انا عمرى 19 سنة ومشكلتى كالتالى ان معجب بواحدة جدا لدرجة الحب وانى مش برتاح الا لما بشوفها واول ما بشوفها بحس قلبى بينبض بسرعة……الخ المشكلة بقا انى خجول جدا ومليش ف حوارات البنات دى خالص ولا بحبها اساسا وهيا كانت بتبصلى كتير جدا ومش عارف اعمل ايه وكذا واحد من صحابى قالى البنت دى متابعة معاك وانا كنت بقوله عادى يعنى مفيش حاجة وكنت بشوف على طول اصحابها يبصوا مش فاهم ليه ويغمزوا لبعض المهم انا قعدت مستنى اللحظة اللى هكلمها فيها وكدا المهم قعدت كتير جدا لغاية ما حسيت انها زهقت منى لانى مش بعمل حاجة غير انى ببصلها قعدت بتاع حوالى شهرين على كدا المهم ف يوم هيا كانت قاعدة ف المكتبة لوحدها وصاحبى جه قالى (صاحبى دا هوا الوحيد اللى كان عارف الموضوع ) المهم روحت واتجرأت وكدا لقيتها طالعة من المكتبة فقولتلها يا بشمهندسة بعد اذنك كشكول المحاضرات وكانت النتيجة عكس ما توقعت خالص لقيتها بتقولى لا اسفة سورى انا بصراحة عرقت ومعرفتش اقولها ايه روحت قولتلها دا من ذوقك مش عارف سمعتها ولا لأ بصراحة انا اليوم دا اتخنقت على الاخر وقعدت كام يوم على كدا عشان الكسفة طبعا ولانى انا عمرى ما كنت هتطلب من واحدة حاجة غير لما احس ان فيه قبول وقعت اسبوع مش بروح الكلية وكدا وبعدين دخلنا على امتحانات بعد كدا لما بدأنا محاضرات لقيتها بتبصلى وتركز معايا ع الاخر وانا دلوقتى بجد مش فاهم اى حاجة خالص ومش عارف اعمل ايه غير انى ادخل كل يوم البروفايل بتاعها ع الفيس بوك وشكرا على كدا
فياريت اللى يعرف حاجة يا جماعة بجد يقولى اعمل ايه لانى انا بجد هتجنن وانا بحبها فعلا واسف انى طولت عليكم وارجو الاهتمام وشكرا
الحب من طرف واحد
بحب واحدة وهيا مش حاسة بيا
اضيف بتاريخ: Sunday, October 29th, 2017 في 15:06
كلمات مشاكل وحلول: بنت, حب, شاب, مشاكل
