انا شايفة ان الحب بيبدأ بكلمة و بينتهى بصدمة…انا طبعا عارفه اناا معظم اللى هيقرا البوست بتعاتى هيقول ده كلام طبيعى و بيحصل لكل حد و دى تجارب و بتتنسى بس بجد اللى يعيش حب و يحس انه حب نابع من جواه هيعرف قد ايه هى تجربة مؤلمة… الحب ده احلى حاجة فى الدنيا بس بجد ساعات بيكون مؤلم اوى فانا شايفة من وجهة نظرى انه اللى يحب و يتحب ده شخص محظوظ جدا ….الانسان يقدر يعرف من جواه اذا كان بيحب بجد او لا و انا من خلال تجريبتى دى عارفت انى بجد بحب و بجد يعنى ايه حب. انا عرفت شخص و من اول لحظة اعجبت بيه جدا و حسيت احساس عمرى ما حاسته مع حد من اول مرة.. اتعرفنا على بعض فترة و كانت احلى فترة فى حياتى عشان كان فى وجود لاثمن و احلى مشاعر ممكن حد يحسها لحد.. مش هطول عليكوا المهم بقى قربنا من بعض اكتر و المكلمات كترت و المقبلات و كل مرة كنت بحس بشعور داخلى جميل. بعدين بقينا مع بعض و فضلنا مع بعض فترة مش كبيرة خالص بس انا فى فترة قصيرة حبيته اوى …اه فى الاول ممكن اصنف الموضوع اعجاب شديد بس بعدين لقيت نفسى بحبه و عرفت انى بحبه من حاجات كتير اوى.
بس للاسف كل حاجة حلوة ليها نهايه معرفش ليه ..فاجأة لقيت (حبيبى سابقا) جيه يقولى انا مش عاوز استمر طبعا الاحساس اللى حسيته ساعتها كان صعب و كان شبه صدمة قوية اللى حطمت الاحلام اللى كنت بحلمها مع نفسى معاه و كأنه جيه يقولى انا مش عاوز اكون حبيبك تانى.
طبعا انتوا شايفين اللى بقوله ده كلام عادى و انه اى حد فينا مر يتجربة و فشلت و كلكوا هتقولولى “انسى و عيشى حياتك” بس الموضوع اصعب من كده بكتير… الموضوع ليه علاقة بالمسئوليه اتجاه شخص و اه حبى ليه كان مسئوليه من وجهة نظرى لانى اول ما عرفته كان عنده اعتراض على بعض تصرفاتى اللى كنت بحاول اغيرها عشان ارضيه و عشان اكون فى نظره بنت كامله و كمان و ده الاهم انى كنت بخاف على زعله و دى مشكلتى…انا عرفت يعنى ايه حد يحب حد بجد لما مريت بالتجربة دي .
كنت عندى اتجاه الشخص ده مشاعر اللى خلتنى اتعلم كتير يعنى مثلا اتعلمت يعنى ايه واحدة تحاول تحافظ على واحد رو مسئوليتها اتجاه الشخص اللى معاها ….
انا مش قادرة اطرد الاحساس ده من جوايا لأنى بجد حسيت انه كل حاجة فى حياتى…
كنت بخاف عليه اكتر من اى حاجة و ده حاجة جوايا كنت بهتم بيه بزيادة اكنه ابنى
كنت بزعل لزعله و افرح لفرحه و لما بيكون بس مضايق من حاجة كنت بيحس انى اللى مضايقة مش هو
كنت بحس بالهم لو هو عنده اى مشكله فى عمله او مع اهله ..
