لا يخوننى الان ولكن اشك فيه

انا بحب واحد قريبى وكان بيحبنى زمان اكتر ماانا كنت بحبه بس انا مكنتش بحس بيه بمعنى انى مكنتش بهتم بيه ومكنتش برضى اننا نتكلم فى التليفون ولا انى اخرج معاه وفضل يصبر عليا كتير وكان مستنى انى اتغير وجه يوم فعلا واتغيرت وبقى كل حاجة فى حياتى بقيت احبه اكتر ماكان هو بيحبنى بس تغيرى ده كان متأخر لانه عرف بنات وفضل يدور فيهم على اللى كان عايزه فيا واللى المفروض انى اعمله معاه بس انا معرفتش موضوع البنات ده الا متأخر اوى وهو عرف انى عرفت ففضل يقولى انك انتى السبب وانا من جوايا فعلا عارفة انى السبب عشان كده سامحته وبقى كويس معايا وبعد عن البنات بس المصيبة ان بشك فيه على طول وهو عارف كده ودايما بجيب سيرة البنات اللى كان عارفها بيضايق منى وبيخاصمنى انا عارفة انه مش بيخونى دلوقتى بس مش عارفة ايه موضوع الشك اللى عندى ده بس انا مش قادرة انسى انه كان بيعرف بنات وكمان انا كنت وحشة معاه زمان وهو لسه فاكرلى لحد دلوقتى الحاجات الوحشة اللى كنت بعملها معاه فبيتحول عليا وبيبقى اسى عليا انا دلوقتى عايزة اعرف اعمل ايه فى الشك اللى عندى ده وموضوع قلبه الاسود ده عايزاه ميفتكرليش اى اسوة شافها منى بليز محتاجة لردكم

مشاكل وحلول ذات صلة

• بسبب شكي و غيرتي افترقنا ورجعنا بعد خيانتي لها
• مش عارفة اخد قرار اسيبه ولا هارجع اندم
• بيحبنى لكن هيضيع مستقبلى
• بحب زميلتى المسيحية وهى بتحبنى لكن مترددة
• متردد اخطب اي بنت فيهم
• اتقدملي وسبنا بعض لكن لسه بحبه وبنتكلم
• حبيبي بيخونى وبيوعدني يتغير ويكدب