السلام عليكم .. انا بنت عندى 19 سنه .. مرتبطه بشخص اكبر منى و بحبه اووى بس علطوو شاكه فيه 🙁 علطول حاسه انه بيعمل حاجات غلط من ورايا , بحس انه بيخونى .. ولما بيحصل بنا مشكله مثلا ويكلم واحده صحبتى يشكيلها ببقى شاكه ان فى حاجه بنهم او انه بيتكلم معاها ف حاجات تانيه مش عنى وكده .. حتى اقرررب اصحابى كنت شاكه فيها لما لاقيت رقمه على موبايلها ( وطلعت مكلماه عشان هو كان بيسألها يجيبلى ايه ف عيد ميلادى ) .. 🙁 بزعل من نفسى اوى بس هاعمل ايه !…. قولولى حل لموضوع الشك دا (( مع العلم ان علطوول المشاكل او الاخطاء الى بتحصل بنا ببقى انا السبب او انا الى بعمل حاجات تزعله مش هو هو نادررر اوى لما بيغلط ))
لازم يقدرمشاعرك ويحترمها ومايتكلمش مع صحابتك في مواضيع خاصة بكم واقوليه انه ما يعملش كدا بطريقة حلوة ودون تجريح له وانت برضو كوني واثفة فيه وبطل شكوك اللي هتدمر سعادتكم ولافي داعي لتلك الشكوك من ناحيتك طالما انك عارفه انو يحبك فعلا وجاد في الارتباط بك وربنا يتمم لكم بالخير ويؤفقكم ويسعدكم
بصي اولا حاولى تطمنى نفسك وده هيكون بإنك تقوليلو بطريقه حلوه انك مش حابه اى تدخل لاى حد من صحباتك وانه ميكلمش اى بنت غيرك حتى لو لحاجه هتفرحك فهميه ان فرحتك لما كل حاجه تيجى منه هو من غير سؤال لحد وبكده هتوقفى كلامه لصحباتك وهيقل الشك وبرده حطى ببالك انك تفضلى محتوياه تماما عشان ميفكرش في خيانه وافضلى طمنى نفسك عشان تقدرى تكملى