السلام عليكم ورحمة الله وبركاته
مشكلتى ان مش عارفه مصلحتى فين نفسى استقر انا عمرى 25 سنه ومش متزوجه وبيتقدملى ناس كتير وبرفض لكن ظهر شخص فى حياتى اصغر منى بسنتين وبيدرس ومستواه العلمى عالى ادانى كل حاجه الحنان والاهتمام والحب لكن مش حساه بس مش قادره ابعد عنه لانى محتاجه حبه وحنانه اللى اتحرمت منه طول عمرى ومرتاحه له لكن هو نظرته ليا انى حبيبته انا عارفه ان طريقنا عكس بعضه لكن كل واحد فينا محتاج التانى جنبه كانت الاول ظروفه متيسره انه يتقدملى وانا كنت برفض انو يتقدم لاسباب انو عايزنى اقعد مع اهله وهما ناس فلاحن عندهم بقر وانا مش متعوده على شغل الفلاحين كلمته كتير انو نقعد لوحدنا وحلفتله ان هعامل اهله كويس بما يرضى الله وهو عارف انو اهله هيرفضو حاولت كتير اقنعه وهو حاول كتير يقنعنى انو هيعيشنى بكرامه بس اساعد مرات اخوه فى البيت واعمل كل شغل البيت وانزل سورى الزريبه، وانا رفضت لكن دلوقتى اتقدملى واحد معرفهوش ومش حاسه انو هيدينى كل اللى اداهونى الشخص اللى بيحبنى بس ظروفه متسمحش انو يتقدملى لاسباب ابوه مريض جدا واخته مخطوبه وبيجهزوها علشان تتجوز لكن امى موافقه جدا على اللى متقدملى وانا مش عارفه اوافق ولا لاء لانى قعدت معاه حسيت انو صغير عنى بكتير علما انو اصغر منى بسنتين نفس سن الشخص اللى بيحبنى لكن فى فرق فى المستوى العلمى بس انا جرحته لانى كلمته وقولتله فى واحد اتقدملى وعيط وهو بقى يصبرنى وقالى انو مش هيسيبنى قالى لما انزل اجازه هبقى اتصرف ويكلم ابوه لكن هو اتاخر اوى واتصل بيا يعرف اخر الاخبار جرحته وقولتله انت سيبتنى اتقطع وانت منزلتش اجازه علما وانا بحكيله قالى انا ممكن انزل اكلم والدتك اشرحلها ظروفى وانا رفضت لانو مينفعش ماما موافقه على اللى اتقدملى وبتتخانق معايا كل يوم علشان اوافق وقولتله حسبنا الله ونعم الوكيل علشان سيبتنى ربنا يردها فى بنتك وهو زعل منى وغضب ومبقاش يكلمنى واشتكى منى لصاحبتى وقالها مش هيكلمنى غير لما يحط النقط على الحروف وقال انو هيكلم والده علشان يتقدملى قولولى اعمل ايه اتصرف ازاى انا جرحته اوى غصب عنى انا انضغط من ماما من اهانتها ليا وخصوصا ان بقيت ااجل ميعاد لموافقتى ساعدونى اعمل ايه ربنا يبارك فيكم كان نفسى مظلمش حد مشكورين على الاستماع
مشاكل الحب والزواج
خايفه من نظرة المجتمع ليا
اضيف بتاريخ: Tuesday, February 5th, 2019 في 02:52
كلمات مشاكل وحلول: الحب, بنت, حب, شاب, مخطوبة
اللي باين إنك بتضحكي علي نفسك وبتظلمي نفسك.الحل طبعا انك تشوفي الراجل اللي متقدملك وتكون فتره الخطوبه ما تقلش عن سنه وتحاولي تدريسه كويس ولو ما عرفتيش تتاقلمي معاه سبيه وممكن يطلع راجل محترم يحافظ عليكي ويغير من تفكيرك.اما عن الشاب اللي عاوزك تعيشي مع أهله وتنزلي الزريبه.عايزه ايه من واحد بيحب واحده زي ما إنتي بتقولي ياخدها ويبهدلها.ده الكلام اللي بيقولهولك ده وانتي لسه ما اتجوزتيهوش ما تعرفيش كمان إنك هتصحي الساعه ٦الصبح تحضري الفطار للبيت كله وغسيل كمان غير الغيره من مرات اخوه وطبعا انتي الجديده هاتمشي علي طبعهم ولو مش عاجبك تترمي في الشارع ويا سلام لو عندك عيال يعني من الاخر إنتي بتدمري نفسك اللهم بلغت.اوعي تفكري انك ظلماه بالعكس ده هو اللي كان عايز يظلمك ويحطمك.فكك منه وشوفي اللي يقدرك وربنا يوفقك.