كنت بحكليه كل حاجة و اى حاجة هبلة حصلتلى لمجرد الشعور بالسعادة و الامان و انا بكلمه حتى لو هو مش مهتم
كنت دايما بحس انى لازم اشوفه احسن حد فى الدنيا .. لدرجة انه دايما لما بصلى بدعبله من غير ما يعرف
كنت سايفاه احلى راجلى فى الدنيا و بجد كان عندى احساس انى مش شايفة حد حلو غيره و انه هو كفايه عليا
كنت بعمل مجهود كبير انى اغير من نفسى عشانه و عشان كان فى حاجات مكنتش عجباه فيا .. كان كل همى انى مضيقوش و ايوة مكنتش بحب ازعلة مش اريحه و خلاص
كان بيبقى احلى يوم لما اشوفه بحس انى مبسوطة زى الاطفال اوى
انا مهما قلت مش هعرف اوصف الاحساس اللى حساه لانه في كلام كتير للاسف مينفعش يتوصف .. انا بجد كانت من ضمن امنياتى اللى دايما كنت بدعيها انه يحس بنص الاحساس اللى حساه…بس للاسف هو مش بيحبنى زى ما بحبه و هو جيه قالى طبعا انا احترمته بس فى نفس الوقت كنت بتقطع من جوايا و نفس اعمل اى حاجة بس و يحبنى … المشكله بقى انه مينفعش تخلى حد يحبك بالعافية و الا كنا كلنا ارتحنا بس بجد الاحساس الجوايا من حب و اهتمام و خوف علية لسة موجود و مش عارفه اتخلص منه
كله هيقولى انسى و كل حاجة بتتنسى مع الوقت و انا عارفة الكلام ده كله بس فى نفس الوقت بسأل نفسى ليه الحاجات الحلوه مش بتكمل ؟ و ليه اللى تحبه ميحبكش؟ و ليه الواحد يتعمى و يعشق حد مش من نصيبه؟
انا اللى مزعلنى انى عملت مجهود كبير عشان احافظ على غلاقتى بالشخض ده و كنت ممكن انتنازل عن حاجات كتير عشانه و دى اسوأ حاجة عملتها لانه فى حكمة بتقول “اسوأ ما يفعله الانسان بنفسه انه يتخذ قرار فقط من اجل ارضاء الحبيب” …….. انا بس حبيت افضفض و بجد كان نفسى اعمله حاجات اكتر و اطلع الطاقة اللى جويا بس مينفعش 🙂
الحب من طرف واحد
حب مؤلم بدأ بكلمة وانتهى بصدمة
اضيف بتاريخ: Wednesday, November 29th, 2017 في 12:21
كلمات مشاكل وحلول: اعجاب, الحب, بنت, حب, شاب
عزيزتي اتفق معك في جزء كبير مما قلتيه وحاس بك وبكل ماتعانين من الالم والعذاب الذي سببه لك هذا الشاب الذي اعطيته كل ماعندك من الحب والمشاعر الصادقة والعواطف الجياشة واخلصت له في حبك لكنه طلع لايستاهل كلهذا الحب الذي غمرتيه به ونعم لاتستطيع ان تخلي احد يحبك بالعافية فطالما انه تخلى عنك وتركك فلااريد ان يؤثر هذا على نفسيتك ابدا اعتبريه ماضي وراح لحاله وانتهى وارميه وراء ظهرك تماما ولعاد تفكري فيه خالص صدقينى الايام كفيلة ان تنسيك اياه وانت لسه في عز شبابك وانوثتك والف من يتمنى الارتباط بك ياعزيزتي كوني واثقة من نفسك ومتفائلة بالخير دوما وحسنا انك فضفضت لنا بكل ماتعانين منه فهي علاج يساعدك على تجاوزتلك المحنة او الازمة التي مررت بها وسوف تكون عونا لك على تخطيها لبر الامان عايزك تشغل اوقاتك بطاعة الله عزوجل من اداء العبادات والحفاظ عليها كالصلاة في اوقاتها والصيام وقراءة القران وبر الوالدين وصلة الارحام وكثرة الاستغفار والصلاة على النبي عليه الصلاة والسلام والتخلق باخلاق المراة المسلمة طوال حياتك والالتزام بالحجاب والحشمة في اللباس وعدم الاختلاط بالرجال وغض البصر عن المحرمات والفواحش والابتعاد عن الكلام مع الشباب نهايا وعدم التبرج والسفور وصدقينى اذا التزمت بكلهذا في حياتك فسوف تلاقين رضا الله عزوجل عليك وتوفيقه لك وبيسر امورك كلها وبيكرمك ويرزقك من حيث لاتحتسبي وفقك الله واصلح حالك وبؤرك فيك
اختي الفاضلة انا حاسس بك وبالعكس ماقمت به اقصد طرح الموضوع هنا هو علاج فالفضفضة نوع من العلاج لاني اعلم ان كل حرف خرج منك خرجت معه كثير من المشاعر وهذا جيد وحتى ان احسست بالبكاء فبكي لانه اقوى علاج لمثل هذه الصدمات العاطفية النفسية
من كلامك انت امراة واعية وهذا كافي باني واثق ستخرجين من هذه المحنة بسلام كلنا معرضون لهذه الصدمات وقد نفعل المستحيل حتى ولو تمسكنا بارفع خيط من اجل التمسك بمن نحب لكن بعض الاحيان الاقدار لا تنصفنا او التعبير الاصح لا تقف معنا
الان انتي امام الامر الواقع من احببته لم يعد لك الخطوة التالية هي بداية حياة جديدة منك وصدقيني ان الارادة هي كل شيئ
اعلم درجة الصعوبة وبدها تعب وتستاهل التعب لانها حياتك تخيلي لو لم تحبي هذا الشخص وتصوري حياتك هكذا لازم تضعيها كقاعدة لبداية صفحة جديدة من حياتك
الايام هي من ستتكفل بعلاجك
كنت اعرف فتاة حاولت الانتحار من اجل من هجرها واليوم هي متزوجة وتعيش حياة سعيدة وفي احد المرات قالت لي كم كنت غبية اقتل نفسي من اجل شخص وتضحك
الان اختي الفاضلة العلاج بيدك انتي ولا تعلقي اي امل عليه وحاولي تغير عاداتك ولا تجلسي لوحدك لان الافكار ستقتلك حاولي ان تكوني اكثر اجتماعية لان هذا من سينيكسيك فيه