك تكلم شباب زمايلك في الموبايل فلن يسامحك على هذا وقد يشك فيك ويظن السوء انك على علاقة مع احد منهم ويتركك ويفسخ خطوبته لك ولاحد ساعتها يلومه ان فعل ذلك لانو محق فانت لاتستاهل ان تكون زوجة محترمة فهل تريدي يحصل معك كلهذا لاقدرالله فخلاص اقطع كل علاقاتك بهولاء الشباب واحترمي خطيبك ومشاعره وصوني شرفك وسمعتك عن كل هذة التصرفات المحرمة والغير اخلاقية وفقك الله واصلح حالك وسترعليك