مشكلتى انا شاب عندى 23 سنه كنت بحب زميلتى فى المعهد الكلام ده من حوالى 3 سنين وللآسف سبنا بعض ومحصلش نصيب . المهم كملت حياتى وبحاول انسى مع انى عمرى مانسيت والحمد لله انا شغال فى شركه مشهوره بوظيفه كويسه وناجح فى شغلى والحمد لله ولكن طول عمرى كنت بحاول ادور على الحب لأنى جوايا حب كتير نفسى اعطى لحد بحب حياه الرومانسيه اوى . المهم لفت الأيام ودارت الأيام وفجأه فوجئت ان بنتى عمى اللى هى تكبر عنى بسنه بتصرحنى بحبها وبتقولى انا بحبك ولكن للأسف انا عمرى مافكرت فيها ولاحبتها ولكن فى وقت انا كنت محتاج فى للحب كان لازم اوافق على الحب المعروض عليا ولكن مع مرور الأيام ومش كتير مقدرتش اصمد قدام الحب ده لأنى عمرى ماحستها وبدأت اعمل معاها مشاكل كتير علشان اسبها ولكن هيا كانت ابدآ ماتسبنى ولكن تكررت المشاكل اكثر من مره وبصراحه انا اللى كنت بصنعها علشان انهى علقتى بيها وكانت هى دايمى اللى ترجعلى لحد الحمد لله ماهى فهمت انى انا مش قادر احبها ومش حسسها وبعدت هى لوحدها بعد محاولات كتير من طرفها للأصلاح مبنا
المشكله هى انى جوايا حب كبير اوى مشعارف ادى لمين مش لاقى البنت اللى تعيشنى حياه الرومنسيه وتسأل عليا وتبادلنى نفس الشعور والأحساس . افيدونى بالله عليكم انا جوايا حب كبير اوى ومش لاقى حد اعطى الحب ده .
الحب قبل الزواج
نفسى احب بجد بعد حبيبتى الأولى
اضيف بتاريخ: Sunday, May 13th, 2018 في 07:47
كلمات مشاكل وحلول: الحب, بنت, حب, شاب
اخي العزيز الحب شئ عظيم وكبير ولاحد يستغنى عنه في هذة الحياة انت جربت الحب الاول مع وحدة ماقدرت مشاعرك ولاحصل نصيب بينكما وده شئ طبيعي بيحصل لكل واحد وبنت عمك صارحتك بحقيقة مشاعرها نحوك فليه قسوت عليها وتجاهلتها تماما وصدقني انها احسن لك من اي وحدة ثانية وفي مثل يقول -خذ اللي يحبك ولاتاخذ اللي تحبو انته – لوفي امكانية تقدر تصلح علاقتك بها وتعتذر لها عما حصل منك معها وتعترف لها بانك كنت غلطان وصدقني الحب الحقيقي ياتي بعد الجواز انا كنت زيك كده كنت على علاقة بفتاة زميلتي في الشغل طوال 3سنوات ولكن ماحصلش نصيب وافترقنا وكانت زي الصدمة لي وفجاة لقيت بنت خالتي تصارحنى بمشاعرها وانها تحبني وكنت لااملك مشاعر نحوها ابدا وظليت ارفض الكلام معها واستمريت في تجاهلها حتى علمت والدتي وقالت لي ياابني بنت خالتك هتكون احسن لك من اي وحدة ثانية وبرضاي عليك لازم توافق على اني اخطبها لك وكنت لاارفض لها طلب مهما كانت الظروف واستجبت لرغبتها وخطبتها من اهلها وخلال فترة الخطوبة عرفت انها فعلا تستاهل كل الخير محترمة جدا وعلى دين وخلاق وتعليم عالي وعلى قدر كبير من الجمال الحمدلله على دي النعمة تغيرت مشاعري نحوها للافضل وصرت افكر فيها ليلا ونهارا ولايعدي يوم الا لازم اشوفها او اسمع صوتها واخبرت اهلها واهلي بسرعة زواجنا والحمدلله تم الزواج وانجبت منها ولاد وبنات وشفت السعادة والهناء معها طوال حياتي وربنا يخلينا لبعض ولايحرمنا من بعض ويبارك لنا في العيال ان شاء الله