بحب واحد مرتبط

مرحبا يا شباب أخباركم ايه؟حاحكي لكم حكايتي ويارب تريحوني وتساعدوني، انا بنت ف نص العشرينات من كم شهر ف شغلي اتعرفت على زميل لي،بعد فترة قربنا من بعض واداني رقمه هو اكبر مني شوية وكان بساعدني ف حاجات كتير انا من اول مرة شفته اتكهربت حسيت أني اعرفه من سنين المهم مع الايام إحساسي بدا يكبر ودة كله انا كاتمة جوايا.. كل يوم باتعلق اكتر واكتر انسان محترم وأخلاقه عاليه شكله كل حاجة فيه انا ما اتخيلت انه في ناس كدة موجودين في الدنيا.. كل مرة اشوفه بحس كأني اول مرة اشوفه قلبي بيفضل يدق،بلاقي نفسي غصبا عني بفكر فيه انا باتعذب،هو خاطب 🙁 ومع كدة ما عارفة ليه بحس كانه هو كمان بيحبني،على طول بينصحني ويقول لي ذاكرتي ايه ويسأل ني فيه، حاولت كتير اقنع نفسي انه الموضوع دة خسران وأقول لنفسي فوقي الموضوع دة نهايته حنكون مأساوية بس في حاجة غصبا عني بتجذبني ليه ياريت لو قلوبنا بايدنا..
انا مستحيل اعمل اي حاجة ولا بأهدد علاقته بخطيبته انا اول ما عرفت مشاعري بعدت على طول احتراما للعلاقة دي ولا باحلم حتى اننا نكون لبعض انا بس كان نفسي نتقابل زمان قبل ما يرتبط.. لكن خلاص الحمد لله على كل شيء
انا فرحانه عشانه نفسي يكون مبسوط واكيد خطيبته حتكون زيه عشان دة كلام ربنا، يمكن نتقابل في الجنه ماعارفة اصلا اذا ينفع اقول كدة انا لازم افوق وارجع لحياتي الطبيعية واركز ف مستقبلي ،بس ما عارفة حسيت كدة ليه على فكرة دة اول شاب اقرب منه ويكون في بيننا تعامل عن قرب..يعني الشخص الوحيد اللي احس ناحيته الإحساس ده قلبي يتكسر كدة ،انا سبت الشغل هناك هو كان عايزنا نفضل نتكلم بعد ما اخلص قاللي لو احتجتي اي حاجة كلميني،عمري ما كلمته بقاوم بكل الطرق
إحنا مافي بينا لا مكالمات ولا مسجات ولا اي حاجة من دي
مرت تلات شهور من اخر مرة شفته فيها حسيت انه روحي بتطلع مني، كنت كل يوم ببكي لحد ما أنام ، عمري ماحد عمل فيني كدة، حاسة أني باغرق
بس الحمد لله باحاول ارجع صلتي بربنا من تاني عشان دة الحاجة الوحيدة ال حتنفعني
أرجوكم ساعدوني وادعولي أنسى وانجح ف امتحاني
ربنا يسعدكم دنيا وآخرة يارب .. شكرًا

مشاكل وحلول ذات صلة

• بسبب شكي و غيرتي افترقنا ورجعنا بعد خيانتي لها
• مش عارفة اخد قرار اسيبه ولا هارجع اندم
• بيحبنى لكن هيضيع مستقبلى
• بحب زميلتى المسيحية وهى بتحبنى لكن مترددة
• متردد اخطب اي بنت فيهم
• اتقدملي وسبنا بعض لكن لسه بحبه وبنتكلم
• حبيبي بيخونى وبيوعدني يتغير ويكدب