زميلى بيحبنى وخايفة ينسانى

السلام عليكم
انا فتاة متدينة الحمدلله ومليش ف كلام الشباب نهااائى
من بداية السنة اللى فاتت اكتشفت ان واحد زميلى بيحبنى وكل صحباتى اكدولى دا فانا عارفه ان دا حرام فكنت بصده جداا ولا عمرى بصتله وكنت كتير اوى امشى من المكان اللى هو موجود فيه
فضلت كده طول السنة تقريبا لكن هو ماملش وفضل برده وبعدين جيت ف اخر شهر كده غصب عنى حسيت انى بحبه جداا وانه فتى احلامى هو ماشاء الله برده متدين جدا وما بيبصش للبنات ولا بيكلمهم طبعا وحافظ القرآن وكده زيي بالظبط يعنى
بس انا بقى محسستوش اننا كمان حبيته وكنت بتصرف عادى وعمرى ما بصيتله ف عينيه لانى بتكسف جدا وكنت برده اسيبه وامشى وكده بصراحه جرحت كرامته كتير جدا
المشكله بقى اننا جينا ايام الامتحانات هو كان اول منا اخرج يخرج ورايا ويستنى اول منا امشى يمشى حتى اوقات كان بيبقى لسه مخلصش واول ما يلاقينى قمت يروح مسلم الورقه ويقوم هو كمان
المشكله بقى اننا جينا اخر يوم ف الامتحانات لقيته خلص وقام مشى فانا قمت بعدها ب10دقايق كده وخرجت متوقعه انى هلاقيه مستنينى لكن لقيته مشششششى
يااه من يومها ونا حالتى النفسيه تحت الصفر وبعيش ف حالة اكتئاب والله
بقول انه كده هيطنشنى بقى ويحاول ينسانى ف الاجازة لانى جرحت كرامته و حسسته انى مبحبوش خالص ونا والله بحبه جدا وبفكر فيه كل لحظه
وندمانة جدا وحاسه انى ضيعته وبعد اقول لنفسى طب كنت احسسه انى عادى او كده وهو اصلا مؤدب جدا وعمره ماكان هيجى يكلمنى
ارجوكم تردو عليا تقولولى اعمل ايه لانى حاسه انى بمووت وهل فعلا هينسانى ف الاجازة عشان اللى انا عملته فيه؟؟

مشاكل وحلول ذات صلة

• بسبب شكي و غيرتي افترقنا ورجعنا بعد خيانتي لها
• مش عارفة اخد قرار اسيبه ولا هارجع اندم
• بيحبنى لكن هيضيع مستقبلى
• بحب زميلتى المسيحية وهى بتحبنى لكن مترددة
• متردد اخطب اي بنت فيهم
• اتقدملي وسبنا بعض لكن لسه بحبه وبنتكلم
• حبيبي بيخونى وبيوعدني يتغير ويكدب