حبيت شاب واتخطبنا بعد سنه وبعدين سافر للعمل بالخارج واختصارا للمشكله اننا بنمارس الجنس عن طريق النت والتليفون وبقالنا سنتين ده بيحصل ديما وبصفه مستمره وانا مبقتش حبه ده يحصل تانى ولما اتكلمت معاه غضب جدا لدرجه انه راجع من السفر قريب فى اجازه وبيقولى ان لو مكنش فى بينا علاقه حميمه انى كدا بختار النهايه انا بحبه جدا لكنى بطلب منه اننا منغضبش ربنا وانى فوقت وندمانه ان ده كان بيحصل بينا طول الفتره دى وانى علشان بحبه خايفه على حياتنا اللى جايه لاكن هو رافض الكلام فالموضوع تماما وبيقولى مستحيل اننا نبطل ده وانى لو رفضت بمثابه انى بقوله مش انت الشخص اللى يحرك مشاعرى وانى مش عايزاه لاكن والله انا بحبه ونفسى اكون ليه زوجه صالحه ويكون ليا زوج صالح هو عمره 24 سنه وانا 21 سنه وبدات احس انه مبقاش بيخاف عليا لاكن هو ديما يقولى ان اللى بيحصل بينا ده حب وللاسف بيقدر يقنعنى ويقولى انتى مراتى قدام ربنا لكنى مبقتش مرتاحه واقسمت عليه ان ده مستحيل يحصل تانى ومهما هخسر مش هعمل كدا تانى لكن هو عنيد ورفض كلامى بمنتهى القسوه ارجوكم سعدونى بشكركم ……. وادعولى
اختي ده مايحبك ولاخايف عليك ولايستاهلك ابدا انه شخص سافل حقير وواطي وبلادين ولااخلاق معه عاوزيمارس معك الجنس باي طريقة كانت وشاف انك رخيصة عشان توافق على كل مايطلبه منك اقطع علاقتك به نهاية وللابد واحفظي شرفك وكرامتك وتربيةاهلك لك وخليه يغور في الف داهية ربنالايرده وتاكدي ان الله عزوجل سوف يكرمك باحسن منه وتلاقي ابن الحلال الصالح اللي يستاهلك بجد ويقدريصونك ويحافظ عليك ويسعدك في حياتك القادمة
بصي فى نوع من الشباب بيخطبو علشان كداحولى تنهى العلاقه اللى بنكوا واستغفر ربنا
ياريت متعمليش كدة
هههه اوعي اوعي اوعي يوقعك ده مستحيل يتزوجك وانهي العلاقة دي فورا لانة لا يحترمك كزوجة او حتي خطيبه هو يريدك فقط ……….
كل اللي ذكرتيه عن خطيبك واصراره على ممارسة الجنس معك عبرالنت والهاتف ده حرام شرعا لايجوز لانه لم يدخل بك ولم يتم كتب كتابكم بعد فانت لست بزوجته شرعا الواجب يحتم عليك قطع العلاقة به والاتصال حتى يرجع لرشده ويعرف ان الله حق وان لم يقلع ويرتدع فمن حقك فسخ الخطوبة معه واتركيه وشانه وربك بيكرمك بخيرمنه نشاءالله من ترك شيئا ابتغاءمرضاةالله عوضه الله بخيرمنه وتاكدي انه غيرموتمن عليك ولايقدريصونك ويحافظ عليك وممكن يستغل صورك اوكلامك الاباحي في امور خطيرة تسي لك ولاهلك وشرفك وكرامتك احذري من التهاون في الحاجات دي وربنايهديك ويسترعليك
أختي العزيزه كويس انك اعترفتي بأن الموضوع ده حرام ماتضعفيش قدامه لو بيحبك فعلا يبقى يستنى للجواز حتى لو هددك بفسخ الخطوبه خليكي ثابته على موقفك وتذكري من ترك شيئا لله عوضه الله خيرا منه
بصي يا بنتي الشاب ده استحاله هتيجوزك في يوم من الايام
الامل الوحيد اللي ممكن يخليه يفكر يتجوزك هو اسرارك على عدم ممارستك الجنس معاها تاني
لازم يشعر انك ندمانه بجد وانك توبتي فعلا امام الله مفيش حاجه اسمها جوزك ادام ربنا انتي مش صغيره علشان تقتنعي بالكلام الفارغ ده
بالعقل كده ازاي هيثق فيكي انك مبتعمليش ده مع غيره او بعد ما تتجوزا ممكن تحني للحاجات دي مع غيره
استغفري ربنا بجد وتوبي من قلبك وهو حر يضرب مدماغه في الحيط اذا وافق ان حبكم يستمر طاهر ويجي يتقدم لك فورا في الاجازة او كل طرف يروح لحاله وربنا هيعوضك فافضل منه لانك تركتي ده من اجل الله