انا عمري 21 حبيت شاب يسبقني بي سنه اتخرج وبيئدي الخدمه هو متدين واخلاقو عاليه ودا الخلاني احبو في البدايه انا كنت خايفه احبو وبعدين يكون مافي قسمه دا خلاهو يبعد ويرجع السبب انو خايف نحن نتعلق بي بعض شديد وبعدين مايكون بي ايدو حاجه يعملا ومرات بحس انو خايف مني لانو هو لسه في بدايه حياتو خايف اسيبو واعرس واحد تاني ،بعاملني بي ادب واحترام وهو ود بخالف الله وحاسه انو مافي بني ادم زيو ،المشكله انو هو مابسئل عني انا البسئل ولو انقطعت هو بينقطع وانا بستحقر نفسي لما اسئل عنو واخر ايامات اتغير علي ولما سئلت قال مافي شي ..بطلت اسئل عنو تاني وكمان هو بطل بس من جوه انا كنت متالمه وماقدرت وحابه ارجع اسئل منو تاني علي الاقل اعرف هو لي اتغير علي وانا بحبو ومتاكده انو مافي زول ذيو وانا عارفه انو هو ماعرف في الدنياء دي بت غيري وماعندو علاقه بي البنات بس ماعارف اعمل شنو ارجع واسئل والا اخليه في حاله وابعد رغم اني بحبو
