أنا بكتب وأنا مخنوقة بس بكتب عشان انصح كل بنت لو حبت حد مينفعش تصارحه مهما حصل غير لو ابتدى هو وصارحها وقالها انه عايز يرتبط بيها قدام كل الناس
أوقات بنتوهم ان دا حب .. لما يحط من البرفان اللي بيعجبك .. ويلبس اللون اللي بتحبيه .. بس في النهاية بننصدم وبيطلع وهم .. مجرد وهم كبير .. واحنا اللي عيشنا نفسنا فيه
أنا مش حاسة بجرحي من انه محبنيش ذي جرح كرامتي.. كرامة بنت محترمة اتنازلت في لحظة ضعف وصارحت حبيبها بحبها .. الدرس كان صعب اوي بس اتعلمته.. لاني دفعته من كرامتي وكبريائي
تعرفوا لما واحد يعجب بأخلاق بنت ويحاول يتقربلها مهما يحاول ومبيوصلش؟؟
تعرفوا بقى احساسه ايه لما يتأكد انه وصلها وهي بنفسها راحت تقولهاله؟؟
دي هي حكايتي .. 7 سنين بيحاول يكلمني ويتقرب مني من غير ما يمل أو يتعب لغاية ما وصل للي هو عايزه وقولتهاله .. رده كان ايه؟انا مش بفكر في جواز دلوقتي.. ومقدرش اعشمك!!!!!!!!
رسالة لكل بنت.. اللي بيحبك بجد هو اللي هيدخل من الباب من غير لف ولا دوران.. وسيبك من أي حد بيحاول يتقربلك .. عشان اللي عايز حاجة بيدخلها صح.. لما يحب يتقربلك هسيلك الطريق الصح..
كمان مفيش حاجة اسمها صداقة بين ولد وبنت.. أو نبقى اخوات لما تفرج.. لو حصلك نفس موقفي ابعدي بقدر استطاعتك.. ومتضحكيش على نفسك انه ممكن يحبك.. لان لو كان ممكن يحبك مكنش جرحك م البداية
اسفة اني طولت عليكم بس أنا كنت محتاجة اقول اللي جوايا يمكن ارتاح
الحب من طرف واحد
مش بفكر في جواز دلوقتي ومقدرش اعشمك
اضيف بتاريخ: Tuesday, February 27th, 2018 في 20:10
كلمات مشاكل وحلول: الحب, بنت, حب, شاب
يااختي ارجعي للصلاه والقرآن الكريم والله عزوجل يرزقك ابن الحلال المناسب لك لان اختيار الله عزوجل اجمل لانه يعلم مالانعلم